ശബരിമല യുവതീപ്രവേശനവുമായി ബന്ധപ്പെട്ട് പുനഃപരിശോധനാ ഹര്ജികളും മറ്റ് എല്ലാ ഹര്ജികളും സുപ്രീം കോടതി പരിഗണിക്കുന്നു.... ശബരിമല യുവതീപ്രവേശന വിധിയില് പിഴവുണ്ടെന്ന് എന്.എസ്.എസ്
ശബരിമല യുവതീപ്രവേശനവുമായി ബന്ധപ്പെട്ട് പുനഃപരിശോധനാ ഹരജകളും മറ്റ് എല്ലാ ഹരജികളും സുപ്രീം കോടതി പരിഗണിക്കുന്നു. വിധി പുനഃപരിശോധിക്കണോ വേണ്ടയോ എന്നാണ് വിഷയമെന്നും വിധി എന്ത് കൊണ്ട് പുനഃപരിശോധിക്കണം എന്ന കാര്യത്തില് വാദങ്ങള് ഒതുക്കണം എന്ന് ചീഫ് ജസ്റ്റിസ് പറഞ്ഞു. എന്.എസ്.എസിനുവേണ്ടി ഹാജരായ മുതിര്ന്ന അഭിഭാഷകന് കെ.പരാശരനാണ് വാദം തുടങ്ങിയത്.
എന്.എസ്.എസിനു വേണ്ടി അഡ്വ. കെ. പരാശരന്റെ വാദങ്ങള്
ശബരിമല യുവതീപ്രവേശന വിധിയില് പിഴവുണ്ടെന്ന് എന്.എസ്.എസ് അറിയിച്ചു. പൊതുസ്ഥലങ്ങളിലെ തുല്യതാവകാശം ആരാധനാലയങ്ങളില് ബാധകമല്ല. ക്ഷേത്രാചാരങ്ങള് റദ്ദാക്കിയത് തെറ്റാണ്. ആചാരങ്ങള് അസംബന്ധമാണെങ്കില് മാത്രമാണ് കോടതിക്ക് ഇടപെടാന് കഴിയൂ. ആചാരങ്ങള് അത്രമേല് അസംബന്ധം ആയാല് മാത്രമേ ഇടപടവൂ എന്നും യഹോവ കേസില് സുപ്രീംകോടതി നേരത്തെ പറഞ്ഞിട്ടുണ്ട്
ആചാരങ്ങളില് യുക്തി പരിശോധിക്കരുതെന്ന് നേരത്തെ ബിജോയ് ഇമ്മാനുവല് കേസ് സുപ്രിം കോടതി വിധി യില് പറയുന്നുണ്ട്.
ശബരിമലയിലേത് തൊട്ടുകൂടായ്മയല്ല. 17 ാം അനുഛേദത്തിന്റെ ഭാഗമായ ആചാരമല്ല ശബരിമലയിലേത്. പ്രധാനവിഷയങ്ങള് കോടതിക്ക് മുന്നില് എത്തിയിട്ടില്ല.
ജാതി മത ലിംഗ വ്യത്യാസങ്ങളുടെ അടിസ്ഥാനത്തില് വിവേചനം പാടില്ലെന്ന ഭരണഘടനയുടെ 15ാം അനുഛേദം മതസ്ഥാപനങ്ങള്ക്ക് ബാധകമല്ല.
15, 17, 25 അനുച്ഛേദങ്ങള് തമ്മിലുള്ള ബന്ധം വിലയിരുത്തിയതില് കോടതിക്ക് പിഴച്ചു.
ഭരണഘടനയുടെ 25 ാം അനുച്ഛേദ പ്രകാരമുള്ള മൗലികാവകാശങ്ങളാണ് അടിസ്ഥാന പരമായി ഈ കേസില് അടങ്ങി ഇരിക്കുന്നത്.
തൊട്ടുകൂടായ്മ കുറ്റകരമാണ്. പക്ഷേ ഭരണഘടനയില് അതു നിര്വചിച്ചിട്ടില്ല
എന്താണ് തൊട്ട് കൂടായ്മ എന്ന് നിര്വ്വചിക്കേണ്ടതുണ്ട്.
തൊട്ടു കൂടായ്മ വിധിയില് നിര്വ്വചിച്ച പ്രകാരമങ്കില് അത് ഹിന്ദു ആരാധനാലയത്തിന് മാത്രമാണ് ബാധകം ആകുക.
ശബരിമല യുവതീപ്രവേശന വിധി മറ്റു മതങ്ങളിലും പ്രത്യാഘാതം ഉണ്ടാക്കും.
പ്രതിഷ്ംയുടെ നൈഷ്ടിക ബ്രഹ്മചര്യം ആധാരമാക്കിയാണ് ശബരിമല ആചാരങ്ങള്.
യുവതീപ്രവേശന വിധിയുമായി ബന്ധപ്പെട്ട നാല് റിട്ട് ഹരജികളും ഹൈകോടതിയി ല്നിന്ന് കേസുകള് സുപ്രീംകോടതിയിലേക്കു മാറ്റണമെന്ന സംസ്ഥാന സര്ക്കാരിന്റെ അപേക്ഷയും അടക്കം 65 ഹരജികളാണ് പുനഃപരിശോധനാ ഹരജികള്ക്കൊപ്പം കേള്ക്കുന്നത്. ചീഫ് ജസ്റ്റിസ് രഞ്ജന് ഗൊഗോയ്, ജസ്റ്റിസുമാരായ ആര്.എഫ്. നരിമാന്, എ.എം. ഖാന്വില്കര്, ഡി.വൈ. ചന്ദ്രചൂഡ്, ഇന്ദു മല്ഹോത്ര എന്നിവരുടെ ബെഞ്ചാണ് ഹര്ജികള് പരിഗണിക്കുന്നത്.
യുവതീപ്രവേശന വിധിയുമായി ബന്ധപ്പെട്ട റിട്ട് ഹര്ജികള് ഉള്പ്പെടെയുള്ള പരാതികള് പുനഃപരിശോധനാ ഹരജി തീര്പ്പാക്കിയ ശേഷമേ പരിഗണിക്കൂവെന്ന് കോടതി വ്യക്തമാക്കിയിരുന്നു. ജനുവരി രണ്ടിന് ശബരിമലയില് ദര്ശനം നടത്തിയ ബിന്ദു, കനകദുര്ഗ എന്നിവരും രേഷ്മാ നിശാന്ത്, ഷനിലാ സതീഷ് എന്നിവരും പുനഃപരിശോധനാ ഹരജികളെ എതിര്ത്തുകൊണ്ട് സുപ്രീംകോടതിയെ സമീപിച്ചിട്ടുണ്ട്. വിധിയെ അനുകൂലിച്ചുകൊണ്ട് കക്ഷിചേരാന് അനുവദിക്കണമെന്നാണ് ഇവരുടെ ആവശ്യം.
സെപ്റ്റംബര് 28നാണ് ശബരിമലയില് പ്രായഭേദമന്യേ സ്ത്രീകള്ക്ക് പ്രവേശനം അനുവദിച്ചുകൊണ്ട് സുപ്രീംകോടതി വിധിപറഞ്ഞത്. ഇതിനെതിരായ പുനഃപരിശോധനാ ഹര്ജികള് ജനുവരി 22നു കേള്ക്കാനാണ് ആദ്യം നിശ്ചയിച്ചതെങ്കിലും ജസ്റ്റിസ് ഇന്ദു മല്ഹോത്ര അവധിയായതിനാല് മാറ്റിവെക്കുകയായിരുന്നു
https://www.facebook.com/Malayalivartha
