വയനാട് സീറ്റ് തര്ക്കം കോണ്ഗ്രസില് രൂക്ഷമാകുന്നു, ടി.സിദ്ധിഖിനെ മത്സരിപ്പിക്കണമെന്ന തീരുമാനത്തില് വിട്ട് വീഴ്ചയ്ക്ക് ഉമ്മന്ചാണ്ടി തയ്യാറായില്ല
. സീറ്റ് വിട്ട് കൊടുക്കില്ലെന്ന നിലപാടിലാണ് ഐ ഗ്രൂപ്പ് തലവന് ചെന്നിത്തല. ഇരു കൂട്ടരും അമ്പിലും വില്ലിലും അടുക്കാതായതോടെ രാഹുല്ഗാന്ധി നേരിട്ട് ഇടപെടുമെന്ന് അറിയുന്നു. വയനാട്ടില് രാഹുല്ഗാന്ധി മത്സരിക്കണമെന്ന് ആലത്തൂര് എം.എല്.എ വി.ടി ബല്റാം ആവശ്യപ്പെട്ടു. സംസ്ഥാനത്തെ ചില സീറ്റുകളിലെ സ്ഥാനാര്ത്ഥിത്വം സംബന്ധിച്ച് ഉമ്മന്ചാണ്ടിക്ക് അതൃപ്തിയുള്ളതിനാല് ശനിയാഴ്ച അദ്ദേഹത്തെ ഡല്ഹിക്ക് വിളിപ്പിച്ചിരുന്നെങ്കിലും പോയിരുന്നില്ല. ആന്ധ്രയുടെ ചുമതലയുള്ള അദ്ദേഹം അവിടേക്ക് പോകുന്നതിനിടെയാണ് വിളിച്ചത്. തുടര്ന്നാണ് ഇന്ന് വീണ്ടും ഡല്ഹിയില് വരണമെന്ന് ഹൈക്കമാന്ഡ് ആവശ്യപ്പെട്ടത്.
വയനാടിന് പകരം വടകര സീറ്റ് സിദ്ധിഖിന് നല്കാമെന്ന് പറഞ്ഞെങ്കിലും താല്പര്യമില്ല. അതോടെയാണ് വയനാട് കീറാമുട്ടിയായി മാറിയത്. ഡല്ഹിയില് പോയത് വയനാട് ഉള്പ്പെടെയുള്ള സീറ്റുകളിലെ തര്ക്കം പരിഹരിക്കുന്നതിനല്ലെന്നും ആന്ധ്രയിലെ പ്രശ്നം പരിഹരിക്കുന്നതിനാണെന്നും ഉമ്മന്ചാണ്ടി മാധ്യമങ്ങളോട് പറഞ്ഞു. ചര്ച്ച ചെയ്ത് ചെയ്ത് തീരുമാനം ആകാത്തതിനാല് അതൃപ്തിയോടെ ചെന്നിത്തലയും ഡല്ഹിയില് നിന്ന് കേരളത്തിലേക്ക് മടങ്ങി. ഹൈക്കമാന്ഡ് ഇടപെട്ട് തര്ക്കമുള്ള സീറ്റുകളില് സ്ഥാനാര്ത്ഥികളെ നിര്ത്തിയാല് ഇരുഗ്രൂപ്പുകളും കാലുവാരുമെന്ന ആശങ്കയും കെ.പി.സി.സി നേതൃത്വത്തിനുണ്ട്. കാരണം രണ്ട് ഗ്രൂപ്പിലും പെട്ടവര് നേതൃത്വത്തില് കുറവാണ്. പ്രസിഡന്റും വര്ക്കിംഗ് ചെയര്മാന്മാരും പ്രത്യേക ഗ്രൂപ്പിലുള്ളവരല്ല. ഗ്രൂപ്പിന്റെ അപ്രമാദിത്വം ഇല്ലാതാക്കാനാണ് രാഹുല്ഗാന്ധി ശ്രമിക്കുന്നതും.
വയനാട്, വടകര, ആലപ്പുഴ മണ്ഡലങ്ങളിലെ സ്ഥാനാര്ത്ഥികളെ ഹൈക്കമാന്ഡ് തീരുമാനിക്കും. ആറ്റിങ്ങലില് കോന്നി എം.എല്.എ അടൂര് പ്രകാശ് മത്സരിക്കുന്ന കാര്യത്തില് ധാരണയായിട്ടുണ്ട്. ചെന്നിത്തലയ്ക്ക് ഒപ്പം നിന്ന അടൂര് പ്രകാശ് ഇപ്പോള് ഉമ്മന്ചാണ്ടി ക്യാമ്പിലാണ്. ഹൈബി ഈഡന്, ബെന്നി ബഹാന്, ആന്റോ ആന്റണി എന്നിവരാണ് എ ഗ്രൂപ്പിന്റെ മറ്റ് സ്ഥാനാര്ത്ഥികള്. പഴയപോലെ ഗ്രൂപ്പ് വിതംവയ്പ്പിന് കെ.പി.സി.സിയും ഹൈക്കമാന്ഡും കൂട്ട് നില്ക്കുന്നില്ല. ആലപ്പുഴയില് ഷാനിമോള് ഉസ്മാന് താല്പര്യമില്ലെന്ന് അറിയിച്ചെങ്കിലും മത്സരിക്കണമെന്ന് ഹൈക്കമാന്ഡ് നിര്ദ്ദേശിക്കുന്നു. ഇത് എ, ഐ ഗ്രൂപ്പുകളെ ബാധിക്കുന്ന പ്രശ്നമല്ല. വയനാട് സീറ്റ് സമവായം എന്ന നിലയില് മലപ്പുറം ഡി.സി.സി പ്രസിഡന്റ് പി.വി പ്രകാശിനെ മത്സരിപ്പിച്ചേക്കും.
വയനാട് സീറ്റ് സിദ്ധിഖിന് ലഭിച്ചേ തീരൂ എന്ന നിലപാടിലാണ് ഉമ്മന്ചാണ്ടി. എം.ഐ ഷാനവാസ് നല്ല ഭൂരിപക്ഷത്തില് ജയിച്ച മണ്ഡലമാണ്. അദ്ദേഹത്തിന്റെ മരണത്തോടെയാണ് തര്ക്കം മൂത്തത്. സോളാര് കേസിന്റെ കാലത്ത് ഉമ്മന്ചാണ്ടിക്കൊപ്പം നിന്ന സിദ്ധിഖിനെ കോഴിക്കോട് ഡി.സി.സി പ്രസിഡന്റാക്കിയതും ഉമ്മന്ചാണ്ടിയാണ്. അതുകൊണ്ട് സിദ്ധിഖിന് എങ്ങനെയും സീറ്റ് വാങ്ങിക്കൊടുക്കാന് ഉമ്മന്ചാണ്ടി ഏതറ്റം വരെയും പോകും. ഇരുഗ്രൂപ്പുകളും അയയാന് തയ്യാറാകാത്തത് മറ്റ് സീറ്റുകളിലെ വിജയത്തെയും ബാധിക്കുമെന്ന് ആശങ്കയുണ്ട്. പടിക്കല് കൊണ്ട് കലം ഉടയ്ക്കരുതെന്ന് പ്രവര്ത്തകരും പല തോക്കളും ആശങ്ക പങ്കുവയ്ക്കുന്നുണ്ട്.
"
https://www.facebook.com/Malayalivartha
