മണിയാശാന് പറഞ്ഞത് സത്യമോ? ശബരിമലയില് അടുത്തദിവസങ്ങളിലായി പത്തു യുവതികള് ദര്ശനം നടത്തിയതായി ഉന്നത പോലീസ് വൃത്തങ്ങള്
മണിയാശാന് പറഞ്ഞത് സത്യമോ? ശബരിമലയില് അടുത്തദിവസങ്ങളിലായി പത്തു യുവതികള് ദര്ശനം നടത്തിയതായി ഉന്നത പോലീസ് വൃത്തങ്ങള്. ഇന്നലെ ശ്രീലങ്കന് യുവതി മാള കയറിയെന്ന പോലീസിന്റെ അവകാശ വാദം ജനം ടി വി പൊളിച്ചടുക്കിയതിനു പിന്നാലെ കൂടുതല് കണക്കുമായി പോലീസ്. എന്നാല് ഇത് സര്ക്കാരിന്റെയും പോലീസിന്റെയും മറ്റൊരു തന്ത്രമാണോ എന്ന് വിശ്വാസികള് സംശയിക്കുന്നു.
വിദേശത്തുനിന്നെത്തിയ സംഘത്തിലുള്പ്പെട്ട, 40നും 50നും ഇടയില് പ്രായമുള്ള സ്ത്രീകള് ഉള്പ്പെടെ ശബരിമല ദര്ശനം നടത്തിയതായാണ് വിവരം. ഇവരുടെയെല്ലാം പ്രായവും മലകയറിയ തീയതിയും സമയവും ഉള്പ്പെടെയുള്ള കാര്യങ്ങള് സുപ്രീംകോടതിയില് നല്കുന്ന റിപ്പോര്ട്ടില് വ്യക്തമാക്കുമെന്നും ഉന്നതവൃത്തങ്ങള് അറിയിച്ചു. സംസ്ഥാനത്ത് വനിതാമതില് അരങ്ങേറുന്നതിനു മുമ്പും പിമ്പുമായി യുവതികള് മലചവിട്ടിയെന്ന വിവരമാണ് പോലീസ് നല്കുന്നത്. ഈ കണക്കുകള് സുപ്രിം കോടതിയില് സ്ത്രീ പ്രവേശനത്തിന് അനുകൂലമാകുമെന്ന് സര്ക്കാര് കരുതുന്നു.
സുപ്രീംകോടതി വിധിയുടെ അടിസ്ഥാനത്തില് യുവതികളെ കയറ്റിയെന്ന് കോടതിയെ അറിയിക്കുന്നതിന്റെ ഭാഗമായാണ് കൂടുതല് യുവതികളെ
എത്തിക്കുന്നതെന്നാണ് സൂചന. മുഖ്യമന്ത്രി ആറ്റിങ്ങലില് നടത്തിയ പ്രസംഗത്തിലുള്പ്പെടെ ശ്രീലങ്കന് യുവതി ശബരിമല ദര്ശനം നടത്തിയത് സ്ഥിരീകരിച്ചിരുന്നു. ഹര്ത്താലനുകൂലികളെ പരിഹസിച്ച് കൂടുതല് സ്ത്രീകള് ശബരിമല കയറുന്നതിനെ സര്ക്കാര് അനുകൂലിക്കുന്നുവെന്ന് വ്യക്തമാക്കുന്നു. ഇതിനിടെയാണ് ഞെട്ടിക്കുന്ന കണക്കുകള് പുറത്തു വരുന്നത്. ഏതു വിധേനയും സ്ത്രീ പ്രവേശനം സാധ്യമാക്കുക എന്ന അജണ്ടയാണ് സര്ക്കാരിനുള്ളത്. ശബരിമലയില് അയ്യപ്പ വേഷത്തില് തന്നെ വലിയൊരു ഭാഗംപോലീസുകാര് മഫ്തിയിലുള്ളതു പ്രതിഷേധക്കാരെ ബുദ്ധിമുട്ടിക്കുന്നു. അവര്ക്കിടയിലൂടെ സുരക്ഷിതമായി ദര്ശനമൊരുക്കുക എന്ന തന്ത്രമാണ് പോലീസ് പയറ്റുന്നത്. യുവതികള് പ്രവേശിച്ചതിന്റെ കൃത്യമായ കണക്കുകള് സുപ്രിം കോടതിയിലെത്തുമ്പോള് കൂടുതല് ഞെട്ടും എന്നാണ് ലഭിക്കുന്ന വിവരം.
