കേന്ദ്ര സർക്കാരിന്റെ തൊഴിലാളി വിരുദ്ധ നയങ്ങൾക്കെതിരെ സംയുക്ത ട്രേഡ് യൂണിയൻ ആഹ്വാനം ചെയ്ത 48 മണിക്കൂർ ദേശീയ പണിമുടക്ക് തുടങ്ങി. സി.ഐ.ടി.യു, ഐ.എൻ.ടി.യു.സി ഉൾപ്പെടെയുള്ള സംഘടനകളുടെ പണിമുടക്ക് കേരളത്തിൽ ഫലത്തിൽ രണ്ടു ദിവസത്തെ ഹർത്താൽ ആയി മാറിയേക്കും. കഴിഞ്ഞ അർദ്ധരാത്രി ആരംഭിച്ച പണിമുടക്ക് നാളെ അർദ്ധരാത്രി വരെയാണ്. മോദി സര്‍ക്കാരിന്റെ ജനവിരുദ്ധ - തൊഴിലാളി വിരുദ്ധ നയങ്ങള്‍ക്കെതിരാണ് പണിമുടക്ക്. 20 കോടി തൊഴിലാളികള്‍ പണിമുടക്കിന്റെ ഭാഗമാകുമെന്ന് തൊഴിലാളി സംഘടനകളുടെ കൂട്ടായ്മ അറിയിച്ചു.

എന്നാൽ ദേ​ശീ​യ പ​ണി​മു​ട​ക്ക് സം​സ്ഥാ​ന​ത്ത് ഹ​ര്‍​ത്താ​ലാ​ക​രു​തെ​ന്ന് പോ​ലീ​സ് മേ​ധാ​വി ലോ​ക്നാ​ഥ് ബെ​ഹ്റ. സ്കൂ​ളു​ക​ള്‍​ക്കും വ്യാ​പാ​ര സ്ഥാ​പ​ന​ങ്ങ​ള്‍​ക്കും പോലീസ് സു​ര​ക്ഷ ന​ല്‍​കണമെന്നും നി​ര്‍​ദേ​ശി​ച്ചു. ക​ട​ക​ളും മ​റ്റ് സ്ഥാ​പ​ന​ങ്ങ​ളും ബ​ലാ​മാ​യി അ​ട​പ്പി​ക്കു​ക​യോ വാ​ഹ​ന​ങ്ങ​ള്‍​ക്ക് നേ​രെ ക​ല്ലെ​റി​യു​ക​യോ ചെ​യ്താ​ല്‍ അ​ക്ര​മി​ക​ളെ ഉ​ട​ന്‍ അ​റ​സ്റ്റ് ചെ​യ്യാനും നിര്‍ദേശമുണ്ട്. കെഎസ്‌ആ​ര്‍​ടി​സി ഉ​ള്‍​പ്പെ​ടെ പൊ​തു​ഗ​താ​ഗ​ത വാ​ഹ​ന​ങ്ങ​ള്‍​ക്ക് സു​ര​ക്ഷ​യൊ​രു​ക്കു​മെ​ന്നും ഡിജിപി കൂ​ട്ടി​ച്ചേ​ര്‍​ത്തു.