വാട്ടര്‍ ടാങ്കിന്റെ തറയിലെ കല്ലിളകി തലയിൽവീണു. അമ്മയ്ക്കരികിൽ കളിച്ചുകൊണ്ടിരുന്ന രണ്ടര വയസുകാരി ഫൈഹയ്ക്ക് ദാരുണാന്ത്യം. മലപ്പുറത്താണ് സംഭവം. എടപ്പാള്‍ ചങ്ങരംകുളം ഒതളൂര്‍ മുള്ളംകുന്നത്തുവളപ്പില്‍ ഫൈസലിന്റെ മകള്‍ ഫൈഹയാണ് മരിച്ചത്.

കുട്ടിയുടെ അമ്മ തുണി അലക്കുന്നതിന് സമീപം കളിച്ചു കൊണ്ടിരുന്നതിനിടയില്‍ സമീപത്ത് സ്ഥാപിച്ചിരുന്ന വാട്ടര്‍ ടാങ്കിന്റെ തറയിലെ കല്ലിളകി ഫാതിഹയുടെ തലയിൽ വീഴുകയായിരുന്നു. അപകടം നടന്നയുടന്‍തന്നെ ശബ്ദംകേട്ട് ഉമ്മ ഓടിയെത്തുകയായിരുന്നു. ഇവരുടെ കരച്ചിൽ കേട്ട് കേട്ട് വീട്ടുകാരും അയല്‍വാസികളും ഓടിക്കൂടിയാണ് കുഞ്ഞിനെ ആശുപത്രിയിലെത്തിച്ചത്. എന്നാൽ തലയില്‍തന്നെ കല്ല് പതിച്ചതിനാല്‍ മരണംവേഗം സംഭവിക്കുകയായിരുന്നു എന്ന് ഡോക്ടർമാർ അറിയിച്ചു.