തിരുവനന്തപുരം മെഡിക്കല്‍ കോളേജ് അലുമ്‌നി അസോസിയേഷന്റെ 14ാമത് വാര്‍ഷിക സമ്മേളനം ഫെബ്രുവരി 16ാം തീയതി ഉച്ചയ്ക്ക് 2.30ന് മെഡിക്കല്‍ കോളേജ് ഡയമണ്ട് ജൂബിലി അലുമ്‌നി ഓഡിറ്റോറിയത്തില്‍ വച്ച് ഗവര്‍ണര്‍ ജസ്റ്റിസ് (റിട്ട.) പി. സദാശിവം ഉദ്ഘാടനം നിര്‍വഹിക്കും. ഉദ്ഘാടന സമ്മേളനത്തില്‍ വൈദ്യശാസ്ത്ര രംഗത്തെ വിലപ്പെട്ട സംഭാവനകള്‍ നല്‍കിയ പൂര്‍വ വിദ്യാര്‍ത്ഥികളെ ആദരിക്കുന്നതാണ്. വിദ്യാര്‍ത്ഥികള്‍ക്കായുള്ള സ്‌കോളര്‍ഷിപ്പ് വിതരണവും ഇതോടൊപ്പം നടക്കുന്നതാണ്.

മുഖ്യ പ്രഭാഷണവും പൂര്‍വ വിദ്യാര്‍ത്ഥികളുടെ നേതൃത്വത്തില്‍ നവീകരിച്ച എസ്.എ.ടി. ആശുപത്രിയിലെ ഡോ. ഓമന മാത്യു ഹാളിന്റെ സമര്‍പ്പണവും ആരോഗ്യ സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചര്‍ നിര്‍വഹിക്കും.

ഫെബ്രുവരി 16, 17 തീയതികളിലാണ് വാര്‍ഷിക സമ്മേളനം നടക്കുക. മെഡിക്കല്‍ വിദ്യാഭ്യാസ രംഗത്തെ കാലോചിതമായ മാറ്റങ്ങള്‍ അധ്യാപകരിലും വിദ്യാര്‍ത്ഥികളിലും എത്തിക്കാനായി വിവിധ രാജ്യങ്ങളില്‍ നിന്നുള്ള വിദഗ്ധരെ പങ്കെടുപ്പിച്ച് നിരവധി സിമ്പോസിയങ്ങളാണ് വര്‍ഷംതോറും അലുമ്‌നി അസോസിയേഷന്‍ സംഘടിപ്പിക്കാറുള്ളത്. ആദ്യ ദിനം ഉച്ചയ്ക്ക് 1.45 ന് വന്‍കുടലില്‍ ഉണ്ടാകുന്ന അര്‍ബുദരോഗത്തിന്റെ നൂതനമായ ചികിത്സാവിധികളെ പറ്റി (ഇീഹീൃലരമേഹ ങമഹശഴിമിര്യ) യു.എസ്.എ. തോമസ് ജെഫേഴ്‌സണ്‍ യൂണിവേഴ്‌സിറ്റിയിലെ പ്രൊഫസര്‍ ഡോ. എം.വി. പിള്ള പ്രഭാഷണം നടത്തും. വൈകുന്നേരം 4 മണിക്ക് വൈദ്യശാസ്ത്ര രംഗത്തെ നൂതനമായ ഗവേണണങ്ങളെപ്പറ്റിയും ചികിത്സാവിധികളെപ്പറ്റിയും സെമിനാര്‍ നടക്കും. ഡോ. എം.വി. പിള്ള യു.എസ്.എ. (ഓങ്കോളജി), ഡോ. സി.എസ്. പിച്ചുമണി യു.എസ്.എ. (ഹെപ്റ്ററ്റോളജി), ഡോ. ഷഫീക്ക് സലിം യു.കെ. (ഹെമറ്റോളജി), ഡോ. നരേന്ദ്ര ആര്‍. കുമാര്‍ യു.എസ്.എ. (സ്ലീപ്പ് മെഡിസിന്‍) എന്നിവര്‍ സെമിനാറില്‍ പങ്കെടുക്കും.

രണ്ടാം ദിവസം രാവിലെ 9.30ന് വൈദ്യശാസ്ത്ര രംഗത്ത് ഉപരിപഠനത്തിനായുള്ള ലോകത്തെമ്പാടുമുള്ള അവസരങ്ങളെപ്പറ്റി മെഡിക്കല്‍ വിദ്യാര്‍ത്ഥികള്‍ക്കായി പ്രത്യേക പരിപാടി സംഘടിപ്പിച്ചിട്ടുണ്ട്.

ഡോ. എം. സാബശിവന്‍ (ന്യൂറോ സര്‍ജറി), ഡോ. വി. ബാലകൃഷ്ണന്‍ (ഗ്യാസ്‌ട്രോ എന്‌ട്രോളജി), ഡോ. രാംദാസ് പിഷാരടി (മുന്‍ പ്രിന്‍സിപ്പാള്‍) എന്നിവരുടെ ഓര്‍മ്മയ്ക്കായുള്ള പ്രഭാഷണങ്ങളും ഉണ്ടായിരിക്കുന്നതാണ്. തിരുവനന്തപുരം മെഡിക്കല്‍ കോളേജ് ഡയമണ്ട് ജൂബിലി പ്രഭാഷണം നടത്തുന്നത് ക്യാനഡയിലെ പ്രശസ്ത ഹൃദ്രോഗ വിദഗ്ധനായ ഡോ. കൃഷ്ണകുമാര്‍ നായരാണ്. പ്രഭാഷണങ്ങള്‍ നടത്തുന്നത്. ഡോ. എ. മാര്‍ത്താണ്ഡ പിള്ള, ഡോ. എം. നരേന്ദ്ര നാഥന്‍, ഡോ. കിം ജെ. മാമന്‍, ഡോ. വിനോദ് മേനോന്‍ എന്നിവരാണ്.