ലോക്സഭാ തെരഞ്ഞെടുപ്പില് മത്സരിക്കുന്ന ബിജെപി സ്ഥാനാര്ഥികളുടെ രണ്ടാംഘട്ട പട്ടികയിലും പത്തനം തിട്ട ഉള്പ്പെട്ടിട്ടില്ല, ഇന്ന് പുലര്ച്ചെ ഒരു മണിയോടെയാണു പട്ടിക പുറത്തുവിട്ടത്, കേരളത്തില് ഒഴിഞ്ഞുകിടക്കുന്ന പത്തനംതിട്ട ഉള്പ്പെട്ടില്ല എന്നുള്ളത് അണികളില് ആശങ്ക ഉണര്ത്തുന്നു
ലോക്സഭാ തെരഞ്ഞെടുപ്പില് മത്സരിക്കുന്ന ബിജെപി സ്ഥാനാര്ഥികളുടെ രണ്ടാം ഘട്ട പട്ടിക പുറത്തുവിട്ടിട്ടും പത്തനംതിട്ട ഇല്ല. 36 മണ്ഡലങ്ങളിലെ സ്ഥാനാര്ഥി പട്ടികയില് പക്ഷേ, കേരളത്തില് ഒഴിഞ്ഞുകിടക്കുന്ന പത്തനംതിട്ട ഉള്പ്പെട്ടില്ല എന്നുള്ളത് അണികളെ ആശങ്കയിലാക്കിയിട്ടുണ്ട്. ഇന്ന് പുലര്ച്ചെ ഒരു മണിയോടെയാണു പട്ടിക പുറത്തുവിട്ടത്.
ആന്ധ്രാപ്രദേശ്, മഹാരാഷ്ട്ര, ഒഡീഷ, ആസാം, മേഘാലയ എന്നിങ്ങനെ അഞ്ചു സംസ്ഥാനങ്ങളിലെ സ്ഥാനാര്ഥി പട്ടികയാണു പുറത്തുവിട്ടത്. ആന്ധ്രയില്നിന്നുള്ള 23, മധ്യപ്രദേശില്നിന്ന് ആറ്, ഒഡീഷയില്നിന്ന് അഞ്ച്, ആസാം, മേഘാലയ ഒന്ന് എന്നിങ്ങനെയാണ് രണ്ടാംഘട്ടത്തില് ഉള്പ്പെട്ട സ്ഥാനാര്ഥികളുടെ എണ്ണം. കേന്ദ്രമന്ത്രി ജെപി നഡ്ഡയാണ് സ്ഥാനാര്ഥി പട്ടിക പ്രഖ്യാപിച്ചത്. ബിജെപി ദേശീയ വക്താവ് സംബിത് പത്ര ഒഡീഷയിലെ പൂരിയില്നിന്നു മത്സരിക്കും.
ആദ്യ ഘട്ടത്തില് 184 സ്ഥാനാര്ഥികളുടെ പട്ടിക ബിജെപി പുറത്തുവിട്ടിരുന്നു. ഇതനുസരിച്ച് പ്രധാനമന്ത്രി നരേന്ദ്ര മോദി വാരാണസിയിലും ബിജെപി അധ്യക്ഷന് അമിത് ഷാ ഗാന്ധിനഗറിലും ജനവിധി തേടും.
ഇതുവരെ ബിജെപി സ്ഥാനാര്ഥിയെ പ്രഖ്യാപിക്കാത്ത പത്തനംതിട്ടയില്, സംസ്ഥാന നേതാക്കളെ മാറ്റിനിര്ത്തി മറ്റൊരാള് മത്സരിച്ചേക്കുമെന്നാണ് അഭ്യൂഹം. ബിജെപിയുടെ ദേശീയ നേതൃത്വം വിജയപ്രതീക്ഷ പുലര്ത്തുന്ന പത്തനംതിട്ട മണ്ഡലത്തില് ആ നിയോഗം ഏല്പിക്കുന്നത് ആരെയാകണമെന്നതില് ദേശീയതലത്തിലും ആശയക്കുഴപ്പമുണ്ടെന്നാണു സൂചന.
കേരളത്തിലെ ഇതര മണ്ഡലങ്ങളിലെ സ്ഥാനാര്ഥികളെ പ്രഖ്യാപിച്ചപ്പോഴും എ ക്ലാസ് പട്ടികയിലെ പത്തനംതിട്ടയെ മാറ്റിനിര്ത്തിയതിനെ സംബന്ധിച്ചു സംസ്ഥാന നേതാക്കള്ക്കും കൂടുതല് വിശദീകരണം ഉണ്ടായിരുന്നില്ല. ബിജെപി ദേശീയ നേതൃത്വത്തിനു കേരള ഘടകം നല്കിയ റിപ്പോര്ട്ടില് ഇത്തവണ സംസ്ഥാനത്തു വിജയസാധ്യതയുള്ള മണ്ഡലങ്ങളില് പ്രഥമ സ്ഥാനമാണ് പത്തനംതിട്ടയ്ക്കുള്ളത്.
സീറ്റ് ലഭിക്കുമെന്ന ഉറപ്പില് പത്തനംതിട്ടയില് പ്രചാരണത്തിനുള്ള ഒരുക്കത്തിലാണ് കെ. സുരേന്ദ്രന്. ശബരിമല ദര്ശനം നടത്തിയ സുരേന്ദ്രന് പത്തനംതിട്ടയില് ക്യാന്പ് ചെയ്തു പ്രചാരണം ആരംഭിക്കാനുള്ള തീരുമാനത്തിലാണ്.
"
https://www.facebook.com/Malayalivartha
