പി ജെ ജോസഫിനെ കോണ്‍ഗ്രസ് പറ്റിച്ചു. കേരള കോണ്‍ഗ്രസിന്റെ ലോകസഭാ സീറ്റില്‍ ജോസഫിന് സ്ഥാനാര്‍ത്ഥിത്വം വാങ്ങി നല്‍കാമെന്ന് പറഞ്ഞാണ് ഉമ്മന്‍ ചാണ്ടിയും സംഘവും പറ്റിച്ചത്. തിരുവനന്തപുരത്ത് നടന്ന മാരത്തോണ്‍ ചര്‍ച്ചകള്‍ക്ക് ശേഷം കോണ്‍ഗ്രസ് കൈമലര്‍ത്തുകയും ചെയ്തു. ന്യൂസ് 18 ചാനല്‍ നടത്തിയ സര്‍വേയില്‍ പിജെ ജോസഫിനെ പറഞ്ഞു പറ്റിച്ചത് കോണ്‍ഗ്രസാണെന്ന് 79 ശതമാനം പ്രേക്ഷകര്‍ പറഞ്ഞത് വെറുതെയല്ല.

കേരള കോണ്‍ഗ്രസ് എമ്മിന്റെ സ്റ്റിയറിംഗ് കമ്മിറ്റിക്ക് തലേന്ന് കോട്ടയം നാട്ടകം ഗസ്റ്റ് ഹൗസില്‍ ഉമ്മന്‍ ചാണ്ടിയും പി ജെ ജോസഫും കൂടികാഴ്ച നടത്തിയിരുന്നു. കോട്ടയത്തിനു വേണ്ടിയുള്ള തന്ത്രങ്ങള്‍ ജോസഫിന് അഭ്യസിച്ച് നല്‍കുകയായിരുന്നു ചാണ്ടി.

അതിനിടെ മാണി കോട്ടയം സീറ്റ് നിരസിച്ചാല്‍ ഇടുക്കി സീറ്റ് തങ്ങള്‍ തരാമെന്നു പറഞ്ഞ് ജോസഫിനെ പ്രലോഭിപ്പിച്ചിരുന്ന കോണ്‍ഗ്രസിന് നിവ്യത്തിയില്ലാതായി . തിങ്കളാഴ്ച രാത്രി മാണി സീറ്റ് നിഷേധിച്ച വിവരം ജോസഫ് ഉമ്മന്‍ ചാണ്ടിയെ അറിയിച്ചു. കോണ്‍ഗ്രസിന്റെ ഇടുക്കി സീറ്റ് തനിക്ക് നല്‍കണമെന്നും ജോസഫ് ആവശ്യപ്പെട്ടു. താനാണ് മാണിയെ ഇടത്തേക്ക് ചായാല്‍ അനുവദിക്കാത്തതെന്നും അതിനാല്‍ ഇടുക്കി സീറ്റ് തനിക്ക് നല്‍കണമെന്നും അദ്ദേഹം പറഞ്ഞു. അപ്പോള്‍ അത്തരമൊരു ആലോചന പോലും കോണ്‍ഗ്രസില്‍ കലാപമുണ്ടാക്കുമെന്ന് പറഞ്ഞ് ഉമ്മന്‍ ചാണ്ടി കൈമലര്‍ത്തി.

ഉമ്മന്‍ചാണ്ടിയുമായി അടുപ്പം പുലര്‍ത്തുന്ന പ്രമുഖപത്രം ജോസഫിന് വേണ്ടി രംഗത്തെത്തിയതും ശ്രദ്ധേയമായി ജോസഫിന്റെ ഇന്റര്‍വ്യൂ നല്‍കിയും കോണ്‍ഗ്രസ് നേതാക്കളുടെ അമര്‍ഷത്തിന്റെ വാര്‍ത്ത നല്‍കിയും മാണിഗ്രൂപ്പിനോടുള്ള കലിപ്പ് പത്രം പരസ്യമാക്കി. കോട്ടയത്ത് ജോസ് കെ. മാണിയുടെ ഭാര്യ സ്ഥാനാര്‍ത്ഥിമാകുമെന്ന വ്യാജ വാര്‍ത്ത ആദ്യം പ്രസിദ്ധീകരിച്ചതും ഇതേ പത്രമാണ്. അതും ഉമ്മന്‍ ചാണ്ടിയുടെ കളിയായിരുന്നു. ഇത് ലക്ഷ്യമിട്ട് ചെന്നിത്തല മാണിയുടെ പക്ഷത്തേക്ക് തിരിഞ്ഞിട്ടുണ്ട്. വി ഡി സതീശന്‍ ചാഴികാടന് അനുകൂലമായി രംഗത്തെത്തിയത് ഈ സാഹചര്യത്തിലാണ്.

കെ.എം മാണിയുടെ സ്ഥാനാര്‍ത്ഥിയായ തോമസ് ചാഴികാടന്‍ മോശമാണെന്നും ദുര്‍ബലനാണെന്നും തിരുവഞ്ചൂര്‍ രാധാക്യഷ്ണന്റെ സാന്നിധ്യത്തില്‍ കോട്ടയം ജില്ലാ കോണ്‍ഗ്രസ് കമ്മിറ്റിയില്‍ ചര്‍ച്ചയുണ്ടായതോടെയാണ് ചാഴികാടന്‍ ജയിക്കുമോ എന്ന് സംശയം കോട്ടയത്ത് ഉണ്ടായിരിക്കുന്നത്. എന്നാല്‍ ജോസ് കെ മാണി ഒന്നര ലക്ഷത്തിന്റെ ഭൂരിപക്ഷത്തില്‍ ജയിച്ച കോട്ടയം കൈവിടില്ലെന്ന് കെ.എം. മാണിക്കറിയാം. കെ.എം മാണിയെ തൊട്ടാല്‍ വിവരമറിയും എന്ന് കേരള കോണ്‍ഗ്രസുകാര്‍ പറയുന്നു.