വിടാതെ ട്രോളന്മാര്... പി.ജെ. കുര്യന്റെ പരിപാഷ കണ്ട് ജനങ്ങളും ട്രോളന്മാരും കൈ കൊട്ടി ചിരിച്ചു; രാഹുല് ഗാന്ധിയുടെ മുമ്പില് പരിഹാസ്യനായി കുര്യന് നിന്നപ്പോള് എല്ലാവരേയും കൈയ്യിലെടുത്ത് ജ്യോതി വിജയകുമാര്
കേരളത്തിലെത്തിയ രാഹുല് ഗാന്ധിയുടെ പ്രസംഗം മലയാളത്തിലേക്ക് പരിപാഷപ്പെടുത്തിയ പി.ജെ. കുര്യന് സദസിനെ ചിരിപ്പിച്ച് കൊന്നു. അവസാനം രാഹുല്ഗാന്ധി കുര്യന് വേണ്ടി നിര്ത്തി നിര്ത്തി പറഞ്ഞു കൊടുത്തു. എങ്കില് പോലും എല്ലാം കൈവിട്ടു പോകുന്ന അവസ്ഥയിലായി കുര്യന്. കുര്യന് അടി കിട്ടിയപ്പോള് താരമായത് രാഹുല് ഗാന്ധിയുടെ പത്തനാപുരത്തെ പരിഭാഷ നടത്തിയ ജ്യോതി വിജയകുമാറാണ്. സോഷ്യല് മീഡിയയില് കുര്യന് പരിഹാസം ഉണ്ടായപ്പോള് ജ്യോതി താരമായി.
ചെങ്ങന്നൂരില് മത്സരിച്ച യു.ഡി.എഫ് സ്ഥാനാര്ത്ഥി വിജയകുമാറിന്റെ മകളാണ് ജ്യോതി വിജയകുമാര്. നേരത്തെയും രാഹുലിന്റെ പ്രസംഗത്തിന്റെ പരിഭാഷക ആയിട്ടുണ്ട് ജ്യോതി. തൃപ്രയാറില് നടന്ന ഫിഷര്മെന് പാര്ലമെന്റില് വെച്ചുള്ള ജ്യോതിയുടെ പരിഭാഷ ഏറെ ശ്രദ്ധിക്കപ്പെട്ടിരുന്നു. ഇത് അഞ്ചാം തവണയാണ് ജ്യോതി രാഹുല്ഗാന്ധിയുടെ പരിഭാഷക ആകുന്നത്. നേരത്തെ സോണിയാ ഗാന്ധിയുടെ പ്രസംഗവും ജ്യോതി പരിഭാഷപ്പെടുത്തിയിരുന്നു.
രാഹുലിന്റെ പരിഭാഷകയായി സ്റ്റേജില് കത്തിക്കയറി നിന്നെങ്കിലും നേരിട്ട് സംസാരിക്കുമ്പോള് ഒട്ടും വിനയം കൈവിടാതെയാണ് ജ്യോതിയുടെ സംസാരം.
അതേസമയം രാഹുല് ഗാന്ധി ഇംഗ്ളീഷില് നടത്തിയ പ്രസംഗം ശരിയായി കേള്ക്കാതെ മുന് രാജ്യസഭ ഉപാദ്ധ്യക്ഷന് പി.ജെ. കുര്യന് പരിഭാഷപ്പെടുത്തിയത് കല്ലുകടിയായി. ഒന്നോ രണ്ടോ വാചകങ്ങളില് നിറുത്തി നിറുത്തിയായിരുന്നു രാഹുലിന്റെ പ്രസംഗം. സമീപത്തു നിന്നു പരിഭാഷപ്പെടുത്തിയ കുര്യന്, പല വാക്കുകളും ശരിയായി കേള്ക്കാനായില്ല. രാഹുല് പറയാത്തതും കുര്യന് പറഞ്ഞത് കേട്ടിരുന്നവര്ക്ക് അലോസരമായി. മൈക്കില് നിന്നുള്ള എക്കോ സ്റ്റേജിലേക്ക് തിരിച്ചുവന്നതാണ് പ്രധാന പ്രശ്നമായത്. സ്റ്റേജില് ശബ്ദസംവിധാനവും ഉണ്ടായിരുന്നില്ല. പറഞ്ഞ വാചകങ്ങള് കുര്യന്റെ ചെവിയില് പലപ്പോഴും രാഹുലിന് അവര്ത്തിച്ച് വ്യക്തമാക്കിക്കൊടുക്കേണ്ടിവന്നു.
പ്രസംഗത്തിലെ ആദ്യ വാചകത്തില് ആര്.എസ്.എസിനോടും ബി.ജെ.പിയോടുമാണ് നമ്മുടെ പ്രധാന പോരാട്ടമെന്ന രാഹുലിന്റെ വാക്കുകള്ക്ക് കുര്യന്റെ പരിഭാഷ ബി.ജെ.പിക്കും സി.പി.എമ്മിനുമെതിരെ എന്നായി. പിന്നിട് പല തവണ വാക്കുകള് പിടികിട്ടാതെ കുര്യന് രാഹുലിനടുത്തേക്ക് കാതോര്ത്തുനിന്നു. പലയിടത്തും പ്രധാന പോയിന്റുകള് വിട്ടുപോകുകയും ചെയ്തു. പ്രസംഗത്തിന്റെ ഒഴുക്ക് നഷ്ടപ്പെടുന്നുവെന്നു മനസിലാക്കിയ രാഹുല് തൊട്ടുപിന്നിലിരുന്ന എ.ഐ.സി.സി ജനറല് സെക്രട്ടറി കെ.സി. വേണുഗോപാലിനെ നോക്കി രണ്ടുതവണ കൈ കാട്ടി. പരിഭാഷകനെ മാറ്റുന്നതിനെക്കുറിച്ച് ഇതോടെ വേദിയില് ആലോചന നടന്നു. മറ്റാരും ഇതിനു മുതിരാതെ വന്നപ്പോള് കുര്യന് തന്നെ ദൗത്യം പൂര്ത്തിയാക്കി.
പ്രസംഗപീഠത്തിനോട് ചേര്ന്നുനിന്ന് കാര്യങ്ങള് മനസിലാക്കിയശേഷം മൈക്കിനടുത്തെത്തി പരിഭാഷ നടത്തേണ്ടിയുംവന്നു. വേദിയില് സൗണ്ട്ബോക്സ് ക്രമീകരിക്കാതിരുന്നതിനാല് പ്രസംഗം ശരിയായി കേള്ക്കാനാകുമായിരുന്നില്ലെന്ന് പി.ജെ.കുര്യന് പറഞ്ഞു.
https://www.facebook.com/Malayalivartha
