കടയുടെ പുറകില്‍ നിന്നും തീ ആളിപടർന്നു. മാവേലിക്കരയിലെ വ്യാപാരശാല കത്തി നശിച്ചു. മിച്ചൽ ജംഗ്ഷനിലെ കോടിക്കൽ ഗാർഡൻസിലെ താൽക്കാലിക വ്യാപാരശാല മെഗാ ലാഭമേളയാണ് അഗ്നിക്കിരയായത്. ഇന്ന് പുലര്‍ച്ചെ 1.10 ഓടെയായിരുന്നു തീ പിടുത്തം. തീപിടുത്തത്തിന്‍റെ കാരണം വ്യക്തമല്ല. കടയുടെ പുറകില്‍ നിന്നാണ് തീ പടര്‍ന്നതെന്ന് റിപ്പോര്‍ട്ടുകളുണ്ട്. ലക്ഷക്കണക്കിന് രൂപയുടെ നഷ്ടം ഉണ്ടായെന്നാണ് പ്രാഥമിക നിഗമനം. വ്യാപാരശാലയില്‍ തീ പടരുമ്പോള്‍ നാല് ജീവനക്കാര്‍ ഇവിടെ ഉണ്ടായിരുന്നു. എന്നാല്‍ ആര്‍ക്കുംതന്നെ പരിക്കുകളില്ല. പാലാ സ്വദേശി അബ്ദുൽ നിദാലിന്റെയാണു സ്ഥാപനം. കായംകുളം, ഹരിപ്പാട്, ചെങ്ങന്നൂർ, മാവേലിക്കര എന്നിവിടങ്ങളിൽ നിന്നായി 5 യൂണിറ്റ് അഗ്നിരക്ഷാ സേനയെത്തി രണ്ടര മണിക്കൂറോളം പരിശ്രമിച്ചാണു തീയണച്ചത്.