കന്യാസ്ത്രീ കേസില് ഇടപെട്ടതിന് പി.സി.ക്ക് ക്വട്ടേഷന്; നീ പോടാ റാസ്കല്, നിന്റെ വിരട്ടല് എന്റെ അടുത്തു നടക്കില്ലെടാ ഇഡിയറ്റ്; പുതിയ വെളിപ്പെടുത്തലുമായി പി.സി. ജോര്ജ്
ഒടുവില് പി.സി.ജോര്ജ് പറഞ്ഞ കാര്യങ്ങള് സത്യമായി. പുതിയ വെളിപ്പെടുത്തലുമായി പി.സി. ജോര്ജ്. രവി പൂജാരിയുടെ ഭീഷണി സന്ദേശവും ഫോണും കന്യാസ്ത്രീ കേസില് ഇടപെട്ടതിന് നല്കിയ ക്വട്ടേഷന് എന്ന കൂടുതല് വെളിപ്പെടുത്തലുമായി എത്തിയിരിക്കുകയാണ് പി സി ജോര്ജ്. ഗുണ്ടകളെ ഗുണ്ടായിസം കൊണ്ട് തന്നെയാണ് നേരിടേണ്ടതെന്ന് പി.സി. ജോര്ജ് പറയുന്നു.
ബിഷപ്പ് ഫ്രാങ്കോയെ രക്ഷിക്കാന് ശ്രമിച്ചതിന്റെ പേരിലാണ് അധോലോക നായകന് രവി പൂജാരി തന്നെ ഭീഷണിപ്പെടുത്തിയതെന്ന് പി.സി.ജോര്ജ്. പി.സിയെ വിളിച്ച് ഭീഷണിപ്പെടുത്തിയത് രവി പൂജാരി തന്നെയെന്ന് കേന്ദ്ര അന്വേഷണ ഏജന്സികള് സ്ഥിരീകരിച്ചിരുന്നു. പിന്നാലെയാണ് കൂടുതല് വെളിപ്പെടുത്തലുമായി പി.സി എത്തിയിരിക്കുന്നത്. ഇംഗ്ലീഷ്, ഹിന്ദി,ഭാഷകളിലായാണ് ഭീഷണി കോള് എത്തിയത്. ഒരു കോളില് ഫ്രാങ്കോ മെത്രാന് എന്ന പരാമര്ശം ഉണ്ടായി. ഇതാണ് കന്യാസ്ത്രീ കേസുമായി ബന്ധപ്പെട്ടുള്ള ക്വട്ടേഷനാണ് ഭീഷണിക്ക് കാരണമായെതന്ന് വ്യക്തമായത്. മക്കളുടെ പേരെടുത്ത് പറഞ്ഞ് ഒരാളെ കൊല്ലുമെന്നായിരുന്നു ഭീഷണി. ഇതിനെ തുടര്ന്ന് മെഡിക്കല് കോളേജില് പഠിക്കുന്ന ഇളയ മകന് അവന് അറിയാതെ തന്നെ സുരക്ഷ ഏര്പ്പെടുത്തി. ഇത്തരത്തിലൊരു ഭീഷണി കോള് വന്ന വിവരം അവനെ അറിയിക്കാതെയായിരുന്നു സുരക്ഷ ഒരുക്കിയത്. മൂത്ത മകന്റെ കൂടെ സുരക്ഷയ്ക്ക് എപ്പോഴും ആളുണ്ടാകും അതുകൊണ്ട് തന്നെ ഭയപ്പെടേണ്ട കാര്യമുണ്ടെന്ന് തോന്നിയില്ല. ഗുണ്ടകളെ ഗുണ്ടായിസം കൊണ്ട് തന്നെയാണ് നേരിടേണ്ടത്. അല്ലാതെ വെട്ടാന് വരുന്ന പോത്തിനോട് പിതാവിനും പുത്രനും പരിശുദ്ധാത്മാവിനും നാമത്തില് ആമിന് എന്നു പറഞ്ഞാല് നടക്കില്ല പകരം കല്ലെറിഞ്ഞാല് ഓടും അതാണ് എന്റെ പോളിസി. ഗുണ്ടായിസമെങ്കില് ഗുണ്ടായിസം.. പി.സി.ജോര്ജ് നിലപാട് വ്യക്തമാക്കിയത് ഇങ്ങനെയാണ്.
