ശ്രീലങ്കന് സ്ഫോടനത്തിന്റെ ആസൂത്രകന് സഹ്റാന് ഹാഷിമിന്റെ ആരാധകനായിരുന്നു; ശ്രീലങ്കയ്ക്ക് പിന്നാലെ കേരളത്തിലും ചാവേര് ആക്രമണത്തിന് പദ്ധതിയിട്ട് റിയാസ്... കൊച്ചിയിലെ എന്ഐഎ കോടതിയില് റിയാസിനെ നാളെ ഹാജരാക്കാനൊരുങ്ങി അന്വേഷണസംഘം
ഇന്ത്യയില് നിന്ന് ഐഎസിലേക്ക് പോയ ചിലര് റിയാസുമായി ബന്ധപ്പെട്ടതായി ചോദ്യം ചെയ്യലില് എന്ഐഎക്ക് വിവരം ലഭ്യമായിട്ടുണ്ട്. ശ്രീലങ്കയ്ക്ക് പിന്നാലെ കേരളത്തിലും ചാവേര് ആക്രമണത്തിന് റിയാസ് പദ്ധതി ഇട്ടിരുന്നതായി എന്ഐഎ വ്യക്തമാക്കി. ശ്രീലങ്കന് സ്ഫോടനത്തിന്റെ ആസൂത്രകന് സഹ്റാന് ഹാഷിമിന്റെ ആരാധകന് ആയിരുന്നു റിയാസെന്നും എന്ഐഎ വ്യക്തമാക്കി. റിയാസിനെ നാളെ കൊച്ചിയിലെ എന്ഐഎ കോടതിയില് ഹാജരാക്കും.
പാലക്കാട് സ്വദേശി റിയാസിനെ കൊച്ചിയില് നിന്നുമാണ് അറസ്റ്റ് ചെയ്തത്. എന്ഐഎ ആണ് പാലക്കാട് സ്വദേശിയായ റിയാസിന്റെ അറസ്റ്റ് രേഖപ്പെടുത്തിയത്. റിയാസിനെയും കാസര്ഗോഡ് സ്വദേശികളായ രണ്ട് പേരെയും എന്ഐഎ ചോദ്യം ചെയ്ത് വരികയായിരുന്നു. കഴിഞ്ഞ ദിവസമാണ് ഇവരെ കസറ്റഡിയിലെടുത്തത്. ശേഷമാണ് പാലക്കാട് സ്വദേശിയുടെ അറസ്റ്റ് രേഖപ്പെടുത്തിയത്. ശ്രീലങ്കയില് നടന്ന ഭീകരാക്രമണവുമായി ഇവര്ക്ക് നേരിട്ട് ബന്ധമില്ലെന്ന് എന്ഐഎ വ്യക്തമാക്കിയിരുന്നു. എന്നാല് കേരളത്തില് നിന്ന് സിറിയയിലേക്കും അഫ്ഗാനിസ്ഥാനിലേക്കും ആളുകളെ പോയതുമായി ബന്ധപ്പെട്ട് ഇവര്ക്ക് ബന്ധമുള്ളതായി എന്ഐഎയുടെ അന്വേഷണത്തില് നിന്ന് കണ്ടെത്തി.
https://www.facebook.com/Malayalivartha