മൂന്നു ദിവസംമുമ്പ് ശബരിമലയിലെത്തിയ 25 അംഗ മലേഷ്യന് സംഘത്തില് മൂന്നു യുവതികള് ദര്ശനം നടത്തിയെന്ന് പോലീസ് വ്യക്തമാക്കി. വ്യാഴാഴ്ച മലചവിട്ടിയ ശ്രീലങ്കന് യുവതി ഉള്പ്പെടെ പത്തുപേര് ദര്ശനം നടത്തി. അതേസമയം, ഇക്കാര്യങ്ങളില് ഔദ്യോഗിക സ്ഥിരീകരണത്തിന് ഇവര് ഇതുവരെ തയ്യാറായിട്ടില്ല. വരും ദിവസങ്ങളില് ഇത് സംബന്ധിച്ച് കൂടുതല് വിവരങ്ങള് പുറത്തു വിടുമെന്നറിയുന്നു. ശബരിമലയിലെ യുവതീപ്രവേശവുമായി ബന്ധപ്പെട്ട് സുപ്രീംകോടതിയില് സമര്പ്പിക്കുന്ന റിപ്പോര്ട്ടുകളില് ഇതുവരെയുണ്ടായ യുവതീപ്രവേശം സംബന്ധിച്ച വിശദവിവരങ്ങളും സുരക്ഷനല്കിയത് സംബന്ധിച്ച വിവരങ്ങളും വ്യക്തമാക്കും.ബിന്ദുവും കനകദുര്ഗയും ശബരിമല ദര്ശനം നടത്തിയശേഷമാണ് കൂടുതല് യുവതികളെ എത്തിക്കുന്ന പദ്ധതിയുമായി പോലീസും സര്ക്കാരും മുന്നോട്ടുപോകുന്നതെന്നാണ് വിവരം. വരുംദിവസങ്ങളിലും കൂടുതല് യുവതികള് ദര്ശനത്തിനെത്തുമെന്നും പോലീസ് വൃത്തങ്ങള് പറയുന്നു.
യുവതികള് മലചവിട്ടിയ വിവരം രഹസ്യമായി സൂക്ഷിക്കാനായിരുന്നു തീരുമാനം. സര്ക്കാരിനും പോലീസിലെ ഉന്നതര്ക്കും ഇതുസംബന്ധിച്ച് അറിവുണ്ടായിരുന്നു. വിദേശത്തുനിന്നെത്തിയവര്ക്കു പുറമേ ഇതരസംസ്ഥാനങ്ങളില്നിന്നെത്തിയ സംഘങ്ങള്ക്കൊപ്പവും 50 വയസ്സില് താഴെയുള്ള വനിതകള് ഉണ്ടായിരുന്നതായും പോലീസ് പറയുന്നു.
ശബരിമലയിലെ യുവതീപ്രവേശവുമായി ബന്ധപ്പെട്ട് സുപ്രീംകോടതിയില് സമര്പ്പിക്കുന്ന റിപ്പോര്ട്ടുകളില് ഇതുവരെയുണ്ടായ യുവതീപ്രവേശം സംബന്ധിച്ച വിശദവിവരങ്ങളും സുരക്ഷനല്കിയത് സംബന്ധിച്ച വിവരങ്ങളും വ്യക്തമാക്കും.
https://www.facebook.com/Malayalivartha
