ഒരു കൊലയാളി വടകരയില് ജയിച്ചു പോകുന്ന സാഹചര്യം ഉണ്ടാവരുത്; ജയരാജനെതിരെ വോട്ട് ചെയ്യുക എന്നതാണ് ഞങ്ങളുടെ ലക്ഷ്യം, അതുതന്നെയാണ് ജനാധിപത്യ വിശ്വാസികളായ എല്ലാ വോട്ടര്മാരും ചെയ്യേണ്ട കാര്യവും; വടകരയില് യുഡിഎഫിന് പൂര്ണ്ണ പിന്തുണ നല്കി ആര്എംപി
വടകരയില് യുഡിഎഫിന് പൂര്ണ്ണ പിന്തുണ നല്കി ആര്എംപി. കൊലയാളി ജയിക്കരുതെന്നാണ് കെ.കെ രമ പറയുന്നത്. വടകര സീറ്റില് മത്സരിക്കാനില്ലെന്നും ആര്എംപി നേതൃത്വം അറിയിച്ചു. യുഡിഎഫ് സ്ഥാനാര്ത്ഥിക്ക് പിന്തുണ നല്കുമെന്നും, വടകരയില് പി ജയരാജന്റെ തോല്വിയാണ് ലക്ഷ്യമെന്നും ആര്എംപി നേതാക്കളായ എന് വേണുവും കെകെ രമയും മാധ്യമപ്രവര്ത്തകരോട് വ്യക്തമാക്കി.
ടിപി ചന്ദ്രശേഖരന്റെ കൊലപാതകത്തില് ഉള്പ്പെടെ പല കൊലക്കേസുകളിലും പങ്കുള്ള ആളാണ് വടകരയിലെ സിപിഎം സ്ഥാനാര്ഥി പി ജയരാജന്. ഒരു കൊലയാളി വടകരയില് ജയിച്ചു പോകുന്ന സാഹചര്യം ഉണ്ടാവരുത്. ജയരാജനെതിരെ വോട്ട് ചെയ്യുക എന്നതാണ് ഞങ്ങളുടെ ലക്ഷ്യം. അതുതന്നെയാണ് ജനാധിപത്യ വിശ്വാസികളായ എല്ലാ വോട്ടര്മാരും ചെയ്യേണ്ട കാര്യവും. അതിനാലാണ് യുഡിഎഫിനെ പിന്തുണയ്ക്കാന് തീരുമാനിച്ചതെന്ന് കെ.കെ രമ പറഞ്ഞു. സംസ്ഥാനത്തെമ്പാടും അക്രമരാഷ്ട്രീയത്തിനെതിരായ പ്രവര്ത്തനത്തില് പങ്കുചേരുമെന്നും രമ കൂട്ടിച്ചേര്ത്തു.
ആര്എംപി രൂപീകരണത്തിനു ശേഷം എല്ലാ തിരഞ്ഞെടുപ്പിലും സ്ഥാനാര്ഥിയെ നിര്ത്തിയിട്ടുണ്ട്. എന്നാല് ഇത്തവണ മാത്രം ജയരജന്റെ തോല്വി ഉറപ്പാക്കാന് യുഡിഎഫിന്റെ പ്രചരണത്തില് സജീവമായി പങ്കുചേരുമെന്ന് ആര്എംപി സംസ്ഥാന അധ്യക്ഷന് എന് വേണു പറഞ്ഞു. സിപിഎമ്മുമായി ചര്ച്ച നടത്തി പ്രശ്നങ്ങള് പരിഹരിക്കണണെന്ന് ഒരിക്കലും തോന്നിയിട്ടില്ല. ആര്എംപിയുടെ അവസാന വോട്ടും യുഡിഎഫിന് നല്കുമെന്നും വേണു കൂട്ടിച്ചേര്ത്തു.
