കെ.പി.സി.സി ഡിജിറ്റല് മീഡിയ സെല് മേധാവിയായി എ.കെ ആന്റണിയുടെ മകന് അനിലിനെ നിയമിച്ചതിനെതിരെ പരസ്യമായി രംഗത്തെത്തിയ യൂത്ത് കോണ്ഗ്രസ്, കെ.എസ്.യു നേതാക്കളെ വെട്ടി നിരത്തി
കെ.പി.സി.സി ഡിജിറ്റല് മീഡിയ സെല് മേധാവിയായി എ.കെ ആന്റണിയുടെ മകന് അനിലിനെ നിയമിച്ചതിനെതിരെ പരസ്യമായി രംഗത്തെത്തിയ യൂത്ത് കോണ്ഗ്രസ്, കെ.എസ്.യു നേതാക്കളെ വെട്ടിനിരത്തി. അര്ഹതയുള്ള പലരെയും ഒഴിവാക്കിയാണ് ആന്റണിയുടെ മകനെ നിയമിച്ചതെന്ന് വ്യാപകപരാതി ഉയര്ന്നിരുന്നു. കെ പി സി സി എക്സിക്യുട്ടീവ് അംഗം അരുണ് രാജ്, തിരുവനന്തപുരം ജില്ലാ കമ്മറ്റി ഉപാധ്യക്ഷന് കൂടിയായ ജലീല് എന്നിവരെ പട്ടികയില് നിന്നൊഴിവാക്കി. കെ പി സി സിയില് നിന്നയച്ച പട്ടികയില് ഇരുവരേയും ഉള്പ്പെടുത്തിയിരുന്നെങ്കിലും പിന്നീട് അത് ഒഴിവാക്കുകയായിരുന്നെന്നാണ് ആരോപണം. ആന്റണിയുടെ മകനെ നിയമിച്ചതിനെതിരെ പ്രമേയം പാസാക്കിയ കെ.എസ്.യു എറണാകുളം ജില്ലാ കമ്മിറ്റിക്കെതിരെയും വിമര്ശനം ഉയര്ന്നിട്ടുണ്ട്.
തെരഞ്ഞെടുപ്പ് അടുത്തതോടെ പാര്ട്ടിയെ വെട്ടിലാക്കുന്ന നടപടികള് സ്വീകരിക്കരുതെന്ന് കെ.എസ്.യു സംസ്ഥാന പ്രസിഡന്റ് അഭിജിത് ഇന്നലെ വാര്ത്താസമ്മേളനം നടത്തി നേതാക്കള്ക്ക് മുന്നറിയിപ്പ് നല്കി. ഇത് കെ.പി.സി.സി നേതൃത്വത്തിന്റെ നിര്ദ്ദേശപ്രകാരമാണെന്നാണ് വിലയിരുത്തല്. സമുദായ സംഘടനയുടെ നോമിനിയെ വച്ചാണ് കമ്മറ്റികള് രൂപീകരിച്ചതെന്നും ആരോപണമുണ്ട്. തിരഞ്ഞെടുപ്പ് കമ്മറ്റി, ഏകോപന, പ്രചരണ കമ്മറ്റികള് എന്നിങ്ങനെ മൂന്ന് കമ്മറ്റികള്കള്ക്കാണ് കഴിഞ്ഞ ദിവസം എഐസിസി അംഗീകാരം നല്കിയത്. പാര്ട്ടിയുടെ താഴേ തട്ട് മുതല് പ്രവര്ത്തിച്ച് നേതാക്കളായ പലരെയും ഒഴിവാക്കിയാണ് കമ്മിറ്റികള് രൂപീകരിച്ചതെന്ന് വ്യാപക ആക്ഷേപം ഉയര്ന്നിട്ടുണ്ട്.
യൂത്ത് കോണ്ഗ്രസിന്റെ മൂന്ന് കമ്മറ്റികളില് ജനറല് സെക്രട്ടറിയായിരുന്ന അരുണ്രാജിനെ ഒഴിവാക്കിയപ്പോള് ആറുമാസം മാത്രം ഭാരവാഹിയായിരുന്ന മറ്റൊരാള് പട്ടികയില് ഇടംനേടി. പട്ടികയില് എ ഗ്രൂപ്പിന് വേണ്ടത്ര പ്രാധാന്യമില്ലെന്നും പരാതി ഉയര്ന്നിട്ടുണ്ട്. വെട്ടിനിരത്തപ്പെട്ടവര് കൂട്ടത്തോടെ കെ.പി.സി.സി പ്രസിഡന്റിനും രാഹുല്ഗാന്ധിക്കും പരാതി നല്കിയിട്ടുണ്ട്. തൃശൂരിലും വയനാട്ടിലും അതത് ജില്ലകളിലെ നേതാക്കളെ സ്ഥാനാര്ത്ഥികളാക്കണമെന്ന് യൂത്ത് കോണ്ഗ്രസ് നേതാക്കള് പരസ്യമായി ആവശ്യപ്പെട്ടിട്ടുണ്ട്. ഇല്ലെങ്കില് പാര്ട്ടിക്ക് ക്ഷീണമുണ്ടാകുമെന്നും അവര് മുന്നറിയിപ്പ് നല്കി. ഇതിനെതിരെ കെ.പി.സി.സി പ്രസിഡന്റ് തന്നെ രംഗത്തെത്തിയിരുന്നു. സ്ഥാനാര്ത്ഥി നിര്ണയം സംബന്ധിച്ച് മുന്വിധികളോടെ ആരും പ്രസ്താവനകള് നടത്തരുതെന്ന് മുല്ലപ്പള്ളി രാമചന്ദ്രന് നിര്ദ്ദേശം നല്കി.
വയനാട് എം.പി എം.ഐ ഷാനവാസ് മരിച്ചതോടെ ആ സീറ്റ് തനിക്ക് വേണമെന്ന ആവശ്യം അദ്ദേഹത്തിന്റെ മകള് ഉന്നയിച്ചു. അതിനെതിരെയും കെ.എസ്.യു രംഗത്തെത്തിയിരുന്നു. എറണാകുളത്ത് കെ.വി തോമസിനെ ഏഴാംതവണ മത്സരിപ്പിക്കരുതെന്നും യുവനേതാക്കളെ ആരെയെങ്കിലും നിര്ത്തണമെന്നും മാത്യുകുഴല് നാടന് ആവശ്യപ്പെട്ടു. എന്നാല് സിറ്റിംഗ് എം.പിമാരെ മത്സരിപ്പിക്കാനാണ് പാര്ട്ടി തീരുമാനിച്ചിരിക്കുന്നത്. ഇത്തവണ യുവാക്കള്ക്ക് സീറ്റ് കിട്ടുമെന്ന് തോന്നുന്നില്ല. സിറ്റിംഗ് എം.എല്.എമാരെ മത്സരിപ്പിക്കേണ്ടെന്നും തീരുമാനിച്ചിട്ടുണ്ട്. ഡീന്കുര്യാക്കോസും സി.ആര് മഹേഷും ടി. സിദ്ധിഖ് എന്നിവരില് ആര്ക്കെങ്കിലും സീറ്റ് നല്കണമെന്ന ആവശ്യം യൂത്ത് കോണ്ഗ്രസില് ശക്തമാണ്. എന്ത് സംഭവിക്കുമെന്ന് കാത്തിരുന്ന് കാണാം.
https://www.facebook.com/Malayalivartha
