പൊട്ടിച്ചിരിപ്പിച്ച് 'താപ്പാനകളുടെ പാപ്പാന്'
തിരുവനന്തപുരം: നര്മ്മ കൈരളിയില് ഡോ. തോമസ് മാത്യു രചനയും സംവിധാനവും നിര്വഹിച്ച 'താപ്പാനകളുടെ പാപ്പാന്' എന്ന ഹാസ്യ നാടകം സമകാലിക വിഷയങ്ങളുടെ നേര്ക്കാഴ്ചയായിരുന്നു. നഷ്ടം മാത്രം നല്കിക്കൊണ്ടിരുന്ന ആനയെ എങ്ങനേയും ലാഭത്തിലെത്തിക്കാന് വേണ്ടി മുതലാളി കൊണ്ടു വന്ന പാപ്പനെ ആദ്യം എല്ലാവരും കൈയ്യടിച്ചു സ്വീകരിച്ചു. താപ്പനകളുടെ പാപ്പാനായിയെത്തിയ ആള് സര്വവും ഏറ്റെടുത്തപ്പോള് എതിര്പ്പുമായി താപ്പാനകള് ഒത്തുകൂടി. പക്ഷെ പാപ്പാനെ മുതലാളി കൈവിട്ടില്ല. ആനകള് ലാഭത്തിലെത്തുമെന്നുള്ള ഘട്ടം വന്നതോടെ പാപ്പാനെ തന്നെ പിരിച്ചുവിട്ടതോടെ നാടകം പൊട്ടിച്ചിരിയില് അവസാനിച്ചു.
ഡോ. തോമസ് മാത്യു, എ.എസ്. ജോബി, മണിക്കുട്ടന് ചവറ, ദിലീപ് കുമാര് ദേവ്, ഡോ. സജീഷ്, വേണു പെരുകാവ്, ദീപു അരുണ്, സഖറിയ, ഗ്രേസി കരമന, അഡ്വ. മംഗളതാര, അഡ്വ. ശ്രീന ശ്രീകുമാര്, അഞ്ജനാ ശ്രീകുമാര്, വൈഗ വിനു, നിധി ദീപു എന്നിവര് രംഗത്തെത്തി. ചമയം സുരേഷ് കരമന, ശബ്ദ മിശ്രണം വിനു ജെ. നായര്. കല പ്രദീപ് അയിരൂപ്പാറ.
നാടകത്തിന് മുമ്പ് നടന്ന ചിരിയരങ്ങില് സുകുമാര്, വി. സുരേശന്, കൃഷ്ണ പൂജപ്പുര എന്നിവര് പങ്കെടുത്തു. അതിഥിയായെത്തിയ ബാല സാഹിത്യ ഇന്സ്റ്റിറ്റിയൂട്ട് ഡയറക്ടര് പള്ളിയറ ശ്രീധരന് ഗണിത ഫലിതങ്ങള് അവതരിപ്പിച്ചു.
https://www.facebook.com/Malayalivartha
