Widgets Magazine
21
Aug / 2019
Wednesday
Forex Rates:

1 aed = 19.19 inr 1 aud = 50.27 inr 1 eur = 79.92 inr 1 gbp = 90.97 inr 1 kwd = 231.92 inr 1 qar = 19.36 inr 1 sar = 18.79 inr 1 usd = 70.49 inr

മിനിമം ബാലന്‍സ് ഇല്ലെന്നുപറഞ്ഞ് പിഴ ഈടാക്കുന്ന ബാങ്കുകളുടെ രീതി ഒരു കാരണവശാലും അംഗീകരിക്കാനാവില്ലെന്ന് മുഖ്യമന്ത്രി പിണറായി വിജയന്‍ നിയമസഭയില്‍ അറിയിച്ചു

12 FEBRUARY 2019 06:39 PM IST
മലയാളി വാര്‍ത്ത

മിനിമം ബാലന്‍സ് ഇല്ലെന്നുപറഞ്ഞ് പിഴ ഈടാക്കുന്ന ബാങ്കുകളുടെ രീതി ഒരു കാരണവശാലും അംഗീകരിക്കാനാവില്ലെന്ന് മുഖ്യമന്ത്രി പിണറായി വിജയന്‍ നിയമസഭയില്‍ അറിയിച്ചു. അതേസമയം സ്‌റ്റേറ്റ് ബാങ്ക് ഓഫ് ഇന്ത്യ വിവിധ സേവനങ്ങള്‍ക്ക് അമിത ചാര്‍ജ്ജ് ഈടാക്കുന്നത് ശ്രദ്ധയില്‍ പെട്ടിട്ടുണ്ട്. അതിന്റെ അടിസ്ഥാനത്തില്‍ അത് അടിയന്തരമായി പിന്‍വലിക്കുന്നതിനുള്ള നടപടി സ്വീകരിക്കണമെന്ന് കേന്ദ്ര ധനകാര്യമന്ത്രിയോട് സംസ്ഥാന സര്‍ക്കാര്‍ അഭ്യര്‍ത്ഥിച്ചിട്ടുണ്ടെന്നും മുഖ്യമന്ത്രി പി.ടി തോമസിന്റെ സബ്മിഷന് മറുപടിയായി മുഖ്യമന്ത്രി പറഞ്ഞു. ബാങ്കുകളുടെ പ്രവര്‍ത്തനങ്ങള്‍ റിസര്‍വ്വ് ബാങ്ക് ഓഫ് ഇന്ത്യ നിഷ്‌കര്‍ഷിച്ചിട്ടുള്ള ചട്ടങ്ങള്‍ അനുസരിച്ചായതിനാല്‍ നയപരമായ കാര്യങ്ങളില്‍ സംസ്ഥാന സര്‍ക്കാരിന് ഇടപെടുന്നതിന് പരിമിതികളുണ്ട്. എന്നിരുന്നാലും ഇക്കാര്യത്തില്‍ ഫലപ്രദമായ ഇടപെടലിന് കേന്ദ്ര സര്‍ക്കാരിനോട് അഭ്യര്‍ത്ഥിക്കുന്നതാണെന്നും മുഖ്യമന്ത്രി വ്യക്തമാക്കി.

മിനിമം ബാലന്‍സ് ഇല്ലാത്തതിനാല്‍ സാധാരണക്കാരുടെ സേവിംഗ്‌സ് ബാങ്ക് അക്കൗണ്ടുകളില്‍ നിന്നും ബാങ്കുകള്‍ പിഴ ഈടാക്കുന്നുവെന്ന പ്രശ്‌നം സര്‍ക്കാരിന്റെ ശ്രദ്ധയില്‍ പെട്ടിരുന്നെന്നും മുഖ്യമന്ത്രി പറഞ്ഞു. ഇക്കാര്യത്തില്‍ സംസ്ഥാനതല ബാങ്കിംഗ് സമിതിയോട് സര്‍ക്കാര്‍ റിപ്പോര്‍ട്ട് തേടിയിരുന്നു. റിപ്പോര്‍ട്ട് പ്രകാരം മിനിമം ബാലന്‍സ് നിബന്ധനകള്‍ ഉള്ളവയും ഇല്ലാത്തവയും എന്ന രീതിയില്‍ ബാങ്കുകളില്‍ വിവിധതരം സേവിംഗ്‌സ് ബാങ്ക് അക്കൗണ്ടുകള്‍ നിലനില്‍ക്കുന്നതായി രേഖപ്പെടുത്തിയിട്ടുണ്ട്. അതുകൊണ്ട് പൊതുജനങ്ങള്‍ക്ക് മിനിമം ബാലന്‍സ് നിഷ്‌കര്‍ഷിച്ചിട്ടില്ലാത്തതും തങ്ങള്‍ക്കനുയോജ്യമായതുമായ അക്കൗണ്ടുകള്‍ തെരഞ്ഞെടുക്കാന്‍ കഴിയുമെന്നാണ് അവര്‍ പറഞ്ഞിട്ടുള്ളതെന്നും മുഖ്യമന്ത്രി അറിയിച്ചു.

