കോട്ടയം മെഡിക്കല്‍ കോളജ് ആശുപത്രിയില്‍ നഴ്‌സുമാര്‍ പണിമുടക്കുന്നു. ശസ്ത്രക്രിയാ വിഭാഗം മേധാവി നഴ്‌സിനെ മാനസികമായി പീഡിപ്പിച്ചു എന്നാരോപിച്ചാണ് പണിമുടക്ക്. ഡോക്ടര്‍ക്കെതിരെ നടപടി വേണമെന്നാവശ്യപ്പെട്ടാണ് പണിമുടക്കുന്നത്. ഐസിയുവില്‍ രോഗികളെ പരിശോധിക്കുന്നതിനിടെ ശസ്ത്രക്രിയാ വിഭാഗം മേധാവിയായ ഡോക്ടര്‍ മാനസികമായി പീഡിപ്പിച്ചെന്നാണ് പരാതി.
ഇതേതുടര്‍ന്ന് രണ്ടു ദിവസമായി നഴ്‌സ് ആശുപത്രിയില്‍ എത്തിയിരുന്നില്ല. സംഭവം മാതാപിതാക്കളോട് പറഞ്ഞതോടെ ആശുപത്രി അധികൃതര്‍ക്ക് പരാതി നല്‍കുകയായിരുന്നു. വെള്ളിയാഴ്ച രാവിലെ എട്ടിന് രണ്ടുമണിക്കൂര്‍ നീണ്ടുനില്‍ക്കുന്ന പണിമുടക്ക് ആരംഭിച്ചു. അഞ്ഞൂറിലധികം നഴ്‌സുമാര്‍ പണിമുടക്കില്‍ പങ്കെടുക്കുന്നുണ്ട്.