ഇന്ത്യയിലെ ഏറ്റവും മോശം മുഖ്യമന്ത്രി ആര്? എന്നചോദ്യത്തിന് ഗൂഗിളിന്റെ ഉത്തരം പിണറായി വിജയനെന്ന്. ഇന്ത്യയിലെ മോശം മുഖ്യമന്ത്രിയിയെ തിരഞ്ഞാൽ ആദ്യം തെളിയുന്നത് പിണറായി വിജയൻറെ വിക്കിപീഡിയ പേജാണ്. ഗൂഗിളിന്റെ ഞെട്ടിക്കുന്ന ഉത്തരം സോഷ്യൽ മീഡിയയിൽ ചർച്ചയാകുകയാണ്. ശബരിമലയിൽ യുവതികൾക്ക് പ്രവേശനം അനുവദിച്ചു കൊണ്ടുള്ള വിധി വന്നതിനു പിന്നാലെ സോഷ്യൽ മീഡിയയിൽ പിണറായിവിജയനെതിരെ ഉയർന്ന പ്രതിഷേധങ്ങളാണ് ഗൂഗിളിന് പിണറായിയെ അപ്രിയനാക്കി മാറ്റിയത്.

വിശ്വാസങ്ങളെയും ആചാരങ്ങളെയും സംരക്ഷിക്കാനൊരുക്കമല്ലാത്ത സർക്കാരിനെതിരെയും മുഖ്യമന്ത്രിക്കെതിരെയും സോഷ്യൽ മീഡിയയിൽ പ്രതിഷേധം ശക്തമാകുന്നതിനിടയിലാണ് കൗതുകം ഉണർത്തുന്ന ഗൂഗിളിന്റെ മറുപടി .മുഖ്യമന്ത്രിക്കെതിരെ സ്ത്രീകളടക്കം അസഭ്യവർഷവുമായി തെരുവിലിറങ്ങിയിരുന്നു. കേരളത്തിൽ മാത്രമല്ല അന്യസംസ്ഥാനങ്ങളിലും മുഖ്യമന്ത്രിക്കെതിരെയുള്ള ബി ജെ പി പ്രതിഷേധം ശക്തമാണ്. കേരളത്തിലെ ഇടതു സർക്കാർ വിശ്വാസികളുടെ പ്രതിഷേധത്തെ അടിച്ചമർത്തുകയാണെന്ന് ഇവർ അഭിപ്രായപ്പെടുന്നു.

രാജ്യത്തെ മോശം മുഖ്യമന്ത്രി എന്ന ചോദ്യത്തിന് മാത്രമല്ല, കേരളത്തിലെ മോശം മുഖ്യമന്ത്രി ആരാണെന്നേ തിരഞ്ഞാൽ എ കെ ആന്റണിയുടെ വിക്കിപീഡിയ പേജാണ് തെളിഞ്ഞു വരുന്നത്. who is the bad chief minister of kerala എന്ന് തിരഞ്ഞാൽ എ കെ ആന്റണിയുടെ വിക്കിപീഡിയ പേജാണ് വരുന്നത്. അതേസമയം bad chief minister of kerala എന്ന് മാത്രം തിരഞ്ഞാൽ വീണ്ടും പിണറായി വിജയനെന്ന് ഉത്തരം നൽകും.

ഇതിന് മുമ്പും ഇത്തരം വിചിത്രമായ ഉത്തരങ്ങളുമായി ഗൂഗിൾ എത്തിയിരുന്നു. ലോകത്തെ പത്ത് കൊടുംകുറ്റവാളികളെ തിരഞ്ഞപ്പോൾ പ്രധാനമന്ത്രി നരേന്ദ്രമോദിയുടെ ചിത്രവും വന്നിരുന്നു. ലിബിയൻ നേതാവ് മുഹമ്മദ് ഗദ്ദാഫിക്കും അധോലോക നായകൻ ദാവൂദ് ഇഗ്രാഹിനുമൊപ്പമാണ് മോദിയുടെ പേരും വന്നത്. ഇതേതുടർന്ന് ഗൂഗിൾ നിയമനടപടി നേരിട്ടിരുന്നു.

മുഖ്യമന്ത്രിക്കെതിരെ നടക്കുന്ന വൻ ക്യംപെയിനിങ്ങിന്റെ ഫലമാണ് സെർച്ച് റിസർട്ട് എന്ന വിലയിരുത്തലുകളും ഉയരുന്നുണ്ട്. ഇതിനെതിരെ പ്രതിരോധ ക്യാമ്പെയിനും സോഷ്യൽ മീഡിയയിൽ ആരംഭിച്ചു കഴിഞ്ഞു.