മിനിമം ബാലന്‍സ് നിബന്ധനകളില്ലാത്ത അക്കൗണ്ടുകളില്‍ നിന്നും ബാങ്കുകള്‍ മിനിമം ബാലന്‍സ് പിഴ ഈടാക്കിയതായി പരാതികളൊന്നും ലഭിച്ചിട്ടില്ല എന്നാണ് സംസ്ഥാനതല ബാങ്കിംഗ് സമിതി അറിയിച്ചത്. മിനിമം ബാലന്‍സിന് താഴെ തുക അക്കൗണ്ടില്‍ ഉണ്ടാകുന്ന സാഹചര്യം സൃഷ്ടിക്കപ്പെടുമെന്നറിഞ്ഞിട്ടും അത് കണക്കിലെടുക്കാതെ അക്കൗണ്ടുടമയ്ക്ക് ബാങ്കുകള്‍ പണം നല്‍കുന്ന സ്ഥിതി നിലവിലുണ്ട്. ഇത്തരത്തില്‍ പണം നല്‍കിയത് കൊണ്ട് മിനിമം ബാലന്‍സിനേക്കാള്‍ കുറഞ്ഞ തുക അക്കൗണ്ടിലുണ്ടാകുന്ന സ്ഥിതിവിശേഷവും രൂപപ്പെടുന്നു. ഈ സാഹചര്യം ബാങ്കുകള്‍ തന്നെ സൃഷ്ടിച്ചശേഷം അക്കൗണ്ടില്‍ മിനിമം ബാലന്‍സില്ലെന്ന് പറഞ്ഞ് പിഴ ഈടാക്കുന്ന തെറ്റായ സ്ഥിതിയും നിലനില്‍ക്കുന്നുണ്ടെന്നും മുഖ്യമന്ത്രി ചൂണ്ടിക്കാട്ടി.

1969- 70 കാലഘട്ടത്തില്‍ ഉയര്‍ന്നുവന്ന ശക്തമായ സമ്മര്‍ദ്ദങ്ങളെത്തുടര്‍ന്ന് ദേശസാല്‍ക്കരണം വഴി ബാങ്കുകള്‍ക്ക് മാനവിക കാഴ്ചപ്പാട് സൃഷ്ടിക്കാന്‍ അന്നത്തെ ഭരണാധികാരികള്‍ തയ്യാറായി. ഈ നടപടികള്‍ കുറഞ്ഞ പലിശയിലുള്ള കാര്‍ഷിക വായ്പകളും ഐ.ആര്‍.ഡി.പി പോലുള്ള പദ്ധതികളും ഒരു പരിധിവരെ ചെറുകിട കര്‍ഷകരെയും സമൂഹത്തില്‍ താഴെ തട്ടിലുള്ളവരെയും സഹായിച്ചിരുന്നു. എന്നാല്‍ 1990കള്‍ മുതല്‍ ആഗോളവത്കരണ കാഴ്ചപ്പാടുകള്‍ വിവിധ മേഖലകളില്‍ സ്വാധീനം ചെലുത്തി. അതിന്റെ ഭാഗമായി ബാങ്കിംഗ് മേഖലയിലുള്‍പ്പെടെ ഘടനാപരമായ പല മാറ്റങ്ങളും ഉണ്ടായി. ഇത് ജനകീയ താത്പര്യങ്ങളെ ഹനിക്കപ്പെടുന്ന സ്ഥിതി രൂപപ്പെടുത്തുകയും ചെയ്തു. പലവിധത്തിലാണ് ഇത് ജനങ്ങളില്‍ പ്രതിസന്ധികള്‍ സൃഷ്ടിച്ചതെന്നും മുഖ്യമന്ത്രി ചൂണ്ടിക്കാട്ടി. 

