കണ്ണീര് പ്രണാമം; വീരമൃത്യൂ വരിച്ച വസന്തകുമാറിന്റെ വീട്ടില് മമ്മൂട്ടിയെത്തി
പുല്വാമയില് വീരമൃത്യു വരിച്ച ജവാന് വിവി വസന്തകുമാറിന്റെ ശവകുടീരത്തില് നടന് മമ്മൂട്ടി അന്ത്യാഞ്ജലിയര്പ്പിച്ചു. ഉച്ചയ്ക്ക് പന്ത്രണ്ടു മണിയോടെയാണ് വസന്തകുമാറിന്റെ ലക്കിടിയിലെ വസതിയില് മമ്മൂട്ടിയെത്തിയത്. വസന്തകുമാറിന്റെ അമ്മ ശാന്ത, ഭാര്യ ഷീന, മക്കള് എന്നിവര്ക്കൊപ്പം ഏറെനേരം മമ്മൂട്ടി ചിലവഴിച്ചു.
പിന്നീട് വീട്ടില് നിന്ന് ഒരുകിലോമീറ്റര് ദൂരെ വസന്തകുമാറിനെ ശവകുടീരത്തിലെത്തി ആദരം അര്പ്പിച്ചു. കുടുംബ ശ്മശാനത്തിലാണ് വസന്തകുമാറിനെ അടക്കം ചെയ്തത്. വീട്ടില് നിന്ന് നടന്നാണ് മമ്മൂട്ടിയും നടന് അബു സലീമും ഇവിടേയ്ക്കെത്തിയത്. വയനാട് സ്പെഷ്യല് ബ്രാഞ്ച് ഡെപ്യൂട്ടി സൂപ്രണ്ട് ബിജോ അലക്സാണ്ടറും ഒപ്പമുണ്ടായിരുന്നു. മാധ്യമങ്ങളെ അറിയിക്കാതെയാണ് മമ്മൂട്ടി എത്തിയത്.
https://www.facebook.com/Malayalivartha