നേമത്ത് താമരവിരിയുകയും യു.ഡി.എഫ് സ്ഥാനാര്ത്ഥി സുരേന്ദ്രന് പിള്ളയ്ക്ക് കെട്ടിവെച്ച കാശ് കീശയില് നിന്ന് പോവുകയും ചെയ്തതെങ്ങനെ?
കഴിഞ്ഞ നിയമസഭാ തെരഞ്ഞെടുപ്പില് നേമത്ത് താമരവിരിയുകയും യു.ഡി.എഫ് സ്ഥാനാര്ത്ഥി സുരേന്ദ്രന് പിള്ളയ്ക്ക് കെട്ടിവെച്ച കാശ് കീശയില് നിന്ന് പോവുകയും ചെയ്തതെങ്ങനെ? തിരുവനന്തപുരം ലോക്സഭാ മണ്ഡലം എല്.ഡി.എഫ് സ്ഥാനാര്ത്ഥി സി.ദിവാകരന് അക്കഥ പറയുന്നു... അന്ന് കോണ്ഗ്രസ് ബി.ജെ.പിക്ക് വോട്ട് മറിച്ച് കൊടുത്തെന്ന് കണക്കുകള് അക്കമിട്ട് നിരത്തിയാണ് ദിവാകരന് തന്റെ ഫെയിസ്ബുക്കിലൂടെ പറയുന്നത്. 2011ല് യു.ഡി.എഫിന് നേമത്ത് 20,248 വോട്ടാണ് ലഭിച്ചത്. 2014ലെ ലോക്സഭാ തെരഞ്ഞെട്ടുപ്പില് 32, 639 വോട്ട് കിട്ടി. എന്നാല് 2016ലെ നിയമസഭാ തെരഞ്ഞെടുപ്പില് യു.ഡി.എഫിന് ഇരുപതിനായിരത്തോളം വോട്ട് നഷ്ടപ്പെട്ടു. എല്.ഡി.എഫിന് പതിനായിരത്തോളം വോട്ട് കൂടുകയും ചെയ്തു.
സംസ്ഥാനത്ത് ബി.ജെ.പി - കോണ്ഗ്രസ് ബന്ധം ശക്തമാണെന്ന ഇടത് നിലപാടിന് ബലം വയ്ക്കുന്നതാണ് സി.ദിവാകരന്റെ പോസ്റ്റ്. ബി.ജെ.പിയെ കേരളത്തില് ശക്തമാക്കുന്നത് കോണ്ഗ്രസാണെന്നും പല കോണ്ഗ്രസ് നേതാക്കളും രാത്രി സംഘപുത്രന്മാരാണെന്നും സി.പി.എം ആരോപിക്കുന്നു. കോണ്ഗ്രസ് സര്ക്കാരിന്റെ കാലത്ത് പി.എസ്.സി ചെയര്മാനായിരുന്ന കെ.എസ് രാധാകൃഷ്ണന് ആലപ്പുഴയിലെ ബി.ജെ.പി സ്ഥാനാര്ത്ഥിയാണ്. അതുപോലെ കോണ്ഗ്രസ് സര്ക്കാരിന്റെ കാലത്ത് ദേവസ്വം പ്രസിഡന്റായിരുന്ന ബി. രാമന് നായര് ശബരിമല പ്രശ്നത്തെ തുടര്ന്ന് പാര്ട്ടി വിട്ട് ബി.ജെ.പിയില് ചേര്ന്നു. ഇത്തരത്തിലുള്ള രാഷ്ട്രീയ സംഭവവികാസങ്ങള് ചൂണ്ടിക്കാട്ടിയാണ് ഇടതപക്ഷം കോണ്ഗ്രസ് ബി.ജെ.പി ബന്ധം ശരിയാണെന്ന് ആരോപിക്കുന്നത്.
യു.ഡി.എഫ് വോട്ടുകള് 2016ല് തനിക്ക് ലഭിച്ചില്ലെന്ന് അന്നത്തെ സ്ഥാനാര്ത്ഥിയും എല്.ജെ.ഡി ജനറല് സെക്രട്ടറിയുമായ വി. സുരേന്ദ്രന് പിള്ളയും പറയുന്നു. കോണ്ഗ്രസ് വോട്ടുകള് കൂട്ടമായി ബി.ജെ.പിക്ക് മറിച്ചു. തനിക്ക് ലഭിച്ചത് വ്യക്തിപരമായ വോട്ടുകളായിരുന്നെന്നും അദ്ദേഹം പറഞ്ഞു. വോട്ട് മറിച്ചു എന്നത് വെറും ആരോപണമല്ല. കണക്കുകളും കെ.പി.സി.സി നിയമിച്ച കമ്മീഷന്റെ കണ്ടെത്തലുകളും ഇത് ശരിവയ്ക്കുന്നു. കമ്മീഷന് റിപ്പോര്ട്ട് തയ്യാറാക്കിയതിന് ശേഷം നടന്ന യു.ഡി.എഫ് യോഗത്തില് ശക്തമായ നടപടി വേണമെന്ന് ഘടകക്ഷികള് ആവശ്യപ്പെട്ടെങ്കിലും കെ.പി.സി.സി പ്രസിഡന്റായിരുന്ന വി.എം സുധീരന് ചിരിച്ചുതള്ളിയെന്നും സുരേന്ദ്രന് പിള്ള ആരോപിച്ചു.
സംഭവിച്ചത് ഗുരുതരമായ വീഴ്ചയാണ് അതിനാല് ഒന്നും രണ്ടും പേര്ക്കെതിരെയല്ല കൂട്ട നടപടി വേണ്ടിവരുമെന്നും സുധീരന് പറഞ്ഞു. പ്രാദേശികമായ നിക്ക് പോക്കല്ലെന്നും നേതാക്കളുടെ അറിവോടെയാണ് വോട്ട് മറിച്ച് കുത്തിയതെന്നും സുധീരന് പറയാതെ പറയുകയായിരുന്നു. പ്രചാരണ സമയത്ത് കാലുവാരലിന്റെ സൂചന പോലും കോണ്ഗ്രസ്നേതാക്കളുടെ ഭാഗത്ത് നിന്ന് ഉണ്ടായില്ല. എന്നാല് വോട്ടിംഗിന്റെ അന്ന്, പ്രചാരണരംഗത്ത് സജീവമായിരുന്ന കോണ്ഗ്രസ് നേതാക്കള് മുങ്ങി. അവര് ബൂത്തുകള് ഉച്ചയോടെ പൂട്ടിക്കെട്ടി. അപ്പോഴാണ് അപകടം മണത്തത്. പക്ഷെ, ഒന്നും ചെയ്യാനാകാത്ത വിധം കാര്യങ്ങള് മാറിമറിഞ്ഞെന്നും സുരേന്ദ്രന് പിള്ള പറഞ്ഞു.
https://www.facebook.com/Malayalivartha