 

 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Most Read
latest News

പ്രമുഖ സെലിബ്രിറ്റികളെ സംവിധായകരാക്കി പോണ്‍ഹബ്  (3 hours ago)

രക്ഷാബന്ധന്‍ ദിനത്തില്‍ മക്കള്‍ക്കൊപ്പം സണ്ണിലിയോണ്‍...  (3 hours ago)

താരസുന്ദരി ഐശ്വര്യ റായിയുടെ രക്ഷാബന്ധന്‍ ചിത്രങ്ങള്‍...  (3 hours ago)

നീ വെള്ളപ്പൊക്കത്തില്‍ ചത്തില്ലേ...അനു സിത്താരയുടെ കിടിലന്‍ മറുപടി  (3 hours ago)

ആര്‍ട്ടിക്കിള്‍ 370 റദ്ദാക്കിയത് അടക്കമുള്ള കാര്യങ്ങളില്‍ തീരുമാനമെടുക്കേണ്ടത് ഇന്ത്യയാണ്; ഇന്ത്യന്‍ നിലപാടിന് പിന്തുണയുമായി അമേരിക്ക  (4 hours ago)

പി. ചിദംബരത്തെ തേടി സി.ബി.ഐയും എന്‍ഫോഴ്‌സ്‌മെന്റും... ബുധനാഴ്ച സുപ്രീം കോടതി ചിദംബരത്തിന്റെ ഹര്‍ജി പരിഗണിക്കും മുമ്പ് അറസ്റ്റിലേക്ക് കടക്കാനുള്ള നീക്കങ്ങളാണ് സി.ബി.ഐയും എന്‍ഫോഴ്‌സ്‌മെന്റും നടത്തുന്നത്  (5 hours ago)

ബസ് കാത്തുനിന്ന യുവതിക്ക് ലിഫ്റ്റ് നല്‍കി കാറിനുള്ളില്‍ കൂട്ടബലാല്‍സംഗത്തിനിരയാക്കി  (5 hours ago)

തന്റെ രോഗവിവരം വെളിപ്പെടുത്തി ബിഗ് ബി  (5 hours ago)

യദ്യൂരപ്പ മന്ത്രിസഭയില്‍ അശ്ലീല ദൃശ്യങ്ങള്‍ കണ്ടത് വിവാദമായതോടെ രാജി വച്ച ലക്ഷ്മണ്‍ സാവദിയും സിസി പാട്ടീലും  (6 hours ago)

തിരുവനന്തപുരം യൂണിവേഴ്‌സിറ്റി കോളേജ് കത്തിക്കുത്ത് കേസ്; റിമാന്‍ഡില്‍ കഴിയുന്ന എസ് എഫ് ഐ പ്രവര്‍ത്തകര്‍ക്ക് ജാമ്യം  (6 hours ago)

വിവാദങ്ങളില്‍ കഴമ്പില്ല... കെ.എസ്.ഇ.ബി 131 കോടി രൂപ ദുരിതാശ്വാസ നിധിയിലേക്ക് കൈമാറി  (6 hours ago)

പീക്ക് സീസണില്‍ കുറഞ്ഞ നിരക്കിൽ വിദേശികൾക്ക് ഇന്ത്യ സന്ദർശിക്കാൻ ഇ-ടൂറിസ്റ്റ് വിസ  (6 hours ago)

കവളപ്പാറയില്‍ നിന്ന് രണ്ട് മൃതദേഹങ്ങള്‍ കൂടി കണ്ടെടുത്തു; ഒരു മൃതദേഹത്തിന്റെ ഭാഗവും കണ്ടെടുത്തു; കാണാതായ എല്ലാവരെയും കണ്ടെത്തുന്നതു വരെ തെരച്ചില്‍ തുടരുമെന്ന് കലക്ടര്‍  (7 hours ago)

ശ്രീശാന്തിന്റെ ആജീവനാന്ത വിലക്ക് 2020ല്‍ അവസാനിക്കും  (7 hours ago)

സംവരണത്തില്‍ തൊട്ടുള്ള കളിവേണ്ടെന്ന് ആര്‍എസ്എസിനോട് കേന്ദ്രമന്ത്രി രാംദാസ് അതാവാലെ; അനുവദിക്കപ്പെട്ടിരിക്കുന്ന സംവരണത്തെക്കുറിച്ച് കൂടുതല്‍ ചര്‍ച്ച വേണമെന്ന ആവശ്യം അനാവശ്യമാണെന്നും കേന്ദ്രമന്ത്രി  (7 hours ago)

Malayali Vartha Recommends