ഹോര്മൂസില് ഇറാന്റെ ആക്രമണം; ഒമാന്, ഇറാന് തീരങ്ങളോട് ചേര്ന്ന് രണ്ട് കപ്പലുകള്ക്ക് നേരെ ആക്രമണം
ഹോര്മൂസ് കടലിടുക്കിലെ നാവിക ഉപരോധം നീക്കാന് അമേരിക്ക തയാറാവത്തതിന് പിന്നാലെ ഹോര്മൂസിനോട് ചേര്ന്നുള്ള പ്രദേശത്തെ കപ്പലുകളെ ആക്രമിച്ച് ഇറാന്. ഒമാന്, ഇറാന് തീരങ്ങളോട് ചേര്ന്ന് രണ്ട് കപ്പലുകള്ക്ക് നേരെ ആക്രമണം ഉണ്ടായി. അമേരിക്കന് ഇസ്രയേല് ബന്ധമുള്ള രണ്ട് കപ്പലുകള് പിടിച്ചെടുത്തെന്നും ഇറാന് അവകാശപ്പെട്ടു. എം എസ് സി ഫ്രാന്സിസ്ക, എപാമിനോഡസ് എന്നീ കപ്പലുകള് ആണ് പിടിച്ചെടുത്തത് എന്ന് ഇറാന് സായുധ സേനയുടെ ഭാഗമായ ഇസ്ലാമിക് റെവല്യൂഷണറി ഗാര്ഡ് കോര്പ്സിന്റെ (ഐ ആര് ജി സി) അവകാശവാദം. ഹോര്മൂസിലെ അമേരിക്കന് ഉപരോധത്തെയും ഇറാന് മാധ്യമങ്ങള് പരിഹസിച്ചു. 34 ടാങ്കറുകള് അമേരിക്കന് ഉപരോധം മറിടകടന്നെന്നാണ് ഇറാന് മാധ്യമങ്ങളുടെ അവകാശവാദം. പാകിസ്ഥാനിലെ ചര്ച്ചയില് പങ്കെടുക്കില്ലെന്ന നിലപാട് സ്വീകരിച്ചിട്ടും അമേരിക്ക വെടിനിര്ത്തല് നീട്ടിയത് തങ്ങളുടെ വിജയമാണെന്നും ഇറാന് അവകാശപ്പെട്ടിട്ടുണ്ട്.
ഒമാന് തീരത്തിന് 15 നോട്ടിക്കല് മൈല് അകലെ ഗണ്ബോട്ടിലെത്തിയ ഐ ആര് ജി സി സംഘമാണ് ചരക്കു കപ്പലിന് നേരെ വെടിയുതിര്ത്തത്. കപ്പലിന്റെ ബ്രിഡ്ജിന് തകരാറുണ്ടായെന്ന് യു കെ മാരിടൈം ഏജന്സി വ്യക്തമാക്കി. ആര്ക്കും പരിക്കില്ലെന്നും യു കെ മാരിടൈം ഏജന്സി അറിയിച്ചു. ഇറാന് തീരത്തോട് ചേര്ന്നാണ് മറ്റൊരു കപ്പല് ആക്രമിക്കപ്പെട്ടത്. കടന്നുപോകാന് ശ്രമിച്ച കപ്പല് വെടിവെച്ച് നിര്ത്തിക്കുകയായിരുന്നു എന്നാണ് ഐ ആര് ജി സി പറയുന്നത്. അമേരിക്കന് ഇസ്രയേല് ബന്ധമുള്ള രണ്ട് കപ്പല് പിടിച്ചെടുത്തെന്നും ഇറാന് അവകാശപ്പെട്ടു. നിയന്ത്രണം മറികടന്നു പോകാന് ശ്രമിച്ചെന്ന് കാട്ടിയാണ് പിടിച്ചെടുത്തതെന്നാണ് അവകാശവാദം. നാവിക ഉപരോധം നീക്കാന് തയാറാകാതെയും, ചര്ച്ച നടക്കാതെയും ഇരിക്കുന്ന ഘട്ടം സമുദ്ര ഗതാഗതം കൂടുതല് അനിശ്ചിതത്വത്തിലായിട്ടുണ്ട്. പുതിയ തിയതി പോലും പറയാതെയാണ് ഡോണള്ഡ് ട്രംപ് വെടിനിര്ത്തല് നീട്ടിയത് എന്നതിനാല് ഇത് നീളാനും സാധ്യതയുണ്ട്. ഇറാന് ചര്ച്ചയില് നിന്ന് വിട്ടു നിന്നിട്ടും ഏകപക്ഷീയമായി വെടിനിര്ത്തല് നീട്ടിയത് വിജയമാണന്നാണ് ഇറാന് സേനകള് അവകാശപ്പെടുന്നത്. 34 ടാങ്കറുകള് അമേരിക്കന് ഉപരോധം മറിടകടന്നതായി ഇറാന് മാധ്യമങ്ങള് അവകാശപ്പെട്ടു. ഹോര്മൂസിലെ ഉപരോധം നീളുന്നത് യുദ്ധത്തോളം തന്നെ കടുപ്പമേറിയതാണ് ഇറാന്. കപ്പലുകള് വിട്ടുനല്കാന് യു എന് ഇടപെടണമെന്ന് ഇറാന് കത്തയച്ചു. ഇറാന് പരമോന്നത നേതാവെടുക്കുന്ന തീരുമാനമായിരിക്കും ചര്ച്ചയുടെ കാര്യത്തില് പ്രധാനം.
https://www.facebook.com/Malayalivartha