അതേസമയം വടകര, ആലപ്പുഴ, വയനാട്, ആറ്റിങ്ങല് എന്നീ മണ്ഡലങ്ങളില് സ്ഥാനാര്ത്ഥികളെ പ്രഖ്യാപിച്ചിട്ടില്ല. ഈ നാല് സീറ്റുകളിലേക്ക് അടുത്ത ദിവസത്തെ ചര്ച്ചയിലൂടെ തീരുമാനമാകുമെന്ന് ചെന്നിത്തല കഴിഞ്ഞ ദിവസം പറഞ്ഞിരുന്നു. എല്ലാ സീറ്റുകളിലും കൈപ്പത്തി ചിഹ്നത്തിലായിരിക്കും മത്സരം. വയനാട് സീറ്റിനെച്ചൊല്ലിയുള്ള അതിരൂക്ഷമായ തര്ക്കം പരിഹരിക്കാന് ഇതുവരെ സാധിച്ചില്ലെന്നാണ് അറിയുന്നത്. ഷാനിമോള് ഉസ്മാന്, ടി സിദ്ധീഖ്, കെപി അബ്ദുള് മജീദി് എന്നിവരെ ഇവിടേക്ക് പരിഗണിക്കുന്നുണ്ട്. ആലപ്പുഴ, ആറ്റിങ്ങല് എന്നിവിടങ്ങളിലേക്ക് ഷാനിമോള് ഉസ്മാന്റെ പേര് ഉയര്ന്നു കേട്ടിരുന്നു.
കെസി വേണുഗോപാല്, മുല്ലപ്പള്ളി രാമചന്ദ്രന്, ഉമ്മന്ചാണ്ടി എന്നിവര് മത്സരിക്കില്ലെന്ന് നേരത്തെ തന്നെ വിവരം വന്നിരുന്നു. ഉമ്മന് ചാണ്ടിയുടെ സ്ഥാനാര്ത്ഥിത്വത്തില് അനിശ്ചിതത്വം തുടരുന്നതുകൊണ്ടാണ് കോണ്ഗ്രസ് സ്ഥാനാര്ത്ഥി പട്ടിക പുറത്തു വരാന് വൈകുന്നതെന്നു വാര്ത്തകള് വന്നിരുന്നു. കെപിസിസി ശക്തമായി തന്നെ ഉമ്മന് ചാണ്ടിയെ മത്സരിപ്പിക്കണമെന്നും ആവശ്യപ്പെട്ടിരുന്നു. ഇതിനായി ഹൈ കമാന്ഡില് സമ്മര്ദ്ദം ചെലുത്തുകയും ചെയ്തു. ഇതിന്പ്രകാരം ആന്ധ്രയില് ആയിരുന്ന ഉമ്മന് ചാണ്ടിയെ ഹൈ കാമാന്ഡ് ഡല്ഹിയിലേക്ക് ഇന്നു വിളിപ്പിച്ചിരുന്നു. എന്നാല് താന് മത്സരിക്കുന്നില്ലെന്ന തീരുമാനം ഉമ്മന് ചാണ്ടി ആവര്ത്തിച്ചതോടെയാണ് അദ്ദേഹത്തെ ഒഴിവാക്കിയതെന്ന് അറിയുന്നു.
ഇടുക്കിയില് ഡീന് കുര്യാക്കോസിനു വേണ്ടി എ ഗ്രൂപ്പും ജോസഫ് വാഴയ്ക്കനു വേണ്ടി ഐ ഗ്രൂപ്പും ശക്തമായി രംഗത്തുണ്ടായിരുന്നു. നാല് സീറ്റുകളിലെ സ്ഥാനാര്ഥികളെ നിശ്ചയിക്കുന്നതില് ചര്ച്ചകള്ക്കായി എഐസിസി ജനറല് സെക്രട്ടറി ഉമ്മന് ചാണ്ടിയെ ഹൈക്കമാന്ഡ് ഡല്ഹിക്ക് വിളിപ്പിച്ചു. മുന് എംഎല്എ റോസമ്മ ചാക്കോയുടെ ശവസംസ്കാര ചടങ്ങില് പങ്കെടുക്കുന്നതിനായിട്ട് ഉമ്മന് ചാണ്ടി ശനിയാഴ്ച ആന്ധ്രയില് നിന്ന് കേരളത്തിലേക്ക് തിരിക്കുകയായിരുന്നു.
വടകര, വയനാട്, ആലപ്പുഴ, ആറ്റിങ്ങല് സീറ്റുകളിലാണ് സ്ഥാനാര്ഥി നിര്ണയം ഉടന് ഉണ്ടാകും. ടി.സിദ്ദിഖിനായി വയനാട് സീറ്റ് കിട്ടിയേ തീരൂ എന്ന നിലപാടിലാണ് എ ഗ്രൂപ്പും ഉമ്മന് ചാണ്ടിയും. ഐ ഗ്രൂപ്പാകട്ടെ തങ്ങളുടെ സിറ്റിങ് സീറ്റ് വിട്ടുകൊടുക്കില്ല എന്ന നിലപാടിലും.
https://www.facebook.com/Malayalivartha
