സ്ഫോടനത്തിന് ഉപയോഗിച്ചത് 150 കിലോ ആര്ഡിഎക്സ്; സ്ഫോടനത്തിന് ഉപയോഗിച്ച വാഹനത്തില് ജയ്ഷെയുടെ പരിശീലനം സിദ്ധിച്ച കാശ്മീര് സ്വദേശി ആദില് മുഹമ്മദിന് പുറമെ മറ്റൊരാള് കൂടി ഉണ്ടെന്ന് സൂചന
പുല്വാമ ഭീകരാക്രമണത്തില് ആറ് പേര് ഉള്പ്പെട്ടിരുന്നതായി സംശയം. സ്ഫോടനത്തിന് ഉപയോഗിച്ച വാഹനത്തില് ജയ്ഷെയുടെ പരിശീലനം സിദ്ധിച്ച കാശ്മീര് സ്വദേശി ആദില് മുഹമ്മദിന് പുറമെ മറ്റൊരാള് കൂടി ഉണ്ടെന്നാണ് സൂചന. സ്ഫോടനത്തിന് ഉപയോഗിച്ചത് 150 കിലോ ആര്ഡിഎക്സ് ആണെന്ന് കണ്ടെത്തി. പുല്വാമയില് ജയ്ഷെ മുഹമ്മദ് ചാവേര് ആക്രമണത്തിന് ഉപയോഗിച്ചത് അത്യുഗ്ര സ്ഫോടനശേഷിയുളള അറുപത് കിലോ ആര്ഡിഎക്സെന്ന് സിആര്പിഎഫ് അന്വേഷണത്തില് കണ്ടെത്തി. സൈനിക വാഹനങ്ങള് കടന്നുപോകുന്നതിനു മണിക്കൂറുകള് മുന്പ് അടച്ച ദേശീയപാതയില് ഭീകരനു വാഹനവുമായി എങ്ങനെ കടന്നുകയറാന് കഴിഞ്ഞെന്നും സിആര്പിഎഫ് അന്വേഷിക്കുന്നുണ്ട്.
രാജ്യത്ത് ഏറ്റവും സുരക്ഷാ ഭീഷണിയുള്ള ദേശീയ പാതകളിലൊന്നാണു ജമ്മു– ശ്രീനഗർ പാത. 2547 സിആർപിഎഫ് ജവാൻമാരെ 78 വാഹനങ്ങളിൽ ഇതുവഴി കൊണ്ടുപോയപ്പോൾ പാലിക്കേണ്ടിയിരുന്ന സുരക്ഷാ മുൻകരുതലുകൾ സ്വീകരിച്ചിരുന്നോ എന്ന സംശയം ഉയരുന്നു. മുന്നിലും പിന്നിലുമായി ഏതാനും കിലോമീറ്ററുകൾ ഒഴിച്ചിട്ട് കനത്ത സുരക്ഷാ വലയത്തിലാണു സേനാ വാഹനവ്യൂഹം പതിവായി നീങ്ങുന്നത് എന്നതുകൊണ്ടും സംശയങ്ങൾ ഉയരുന്നു.
ആദിലിന് ഇത്രയധികം സ്ഫോടകവസ്തുക്കൾ എവിടെ നിന്നു ലഭിച്ചുവെന്നതിന് ഇനിയും ഉത്തരം ലഭിച്ചിട്ടില്ല. കശ്മീരിൽ സജീവമായ ഹിസ്ബുൽ മുജാഹിദീൻ, ലഷ്കറെ തയിബ എന്നീ ഭീകരസംഘടനകളുടെ സഹായം ആക്രമണം ആസൂത്രണം ചെയ്ത ജയ്ഷ് ഭീകരർക്കു ലഭിച്ചിട്ടുണ്ടെന്നാണു സൂചന. ആക്രമണത്തിന് ഉപയോഗിച്ചതെന്നു കരുതുന്ന 350 കിലോ സ്ഫോടകവസ്തു തദ്ദേശീയമായി ഉണ്ടാക്കിയതാണെന്നാണു സേനയുടെ നിഗമനം. ക്വാറികളിൽ ഉപയോഗിക്കുന്ന വസ്തുക്കളും സ്ഫോടനത്തിന് ഉപയോഗിച്ചു. വനമേഖലയിലുള്ള ഭീകരരുടെ ഒളിത്താവളങ്ങൾ, ഭീകരരെ പിന്തുണയ്ക്കുന്നവരുടെ വീടുകൾ എന്നിവിടങ്ങളിലാവാം അവ ഒളിപ്പിച്ചത്.
ഇന്റലിജൻസിന്റെ ഭാഗത്തും ഇക്കാര്യത്തിൽ വീഴ്ച വന്നിട്ടുണ്ട്. സേനാംഗങ്ങൾക്കു നേരെ ആക്രമണമുണ്ടായേക്കാമെന്നും ജാഗ്രത വേണമെന്നും കഴിഞ്ഞ 8ന് സിആർപിഎഫ് ഡിഐജിമാർ ഉൾപ്പെടെയുള്ളവർക്കു കശ്മീർ പൊലീസ് മുന്നറിയിപ്പ് നൽകിയിരുന്നു. എന്നാൽ, ആക്രമണം എവിടെ, എപ്പോൾ, ആർക്കുനേരെ നടക്കുമെന്ന കൃത്യമായ വിവരം ശേഖരിക്കുന്നതിൽ ഇന്റിലിജൻസ് പരാജയപ്പെട്ടു.
അതേസമയം പുല്വാമ ഭീകരാക്രമണവുമായി ബന്ധപ്പെട്ട് ഏഴുപേര് പോലിസ് കസ്റ്റഡിയിലായി. ചാവേറാക്രമണവുമായി ബന്ധമുണ്ടെന്ന് സംശയിക്കുന്ന ഏഴുപേരെ പുല്വാമ, അവന്തിപ്പോറ എന്നിവിടങ്ങളില്നിന്നാണ് പോലീസ് പിടികൂടിയത്. അതേസമയം, പുല്വാമ ഭീകരാക്രമണത്തിന് പിന്നിലെ മുഖ്യ ആസൂത്രകനെന്ന് കരുതുന്ന അബ്ദുള് റാഷിദ് ഗാസി പുല്വാമയിലെ വനമേഖലയിലുണ്ടെന്ന് റിപ്പോര്ട്ട്. അബ്ദുള് റാഷിദ് ഗാസിയെ പിന്തുടരുന്ന അന്വേഷണസംഘത്തിനാണ് ഇയാള് ഒളിച്ചു താമസിക്കുന്ന സ്ഥലത്തെക്കുറിച്ച് വിവരം ലഭിച്ചു. ഇതോടെ ജയ്ഷെ മുഹമ്മദ് ഭീകരവാദിയായ ഇയാളെ ജീവനോടെ പിടികൂടാനുള്ള ശ്രമങ്ങള് പുരോഗമിക്കുകയാണെന്നും ദേശീയ മാധ്യമങ്ങള് റിപ്പോര്ട്ട് ചെയ്തു. പുല്വാമ ഭീകരാക്രമണത്തിനുവേണ്ട സ്ഫോടകവസ്തുക്കള് സംഘടിപ്പിച്ച് നല്കിയെന്ന് കരുതുന്ന പ്രദേശവാസിക്ക് വേണ്ടിയും പോലീസ് അന്വേഷണം ആരംഭിച്ചിട്ടുണ്ട്.
https://www.facebook.com/Malayalivartha