നിലവറ തുറക്കുന്നത് ആര്ക്കുവേണ്ടി; ക്ഷേത്രത്തിന്റെ ഉടമസ്ഥാവകാശത്തില് തിരുവിതാംകൂര് രാജകുടുംബാംഗങ്ങള്ക്ക് യാതൊരുവിധ അവകാശങ്ങളുമില്ലെന്നും സര്ക്കാര്; ശബരിമലയ്ക്ക് പിന്നാലെ ശ്രീപത്മനാഭസ്വാമി ക്ഷേത്രം ലക്ഷ്യമിട്ട് സര്ക്കാര്
നിലവറ തുറക്കുന്നത് ആര്ക്കുവേണ്ടി. ശബരിമലയ്ക്ക് പിന്നാലെ ശ്രീപത്മനാഭസ്വാമി ക്ഷേത്രം ലക്ഷ്യമിട്ട് സര്ക്കാര്. ശബരിമല വിധിക്ക് ശേഷം പത്മനാഭ സ്വാമി ക്ഷേത്രം ലക്ഷ്യമിട്ട് സംസ്ഥാന സര്ക്കാര് സുപ്രീം കോടതിയില്. ക്ഷേത്രത്തിന്റെ ഉടമസ്ഥാവകാശത്തില് തിരുവിതാംകൂര് രാജകുടുംബാംഗങ്ങള്ക്ക് യാതൊരുവിധ അവകാശങ്ങളുമില്ലെന്നും സര്ക്കാര് പറഞ്ഞു. രാജകുടുംബത്തിന് ട്രസ്റ്റിസ്ഖാനം നല്കിയത് താത്കാലിക സംവിധാനമെന്ന നിലയിലാണെന്നും ജസ്റ്റീസ് യു.യു. ലളിത് അധ്യക്ഷനായ ബെഞ്ചിന് മുന്പാകെ വാദിച്ചു. കേസില് വാദം തുടരും.
ഗുരുവായൂര് ദേവസ്വം ബോര്ഡിന്റെ മാതൃകയില് ശ്രീപത്മനാഭസ്വാമി ക്ഷേത്രത്തിന് സ്വതന്ത്രഭരണം നല്കണമെന്ന ഹൈക്കോടതി വിധിക്കെതിരെ തിരുവിതാംകൂര് രാജകുടുംബത്തിലെ പ്രതിനിധികള് അടക്കമുള്ളവര് നല്കിയ ഹര്ജ്ജിയിലാണ് സുപ്രീം കോടതി പരിഗണിക്കുന്നത്.
ശബരിമല കേസില് സര്ക്കാരിന് വേണ്ടി ഹാജരായ മുതിര്ന്ന അഭിഭാഷകന് ജയ്ദീപ് ഗുപ്തയും സ്റ്റാന്ഡിങ്ങ് കൗണ്സില് ജി. പ്രകാശും രാജകുടുംബത്തിന്റെ വാദങ്ങളെ എതിര്ക്കുകയായിരുന്നു. രാജകുടുംബത്തിന്റെ വാദം കഴിഞ്ഞ ദിവസം പൂര്ത്തിയായിരുന്നു. വിരമിച്ച ഹൈക്കോടതി ജഡ്ജിയുടെ നേതൃത്വത്തില് ക്ഷേത്രഭരണത്തിന് അഞ്ചംഗ സമിതിയെ നിയോഗിക്കണമെന്ന നിര്ദേശം ഇപ്പോഴത്തെ ട്രസ്റ്റിയും, രാജകുടുംബവുമായ രാമവര്മ്മ മുന്നോട്ട് വച്ചിരുന്നു.