ശബരിമല യുവതി പ്രവേശനത്തില്‍ സുപ്രീംകോടതി വിധി എന്തായാലും നടപ്പാക്കുമെന്ന് ദേവസ്വംമന്ത്രി കടകംപള്ളി സുരേന്ദ്രന്‍. വിഷയത്തില്‍ സര്‍ക്കാര്‍ നിലപാട് നേരത്തെ വ്യക്തമാക്കിയതാണെന്നും മന്ത്രി പറഞ്ഞു. ശബരിമല കേസില്‍ സുപ്രീം കോടതി വിധി എന്തായാലും അനുസരിക്കുമെന്ന് ദേവസ്വം ബോര്‍ഡ് പ്രസിഡന്റ് എ. പദ്മകുമാറും പറഞ്ഞു.
ശുദ്ധിക്രിയ സംബന്ധിച്ച തന്ത്രിയുടെ കത്ത് പുറത്തായത് അന്വേഷിക്കുമെന്നും പദ്മകുമാര്‍ കൂട്ടിച്ചേര്‍ത്തു. അറുപതിലേറെ ഹരജികളാണ് ശബരിമല കേസില്‍ ഭരണഘടനാ ബഞ്ച് ഇന്ന് പരിഗണിക്കുന്നത്. 55 പുനഃപരിശോധനാ ഹരജികള്‍, നാല് പുതിയ റിട്ട് ഹരജികള്‍, രണ്ട് ട്രാന്‍സ്ഫര്‍ ഹരജികള്‍, ദേവസ്വം ബോര്‍ഡിന്റെ സാവകാശ അപേക്ഷ എന്നിവ ഇന്ന് പരിഗണിക്കുന്നവയില്‍ ഉള്‍പ്പെടുന്നു.