അറസ്റ്റിലായ അധോലോക കുറ്റവാളി രവി പൂജാരി പൂഞ്ഞാര് എംഎല്എ പി സി ജോര്ജിനെ വിഷിച്ചതിന് തെളിവ് ലഭിച്ചതായി കേന്ദ്ര അന്വേഷണ ഏജന്സികള് വെളിപ്പെടുത്തയതിന് പിന്നാലെയാണ് പുതിയ സംഭവങ്ങള്. സെനഗലില് നിന്ന് നാല് ഇന്റര്നെറ്റ് കോള് വന്നതായി കേന്ദ്ര ഏജന്സികള് സ്ഥിരീകരിച്ചു. രവി പൂജാരി ഭീഷണിപ്പെടുത്തിയതായി പി സി ജോര്ജ് കഴിഞ്ഞ ദിവസം വെളിപ്പടുത്തിയിരുന്നു.
പി സി ജോര്ജിന്റെ വെളിപ്പെടുത്തല് ഇങ്ങനെ. രണ്ടാഴ്ച മുമ്പ് ആഫ്രിക്കയില്നിന്ന് ഒരു നെറ്റ് കോള് വന്നു. ആദ്യം അയാള് നിങ്ങള്ക്കയച്ച സന്ദേശം വായിച്ചില്ലേ എന്നു ചോദിച്ചു. സമയം കിട്ടിയില്ലല്ലെന്ന് പറഞ്ഞപ്പോള് താന് രവി പൂജാരിയാണെന്ന് അയാള് വെളിപ്പെടുത്തി. പിന്നീട് എന്നെയും രണ്ടു മക്കളില് ഒരാളെയും തട്ടിക്കളയുമെന്ന് ഭീഷണിപ്പെടുത്തി. നീ പോടാ റാസ്കല്, നിന്റെ വിരട്ടല് എന്റെ അടുത്ത് നടക്കില്ലെടാ ഇഡിയറ്റ് എന്ന് അറിയാവുന്ന ഇംഗ്ലീഷില് താനും മറുപടി പറഞ്ഞുവെന്നാണ് പി.സി. ജോര്ജ് പറഞ്ഞത്. സംഭവത്തിന് ശേഷം മുഖ്യമന്ത്രിക്കും, പൊലീസ് മേധാവിക്കും പി സി ജോര്ജ് പരാതി നല്കിയിരുന്നു. ഇതില് അന്വേഷണം നടന്നുവരുന്നതിനാല് സംഭവം പുറത്ത് പറഞ്ഞില്ലെന്നും പി സി ജോര്ജ് പറയുന്നു. പൊലീസ് നിര്ദേശിച്ചത് അനുസരിച്ചാണ് മിണ്ടാതിരുന്നതെന്നും പി സി ജോര്ജ് പറയുന്നു. നടി ലീന മരിയ പോളിന്റെ ബ്യൂട്ടിപാര്ലറിലെ വെടിവയ്പുമായി ബന്ധപ്പെട്ടാണ് അടുത്തിടെ രവി പൂജാരിയുടെ പേര് ഉയര്ന്നു വരുന്നത്. കേസില് രവി പൂജാരിയെ പ്രതി ചേര്ത്തിട്ടുണ്ട്. മൂന്നാം പ്രതിയാണ് രവി. ബ്യൂട്ടിപാര്ലര് വെടിവെപ്പ് കേസില് നിര്ണായക വിവരങ്ങള് ലഭിച്ചതായി പോലീസ് വ്യക്തമാക്കുന്നു. കൊച്ചി ബ്യൂട്ടിപാര്ലര് വെടിവെയ്പ്പ് കേസില് സംഭവത്തിന് ശേഷം പ്രതികള് മുംബൈയിലേക്ക് ഫോണ്വഴി ബന്ധപ്പെടാന് ശ്രമിച്ചതിന് തെളിവ് ലഭിച്ചതായാണ് പോലീസ് പറയുന്നത്. സംഭവവുമായി ബന്ധപ്പെട്ട് മുംബൈ കേന്ദ്രീകരിച്ച് പോലീസ് അന്വേഷണം ഊര്ജിതമാക്കി. രവി പൂജാരി കൊച്ചി വെടിവെയ്പ്പിന് ശേഷവും സമാനരീതിയില് ഭീഷണിപ്പെടുത്തി പണം തട്ടാന് ശ്രമിച്ചതായി പോലീസ് വ്യക്തമാക്കുമ്പോള് വരും ദിവസങ്ങളില് കേസിലെ ചുരുളഴിക്കാനുള്ള വിവരങ്ങള് പോലീസിന് ലഭിച്ചിട്ടുണ്ടാകുമെന്ന് തന്നെയാണ് വ്യക്തമാകുന്നത്.
https://www.facebook.com/Malayalivartha
