ഈ വര്‍ഷത്തെ ഹരിവരാസനം പുരസ്‌കാരം പ്രശസ്ത പിന്നണി ഗായിക പി.സുശീലയ്ക്ക് സമ്മാനിക്കുമെന്ന് മന്ത്രി കടകംപള്ളി സുരേന്ദ്രന്‍ വാര്‍ത്താസമ്മേളനത്തില്‍ അറിയിച്ചു. ഒരു ലക്ഷം രൂപയും പ്രശസ്തിപത്രവും അടങ്ങുന്നതാണ് പുരസ്‌കാരം.

മകര വിളക്ക് ദിനമായ 14ന് രാവിലെ 9.30ന് സന്നിധാനത്ത് ചേരുന്ന സമ്മേളനത്തില്‍ മന്ത്രി കടകംപള്ളി സുരേന്ദ്രന്‍ പുരസ്‌കാരം സമ്മാനിക്കും. മുന്‍ ചീഫ് സെക്രട്ടറിയും കവിയുമായ കെ.ജയകുമാര്‍ അദ്ധ്യക്ഷനും ജസ്റ്രിസ് എസ്.സിരിഗജന്‍, കെ.ആര്‍ ജ്യോതിലാല്‍ എന്നിവര്‍ അംഗങ്ങളുമായ സമിതിയാണ് ജേതാവിനെ തിര‌ഞ്ഞെടുത്തത്.