ഡോ. ശശി തരൂരിന് ക്ഷേത്രത്തിലുണ്ടായ അപകടം അപായപ്പെടുത്താനുള്ള ശ്രമമാണെന്ന് ആരോപിച്ച് ഡിസിസി പ്രസിഡന്റ് നെയ്യാറ്റിന്‍കര സനല്‍ പോലീസില്‍ പരാതി നല്‍കിയത് ബി ജെ പി തിരുവനന്തപുരം ജില്ലാ നേതൃത്വത്തെ ലക്ഷ്യമിട്ട്. 

എന്നാല്‍ അപകടത്തിന് പിന്നില്‍ തലസ്ഥാനത്തെ കോണ്‍ഗ്രസ് നേതാക്കളുണ്ടെന്ന സംശയത്തിലാണ് ശശിതരൂര്‍. തരൂരിന് തുലാഭാരം നടത്തുന്നതിന് മുമ്പ് പലരും ക്ഷേത്രത്തില്‍ തുലാഭാരം നടത്തിയിരുന്നു. അവര്‍ക്കൊന്നും അപകടം സംഭവിച്ചിട്ടില്ല. ഈ സാഹചര്യത്തിലാണ് അപകടം മനപൂര്‍വം സൃഷ്ടിക്കപ്പെട്ടതാണെന്ന സംശയത്തില്‍ പോലീസില്‍ പരാതി നല്‍കാന്‍ തരൂര്‍ നിര്‍ദ്ദേശിച്ചത്. 

തരൂരിന് സംഭവിച്ച അപകടത്തെ കുറിച്ച് അന്വേഷിക്കാന്‍ ആഭ്യന്തരവകുപ്പും നിര്‍ദ്ദേശം നല്‍കികഴിഞ്ഞു. 

എന്നാല്‍ ഫോട്ടോ എടുക്കാന്‍ കോണ്‍ഗ്രസ് നേതാക്കള്‍ നടത്തിയ തിക്കും തിരക്കുമാണ് അപകടത്തിന് കാരണമെന്ന നിഗമനത്തിലാണ് തമ്പാനൂര്‍ പോലീസ്. സംഭവത്തിന് പിന്നില്‍ മറ്റെന്തെങ്കിലും ഉണ്ടോ എന്നും പോലീസ് അന്വേഷിക്കുന്നുണ്ട്. 

തിരുവനന്തപുരത്ത് ശശി തരൂര്‍ തോല്‍ക്കുമെന്ന് ഉറപ്പായപ്പോള്‍ കണ്ണീര്‍ വിറ്റ് കാശാക്കാനുള്ള ശ്രമമാണ് നടക്കുന്നതെന്ന് ബിജെപി കേന്ദ്രങ്ങള്‍ കുറ്റപ്പെടുത്തുന്നു. സംഭവത്തിന് പിന്നില്‍ കോണ്‍ഗ്രസ് നേതാക്കളുടെ അട്ടിമറിയുണ്ടെന്നും എന്ന് ബിജെപി സംശയിക്കുന്നു.

അതേസമയം ഡോ. ശശി തരൂരിന് അപ്രതീക്ഷിമായി ഉണ്ടായ അപകടത്തെ തുടര്‍ന്ന് ആശുപത്രിലായപ്പോള്‍ സന്ദര്‍ഭം മറന്ന് ഫേസ് ബുക്കില്‍ പോസ്റ്റിട്ടവര്‍ക്കെതിരെ സംസ്ഥാനം അപമാനഭാരത്തിലായി . 

ശശി തരൂരിനെ പോലൊരാളെ അധിക്ഷേപിച്ചത് ശരിയായില്ലെന്ന പൊതു വികാരമാണ് കേരളത്തിലുണ്ടായിരിക്കുന്നത്. ശശിതരൂരിന്റെ അപകട വാര്‍ത്തയറിഞ്ഞയുടന്‍ തന്നെ പത്രങ്ങളുടെയും ചാനലുകളുടെയും ഓണ്‍ലൈന്‍ സൈറ്റുകളില്‍ പോയ കമന്റുകളിലാണ് തരൂരിനെതിര പരാമര്‍ശമുണ്ടായത്. എന്നാല്‍ തരൂരിനെതിരെ ചിലര്‍ നടത്തിയ പരാമര്‍ശങ്ങള്‍ക്കെതിരെ യൂത്ത് കോണ്‍ഗ്രസ് നേതാക്കളില്‍ ന്യൂന പക്ഷം മാത്രമാണ് രംഗത്തെത്തിയത്. 

ശശിതരൂര്‍ തിരുവനന്തപുരത്ത് പരാജയപ്പെടുമെന്ന വാര്‍ത്തകള്‍ സജീവമാണ്. ഏഷ്യാനെറ്റിന്റെ പുതിയ സര്‍വേ പ്രകാരം കുമ്മനം തലസ്ഥാനത്ത് ജയിക്കുമെന്നാണ് പ്രവചനം. ഇതില്‍ അസ്വസ്ഥനാണ് തരൂര്‍. അതിനിടയിലാണ് ഗാന്ധാരിയമ്മന്‍ കോവിലിലെ തുലാഭാരം നടത്താന്‍ തരൂര്‍ എത്തിയത്. തലസ്ഥാനത്തെ പ്രമുഖ ക്ഷേത്രങ്ങളിമെന്നാണ് ഗാന്ധാരിയമ്മന്‍ ക്ഷേത്രം. ഇവിടെത്തെ തുലാഭാര തട്ടിന് ഒരു തകരാര്‍ ഉണ്ടാകാനുള്ള സാധ്യത വളരെ കുറവാണ്. അതുകൊണ്ട് തന്നെ സംഭവത്തില്‍ അട്ടിമറിയുണ്ടോ എന്ന കാര്യത്തില്‍ പോലീസ് അപ്പോള്‍ തന്നെ അന്വേഷണം ആരംഭിച്ചിരുന്നു. 

ക്ഷേത്രം ഭാരവാഹികളുടെ മൊഴി പോലീസ് സംഭവം നടന്നയുടന്‍ എടുത്തിരുന്നു. കോണ്‍ഗ്രസ് നേതാക്കള്‍ തുലാഭാര തട്ടില്‍ തൂങ്ങിയതാണ് അപകടകാരണമെന്ന് പോലീസിനോട് ക്ഷേത്രം ഭാരവാഹികള്‍ പറഞ്ഞിരുന്നു. എന്നാല്‍ ഭാരവാഹികളുടെ വാക്കുകള്‍ പോലീസ് അതേപടി വിശ്വസിച്ചിട്ടില്ല. എന്നാല്‍ സംഭവത്തില്‍ അട്ടിമറിയുണ്ടെന്ന് പ്രഥമദ്യഷ്ട്യാ പോലീസിന് ബോധ്യപ്പെട്ടിട്ടില്ല. 

തരൂര്‍ ആകെ വിവശനാണ്. അദ്ദേഹം തിരുവനന്തപുരത്തെ നേതാക്കള്‍ക്കെതിരെ കേന്ദ്ര നേതാക്കളെ സമീപിച്ചിരുന്നു. ഇതില്‍ പലര്‍ക്കും പ്രയാസമുണ്ടായിട്ടുണ്ട്. അവര്‍ ഒപ്പിച്ച പണിയാണോ എന്നാണ് തരൂര്‍ സംശയിക്കുന്നുണ്ട്.