സിനിമയില് വീണ്ടും ക്വൊട്ടേഷന് ; സംവിധായകന് റോഷന് ആന്ഡ്രൂസ് വീട്ടില് കയറി ആക്രമിച്ചെന്ന പരാതിയുമായി നിര്മ്മാതാവ് ആല്വിന് ആന്റണി; സഹസംവിധായികയായ ഒരു യുവതിയുമായി മകനുണ്ടായിരുന്ന സൗഹൃദം റോഷന് ആന്ഡ്രൂസിന് ഇഷ്ടപ്പെട്ടില്ല; ഇതേ തുടര്ന്നുള്ള വൈരാഗ്യമാണ് വീടുകയറി ആക്രമണത്തിന് കാരണമെന്നാണ് ആല്വിന് ആന്റണി
സംവിധായകന് റോഷന് ആന്ഡ്രൂസ് വീട്ടില് കയറി ആക്രമിച്ചെന്ന പരാതിയുമായി നിര്മ്മാതാവ് ആല്വിന് ആന്റണി. കഴിഞ്ഞദിവസം രാത്രി പതിനഞ്ചോളം വരുന്ന സംഘം വീട്ടില് കയറി മര്ദിച്ചെന്നാണ് പരാതി. എന്നാല് പരാതി വ്യാജമാണെന്നും ആക്രമണത്തിനിരയായത് താന് ആണെന്നുമാണ് റോഷന് ആന്ഡ്രൂസിന്റെ പ്രതികരണം.
റോഷന് ആന്ഡ്രൂസിന്റെ സംവിധാന സഹായി ആയിരുന്നു തന്റെ മകന് ആല്വിന് ജോണ് ആന്റണിയെന്നാണ് ആല്വിന് ആന്റണിയുടെ പറയുന്നത്. സഹസംവിധായികയായ ഒരു യുവതിയുമായി മകനുണ്ടായിരുന്ന സൗഹൃദം റോഷന് ആന്ഡ്രൂസിന് ഇഷ്ടപ്പെട്ടില്ല. ഇതേ തുടര്ന്നുള്ള വൈരാഗ്യമാണ് വീടുകയറി ആക്രമണത്തിന് കാരണമെന്നാണ് ആല്വിന് ആന്റണി പറഞ്ഞു. കഴിഞ്ഞദിവസം രാത്രി സുഹൃത്ത് നവാസുമൊത്ത് വീട്ടില് കയറി വന്ന റോഷന് ആന്!ഡ്രൂസ് ആദ്യം ഭീഷണിപ്പെടുത്തി. അതിനു വഴങ്ങാതെ വന്നതോടെ പുറത്തുകാത്തുനിന്നിരുന്ന പതിനഞ്ചോളം വരുന്ന സംഘത്തെ വീട്ടിനുളളിലേക്ക് വിളിപ്പിച്ചു. തന്റെ സുഹൃത്തായ ഡോ ബിനോയ് അടക്കമുളളവരെ മര്ദിക്കുകയായിരുന്നുവെന്ന് ആല്വിന് ആന്റണി പറഞ്ഞു. ആക്രമത്തിനിരയായ ഡോ ബിനോയ് എറണാകുളത്തെ സ്വകാര്യ ആശുപത്രിയില് ചികിത്സയിലാണ്. എന്നാല്, തന്റെ സഹ സംവിധായകനായിരുന്ന ആല്വിന് ജോണ് ആന്റണിയെ ലഹരി ഉപയോഗത്തെ തുടര്ന്ന് പുറത്താക്കിയതിലുള്ള വൈരാഗ്യമാണ് പരാതിക്ക് കാരണമെന്നാണ് റോഷന് ആന്ഡ്രൂസ് പറയുന്നത്.
വിഷയം സംസാരിച്ചു പരിഹരിക്കാന് പോയ തന്നെയും സുഹൃത്തിനെയും ആല്വിന് ആന്റണി ആക്രമിക്കുകയായിരുന്നുവെന്നും അദ്ദേഹം വ്യക്തമാക്കുന്നു. റോഷന് ആന്ഡ്രൂസും സംഘവും വീട്ടില് കയറി ഭീഷണിപ്പെടുത്തുന്നതിന്റെ ദൃശ്യങ്ങളടക്കം ആല്വിന് ആന്റണി പൊലീസിന് കൈമാറിയിട്ടുണ്ട്. ഇരുകൂട്ടരുടെയും പരാതികളില് എറണാകുളം സൗത്ത് പൊലീസ് കേസെടുത്തെങ്കിലും അന്വേഷണം മരവിപ്പിക്കാനുളള സമ്മര്ദ്ദങ്ങള് വിവിധ കോണുകളില് തുടങ്ങിയിട്ടുണ്ട്.
https://www.facebook.com/Malayalivartha
