സ്ഥാനാർത്ഥി പ്രഖ്യാപനം വൈകിയാണെങ്കിലും യുഡിഎഫ് ജില്ലാ കോൺഗ്രസ് നേതൃത്വം തെരഞ്ഞെടുപ്പ് പ്രചാരണത്തിന്റെ ഒരുക്കങ്ങളിലാണ് ഇപ്പോൾ. എറണാകുളം ജില്ലയിലെ യുഡിഎഫ് സ്ഥാനാർഥിയുടെ വിജയസാധ്യത ഉറപ്പുവരുത്തുന്നതിനും തെരഞ്ഞെടുപ്പ് പ്രചാരണത്തിന് മുൻപുള്ള പ്രായോഗിക നടപടികൾ പൂർത്തീകരിക്കുന്നതിനും ആയിട്ടാണ് യുഡിഎഫ് നേതൃയോഗം ചേരുന്നത്.

എറണാകുളത്തെ സിറ്റിംഗ് എംപി കെ വി തോമസിനെ തന്നെ അവസരം നൽകുന്നു, ഹൈബി ഈഡൻ എംഎൽഎയും മത്സരിക്കുമോ എന്ന കാര്യത്തിൽ ഇതുവരെ വ്യക്തത വന്നിട്ടില്ല. എന്നാൽ സ്ഥാനാർത്ഥി ആരാണെങ്കിലും പാർട്ടി അതിനെ സ്വാഗതം ചെയ്യുകയാണെന്നും പ്രചാരണത്തിന് മുൻപുള്ള പ്രായോഗിക നടപടികൾ പൂർത്തീകരിക്കുന്നതിനായി ജില്ലയിലെ ബ്ലോക്ക് പ്രസിഡൻറുമാർ ഡിസിസി ഭാരവാഹികൾ കെപിസിസി നിർവാഹകസമിതി അംഗങ്ങൾ തുടങ്ങിയവർ പങ്കെടുക്കുന്ന യുഡിഎഫ് നേതൃയോഗം ചേരുന്നതെന്നും എറണാകുളം ഡിസിസി പ്രസിഡണ്ട് ടി ജെ വിനോദ് മാധ്യമങ്ങളോട് പറഞ്ഞു

സിപിഎം സ്ഥാനാർഥി രാജീവ് പ്രചാരണ പരിപാടികളിൽ സജീവമായതോടെ പ്രചാരണ ഒരുക്കങ്ങൾ വൈകിപ്പിക്കാൻ കഴിയില്ലെന്ന് തിരിച്ചറിവിലാണ് ഇപ്പോൾ എറണാകുളം ഡിസിസി നേതൃത്വം.അതുകൊണ്ടുതന്നെ പതിനാറാം തീയതി സ്ഥാനാർഥിപട്ടിക തയ്യാറായാൽ ഉടൻതന്നെ പ്രചാരണ പരിപാടികളുമായി മുന്നോട്ടു നീങ്ങുവാൻ ആണ് ജില്ലാ നേതൃത്വത്തിന്റെ തീരുമാനം.