ചിങ്ങവനത്ത് നാട്ടകം പോളിടെക്‌നിക് കോളേജിനു മുന്നില്‍ ബൈക്കുകള്‍ കൂട്ടിയിടിച്ച് നവവധുവിന് ദാരുണാന്ത്യം. മഹാരാഷ്ട്ര നാഗ്പുര്‍ സ്വദേശി ജുബിന്‍ഖാന്റെ ഭാര്യ മല്ലപ്പള്ളി ആനിക്കാട് സ്വദേശിനി ജിനിയ ജോണ്‍ (28) ആണ് മരിച്ചത്. ഒപ്പമുണ്ടായിരുന്ന ബന്ധുവിനും എതിര്‍ദിശയില്‍നിന്ന് വന്ന ബൈക്ക് യാത്രക്കാരനും പരിക്കേറ്റിട്ടുണ്ട്. ബുധനാഴ്ച രാവിലെ ഒന്‍പതുമണിയോടെയാണ് അപകടം നടന്നത്.
കോട്ടയത്ത് ഐ.ഇ.എല്‍.ടി.എസ്. പഠിക്കുന്ന ജിനിയ ബന്ധുവായ യുവാവിനൊപ്പം ബൈക്കില്‍ നഗരത്തിലേക്ക് വരികയായിരുന്നു. ഇടിയുടെ ആഘാതത്തില്‍ റോഡില്‍ ജിനിയ തലയടിച്ച് വീണു. ചിങ്ങവനം പോലീസ് സംഭവത്തില്‍ കേസെടുത്തു. മൃതദേഹം പോസ്റ്റ്‌േമാര്‍ട്ടത്തിനുശേഷം ബന്ധുക്കള്‍ക്ക് വിട്ടുകൊടുത്തു. ജുബിന്‍ രാജു ജോണ്‍ ഏകസഹോദരനാണ്. മൂന്നു മാസം മുന്‍പായിരുന്നു ജിനിയയുടെയും ജുബിന്റെയും വിവാഹം.