തന്ത്രി കണ്ഠര് രാജീവര്ക്ക് വേണ്ടി സുപ്രീം കോടതിയില് ഹാജരായ മുന് കേരള ഹൈക്കോടതി ജഡ്ജിയും സുപ്രീം കോടതി അഭിഭാഷകനുമായ വി.ഗിരിക്ക് സര്ക്കാര് വിലക്ക് വരും; എന് എസ് എസിന് വേണ്ടി ഹാജരായ കെ. പരാശരന്, പ്രയാറിന് വേണ്ടി ഹാജരായ മനു അഭിഷേക് സിംഗ്വി, എന്നീ പ്രമുഖ അഭിഭാഷകര്ക്കും വിലക്ക് വീഴാന് സാധ്യത
തന്ത്രി കണ്ഠര് രാജീവര്ക്ക് വേണ്ടി സുപ്രീം കോടതിയില് ഹാജരായ മുന് കേരള ഹൈക്കോടതി ജഡ്ജിയും സുപ്രീം കോടതി അഭിഭാഷകനുമായ വി.ഗിരിക്ക് സര്ക്കാര് വിലക്ക് വരും. എന് എസ് എസിന് വേണ്ടി ഹാജരായ കെ. പരാശരന്, പ്രയാറിന് വേണ്ടി ഹാജരായ മനു അഭിഷേക് സിംഗ്വി, എന്നീ പ്രമുഖ അഭിഭാഷകര്ക്കും വിലക്ക് വീഴാന് സാധ്യത തെളിയുന്നു.
ശബരിമല വിഷയത്തില് സര്ക്കാരിനെതിരെ കോടതിയെ സമീപിച്ചവരെ മാത്രമല്ല, അവര്ക്ക് പിന്തുണ നല്കിയ അഭിഭാഷകരെയും വിലക്കാനാണ് സര്ക്കാര് നീക്കം. ഇതില് വി.ഗിരി കേരള സര്ക്കാരിന്റെ വിവിധ മന്ത്രാലയങ്ങള്ക്ക് വേണ്ടി സുപ്രീം കോടതിയില് ഹാജരാകുന്ന അഭിഭാഷകനാണ്. യു ഡി എഫ്, എല് ഡി എഫ് ഭേദമന്യേ എല്ലാ സര്ക്കാരുകളും ഗിരിയെ പെയോഗിക്കാറുണ്ട്. അതി പ്രഗല്ഭനായ അഭിഭാഷകനാണ് ഗിരി.കേരള ഹൈക്കോടതിയിലാണ് അദ്ദേഹം പ്രാക്ടീസ് ആരംഭിച്ചത്. പിന്നീട് ജഡ്ജിയായി. എന്നാല് അധികം വൈകാതെ മനസ് മടുത്ത് അദ്ദേഹം ജോലി രാജിവച്ചു. ഹൈക്കോടതിയില് നിന്നും രാജിവച്ചാല് സുപ്രീം കോടതിയില് മാത്രമേ പ്രാക്ടീസ് ചെയ്യാന് കഴിയുകയുള്ളു. അങ്ങനെയാണ് ഗിരി സുപ്രീം കോടതിയിലെത്തിയത്.
ഇടതു സര്ക്കാര് അധികാരത്തിലെത്തിയ കാലം മുതല് ഗിരി വിവിധ കേസുകള്ക്കായി സുപ്രീം കോടതിയില് ഹാജരാകുന്നുണ്ട്. ഗിരി ഹാജരാകുന്ന കേസുകളെല്ലാം വിജയിക്കാറുണ്ട്. മനു അഭിഷേക് സിംഗ്വി കോണ്ഗ്രസ് നേതാവാണ്. എന്നിരുന്നാലും അദ്ദേഹവും സര്ക്കാര് കേസുകളില് ഹാജരാകാറുണ്ട്. കെ. പരാശരന് സാധാരണ ഗതിയില് സര്ക്കാരിന് വേണ്ടി അധികം ഹാജരാകാറില്ല. കൂടുതല് പണച്ചെലവ് തന്നെയാണ് കാരണം. എന്നാല് അതിപ്രധാനമായ കേസുകള് വരുമ്പോള് പരാശരന്റെ സഹായം സര്ക്കാര് തേടാറുണ്ട്.