കഴിഞ്ഞ മാസം കേസ് പരിഗണിച്ചപ്പോള് ക്ഷേത്രവും സ്വത്തുക്കളും ശ്രീപത്മനാഭന്റേതാണെന്ന് സുപ്രീം കോടതിയില് രാജകുടുംബം വ്യക്തമാക്കിയിരുന്നു. ക്ഷേത്ര ഭരണത്തിനുളള അവകാശം തിരികെ നല്കണമെന്ന് രാജകുടുംബം ആവശ്യപ്പെട്ടു. ക്ഷേത്രത്തിന്റെ ആസ്തി വിഗ്രഹത്തിന്റെ സ്വത്താണെന്നും കോടതിയില് അറിയിച്ചു. ക്ഷേത്രഭരണം രാജകുടുംബത്തിന് അവകാശപ്പെട്ടതാണ്. ദേവസ്വം ബോര്ഡ് രൂപീകരിച്ചപ്പോഴും പത്മനാഭസ്വാമി ക്ഷേത്രത്തിന്റെ ഭരണം രാജാവില് തന്നെ നിലനിറുത്തിയതും രാജകുടുംബം ചൂണ്ടിക്കാണിച്ചിരുന്നു. ഇതോടെ, ശബരിമല വിവാദത്തിന് ശേഷം കേരളം കാണാന് പോകുന്ന വലിയ പ്രശ്നമായി മാറും ശ്രീപത്മനാഭസ്വാമി ക്ഷേത്രം എന്നും തീര്ച്ചയാണ്. നേരത്തെ നിലവറകള് തുറക്കുന്നത് സംബന്ധിച്ച് വലിയ പ്രശ്നങ്ങള് ഉണ്ടായിരുന്നു. പിന്നീട് വിഎസ് അച്യുതാനന്ദന് അടക്കമുള്ളവര് രാജകുടുംബത്തെ വിമര്ശിച്ച് രംഗത്തുവരികയും ചെയ്തിരുന്നു. ശ്രീ പത്മനാഭ സ്വാമീക്ഷേത്രം പൂര്ണ്ണമായി കൈപ്പിടിയില് ഒതുക്കാനായി നീക്കം തകൃതിയായി നടക്കുന്നുവെന്ന ആക്ഷേപം നിലവില് ഉണ്ട്. രാജ കുടുംബത്തേ എല്ലാ അവകാശത്തില് നിന്നും നീക്കി ഭരണം ദേവസ്വം വകുപ്പിനു കീഴിലാക്കി മാറ്റാനാണ് അണിയറ നീക്കങ്ങള്. രാജ കുടുംബത്തിനെ പത്മനാഭ സ്വാമീ ക്ഷേത്രത്തില് നിന്നും ഒഴിവാക്കാനാണ് നീക്കങ്ങള്. പണവും സമ്പത്തും, നിധിയും, എല്ലാം ഇങ്ങിനെ വന്നാല് ദേവസ്വം വകുപ്പിന്റെ കീഴില് വരികയും സര്ക്കാരിന്റെ നിയന്ത്രണത്തില് ആകുകയും ചെയ്യും. ലോക പൈതൃകങ്ങളുടെ പട്ടികയില് ഉള്ളതും വിലമതിക്കാന് ആകാത്ത നിധി ശേഖരമുള്ളതുമായ ഇവിടെ എണ്ണി തിട്ടപെടുത്തിയതും ഇനിയും കണക്കാക്കാത്തതുമായ സഹസ്ര കോടികളുടെ നിധി ശേഖരമാണുള്ളത്. മുമ്പ് അച്യുതാനന്ദന്റെ കാലത്ത് ക്ഷേത്ര സ്വര്ണ്ണം പൊതു ആവശ്യത്തിനായും വികസനത്തിനായും എടുക്കണം എന്നു വരെ വാദമുയര്ന്നിരുന്നു. സ്വര്ണ്ണം ബാങ്കിലേക്ക് മാറ്റണം എന്നും ഇടത് പക്ഷത്തേ ഉന്നത നേതാക്കള് അഭിപ്രായപെട്ടിരുന്നു. ഇതേ മുന്നണിയുടെ സര്ക്കാര് തന്നെയാണ് ഇപ്പോള് അവിടെ ദേവസ്വം ബോര്ഡ് രൂപീകരിക്കാന് നീക്കം നടത്തുന്നതും.
https://www.facebook.com/Malayalivartha
