കോണ്ഗ്രസ് എം.എല്.എമാരായ എ.പി അനില്കുമാര്, അടൂര് പ്രകാശ്, ഹൈബി ഈഡന് എന്നിവര്ക്കെതിരെ മത്സരിക്കുമെന്ന് പരാതിക്കാരി, തെരഞ്ഞെടുപ്പ് ചൂട് കനത്തതോടെ സൂര്യാഘാതമായി സോളാര് കേസ്
തെരഞ്ഞെടുപ്പ് ചൂട് കനത്തതോടെ സൂര്യാഘാതമായി സോളാര് കേസ് കോണ്ഗ്രസിനെ വേട്ടയാടുന്നു.... കോണ്ഗ്രസ് എം.എല്.എമാരായ എ.പി അനില്കുമാര്, അടൂര് പ്രകാശ്, ഹൈബി ഈഡന് എന്നിവര്ക്കെതിരെ ക്രൈംബ്രാഞ്ച് കോടതിയില് എഫ്.ഐ.ആര് നല്കിയതിന് പിന്നാലെ മൂവരും മത്സരിച്ചാല് താന് എതിര്ത്ഥാനാര്ത്ഥിയാകുമെന്ന് പരാതിക്കാരി വ്യക്തമാക്കി. അങ്ങനെ സംഭവിച്ചാല് കേരള രാഷ്ട്രീയത്തിലെ ചരിത്ര സംഭവമായി അത് മാറും. ചുമ്മാതെ മത്സരിക്കുകയല്ല മൂന്ന് എം.എല്.എമാര്ക്കും എതിരായ തെളിവുകള് കൂടി ഹാജരാക്കുമെന്ന് പരാതിക്കാരി വ്യക്തമാക്കി. സോളാര് വ്യവസായം ആരംഭിക്കാന് സഹായിക്കാമെന്ന് ഉറപ്പ് നല്കി ബലാല്സംഗം ചെയ്യുകയും പ്രകൃതിവിരുദ്ധ പീഡനം നടത്തിയെന്നുമാണ് പരാതിക്കാരിയുടെ ആരോപണം.
2011ലെ നിയമസഭാ തെരഞ്ഞെടുപ്പ് കാലത്ത് മുഖ്യമന്ത്രിയായിരുന്ന വി.എസ് അച്യുതാനന്ദന് പി.കെ കുഞ്ഞാലിക്കുട്ടിക്കെതിരായ ഐസ്ക്രീംകേസ് കുത്തിപ്പൊക്കി അന്വേഷണം നടത്തിയതോടെ യു.ഡി.എഫിന്റെ ഭരിപക്ഷം രണ്ട് സീറ്റില് ഒതുങ്ങിയിരുന്നു. സമാനമായ സാഹചര്യമാണ് ഇപ്പോഴുണ്ടായിരിക്കുന്നത്. ശബരിമല യുവതീപ്രവേശനത്തിലും പെരിയ ഇരട്ടകൊലപാതകത്തിലും ജനപിന്തുണ നഷ്ടപ്പെട്ട സര്ക്കാരിനും സി.പി.എമ്മിനും കിട്ടിയ കച്ചിത്തുരുമ്പാണ് സോളാര് കേസ്. അതിനെ എങ്ങനെ കോണ്ഗ്രസ് നേരിടുമെന്നാണ് രാഷ്ട്രീയ കേരളം ഉറ്റുനോക്കുന്നത്. ലൈംഘിക പീഡനം ഉന്നയിച്ച പരാതിക്കാരി എതിര്ത്ഥാനാര്ഥിയാകുമ്പോള് ഉണ്ടാകുന്ന നാണക്കേട് ഈ മൂന്ന് എം.എല്.എമാര് മത്സരിക്കുന്ന മണ്ഡലങ്ങളെ മാത്രമല്ല സംസ്ഥാനത്തെ 20 മണ്ഡലങ്ങളെയും ബാധിക്കും.
എറണാകുളം എം.എല്.എ ഹൈബി ഈഡനെതിരെ ബലാല്സംഗ കേസും കോന്നി എം.എല്.എ അടൂര് പ്രകാശിനും വണ്ടൂര് എം.എല്.എ എ.പി.അനില്കുമാറിനും എതിരെ പ്രകൃതി വിരുദ്ധ ലൈഗിക പീഡനം, സ്ത്രീത്വ അപമാനിക്കല് എന്നീ കുറ്റകൃത്യങ്ങളാണ് ചുമത്തിയിരിക്കുന്നത്. പരാതിയുടെ പകര്പ്പ് സോഷ്യല് മീഡിയയിലൂടെയും മറ്റും വൈറലായാല് യു.ഡി.എഫ് എന്ത് ന്യായീകരണം നടത്തിയാലും ഏശില്ല. മുമ്പ് പലപ്പോഴും പരാതിക്കാരിക്ക് പണം നല്കി പല കേസുകളും ഒതുക്കി തീര്ത്തിട്ടുണ്ട്. ഇത്തവണയും അങ്ങനെ നീ്ക്കം നടക്കുമെന്ന് സൂചനയുണ്ട്. എന്നാല് സര്ക്കാരിന്റെ പൂര്ണ പിന്തുണ പരാതിക്കാരിക്ക് ഉള്ളതിനാല് അതെത്രത്തോളം ഫലവത്താകുമെന്ന് കാത്തിരുന്ന് കാണാം.
ഉമ്മന് ചാണ്ടിക്കും, കെ.സി വേണുഗോപാലിനുമെതിരെ പരാതിക്കാരി മുമ്പ് ബാലാല്സംഗത്തിന് കേസ് നല്കിയിരുന്നു. അത് നിലനില്ക്കില്ലെന്ന് നിയമോപദേശം ലഭിച്ചിരുന്നു. എന്നാല് മറ്റ് നേതാക്കള്ക്കെതിരെ കേടെുക്കാനാകുമോ എന്ന് ക്രൈം ബ്രാഞ്ച് അഡ്വക്കേറ്റ് ജനറലിനോട് നിയമപദേശം തേടിയിരുന്നു. കേസെടുക്കാമെന്ന് ഉപദേശം ലഭിച്ചതിനെ തുടര്ന്നാണ് തെരഞ്ഞെടുപ്പിന്റെ പടിവാതില്ക്കല് എത്തി നില്ക്കുമ്പോള് കേസെടുത്തതെന്ന് പൊലീസിലെ ചില ഉന്നതര് പറയുന്നു. എഫ്.ഐ.ആര് റദ്ദാക്കണമെന്ന് ആവശ്യപ്പെട്ട് എം.എല്.എമാര് കോടതിയെ സമീപിക്കുമെന്നാണ് അറിയുന്നത്.
https://www.facebook.com/Malayalivartha