ശബരിമല കേസില് സര്ക്കാരിനും ദേവസ്വം ബോര്ഡിനും വേണ്ടി ഗിരിയെ ഹാജരാക്കുന്ന കാര്യം ആദ്യം സര്ക്കാര് ആലോചിച്ചിരുന്നു എന്നാല് ഗിരി അതിനു മുമ്പ് തന്നെ രാജീവര്ക്ക് വേണ്ടി ഹാജരാകാന് തീരുമാനിച്ചിരുന്നു. സര്ക്കാരിന് ഏറ്റവുമധികം വിരോധമുള്ളത് രാജീവരോടാണ് . രാജീവരുടെ നിഷേധാത്മക നിലപാടാണ് സര്ക്കാരിനെ ഏറെ ബുദ്ധിമുട്ടിക്കുന്നത് സര്ക്കാര് സംരംഭമായി രണ്ട് സ്ത്രീകള് ശബരിമലയില് കയറിയപ്പോള് നടയടച്ച് ശുദ്ധിക്രിയ ചെയ്തതില് സര്ക്കാര് തന്ത്രിയോട് കടുത്ത ശത്രുതയിലിയാണ്. ഇടത് സര്ക്കാര് ഭരിക്കുമ്പോള് ഇത്രയും ധൈര്യമോ എന്നാണ് സര്ക്കാര് ചിന്തിക്കുന്നത് . അങ്ങനെയൊരാളെ സര്ക്കാര് കേസുകളില് നിന്ന് മാറ്റി നിര്ത്തണം എന്നുതന്നെയാണ് സര്ക്കാരിന്റെ തീരുമാനം .ഗിരിയെ സംബന്ധിച്ചടത്തോളം സര്ക്കാര് നല്ലൊരു വരുമാന മാര്ഗമാണ്.
കെ. പരാശരനോട് സര്ക്കാരിന് അത്രയും വിരോധമില്ല. കാരണം എന് എസ് എസ് നേരത്തെ മുതല് ശബരി മലയില് യുവതി പ്രവേശത്തിന് എതിരായ നിലപാടാണ് സ്വീകരിച്ചിരുന്നത്. പരാശരന് മുമ്പും ഇതേ കേസില് നായര് സര്വീസ് സൊസൈറ്റിക്ക് വേണ്ടി ഹാജരായിട്ടുണ്ട്.
ദേവസ്വം ബോര്ഡ് അഭിഭാഷകനായ രാകേഷ് ദ്വിവേദിയെ സര്ക്കാരാണ് നിയമിച്ചത്. ഇക്കാര്യത്തില് ദേവസ്വം ബോര്ഡ് പ്രസിഡന്റിനോട് ആലോചിച്ചിരുന്നില്ല. ജയ്ദീപ് ഗുപ്തയെ സര്ക്കാര് അഭിഭാഷകനായി നിയമിച്ചതിന് പിന്നാലെയാണ് രാകേഷിനെയും സര്ക്കാര് നിയമിച്ചത്. അതേ സമയം ഇന്ദിരാ ജയ് സിംഗ് സര്ക്കാരിന് പ്രിയപ്പെട്ട അഭിഭാഷകയായി. ബിന്ദുവിനും കനകദുര്ഗക്കും വേണ്ടിയാണ് ഇന്ദിര ഹാജരായത്. ഗിരിക്ക് കിട്ടിയിരുന്ന കേസുകള് ഇന്ദിരക്ക് പോകാനാണ് സാധ്യത.
https://www.facebook.com/Malayalivartha
