വര്ഷങ്ങള്ക്ക് ശേഷം വിനോദ സിനിമ കാണാന് ഗവര്ണര് കുടുംബസമേതമെത്തി
തിരുവനന്തപുരം: അന്താരാഷ്ട്ര ബാലചലച്ചിത്രമേളയുടെ സമാപന ദിവസമായ ഇന്നലെ കുട്ടികള്ക്കൊപ്പം സിനിമ കാണാന് ഗവര്ണര് പി. സദാശിവം എത്തി. കലാഭവന് തിയേറ്ററില് ഭാര്യ സരസ്വതി സദാശിവത്തിനൊപ്പം അദ്ദേഹം അക്വാമാന് എന്ന ത്രീ ഡി ചിത്രം കണ്ടു. മേളയുടെ ഉദ്ഘാടന, സമാപന ചടങ്ങുകളിലേക്ക് അദ്ദേഹത്തെ ക്ഷണിച്ചിരുന്നെങ്കിലും ഔദ്യോഗിക തിരക്കുകള് കാരണം എത്താന് കഴിഞ്ഞിരുന്നില്ല.
ഭാവിതലമുറയുടെ ഒരു പരിച്ഛേദമാണ് ഇൗ മേളയില് കാണാന് കഴിഞ്ഞതെന്ന് ഗവര്ണര് പറഞ്ഞു. മേള ഇന്ന് അവസാനിക്കുമെങ്കിലും ഇവിടെ പ്രദര്ശിപ്പിച്ച സിനിമകള് നല്കുന്ന സന്ദേശം എന്നും കുട്ടികളുടെ മനസ്സിലുണ്ടാകുമെന്നും അദ്ദേഹം പറഞ്ഞു. വിവിധ സാമൂഹ്യസാഹചര്യങ്ങളില് നിന്നുള്ള കുട്ടികള് മേളയുടെ ഭാഗമായതായി അറിയാന് കഴിഞ്ഞു. അത് വളരെ സന്തോഷമുള്ള കാര്യമാണ്. 10 വര്ഷങ്ങള്ക്ക് ശേഷം ആദ്യമായാണ് ഒരു വിനോദ പരിപാടി ആസ്വദിക്കാന് കുടുംബസമേതം എത്തുന്നതെന്നും ഗവര്ണര് പറഞ്ഞു.
സംസ്ഥാന ശിശുക്ഷേമസമിതി ജനറല് സെക്രട്ടറി എസ്.പി ദീപക്, കെ.ടി.ഡി.സി ചെയര്മാന് എം. വിജയകുമാര്, ട്രഷറര് രാധാകൃഷ്ണന്, വൈസ്പ്രസിഡന്റ് അഴീക്കോടന് ചന്ദ്രന്, എക്സിക്യൂട്ടീവ് അംഗങ്ങളായ ആര്. രാജു, പശുപതി, ഒ. എം ബാലകൃഷ്ണന്, ജോയിന്റ് സെക്രട്ടറി പി.എസ് ഭാരതി, തുടങ്ങിയവരും ഗവര്ണര്ക്കൊപ്പം ഉണ്ടായിരുന്നു. നിറഞ്ഞ സദസ്സിലായിരുന്നു സിനിമ പ്രദര്ശിപ്പിച്ചത്. സീറ്റ് കിട്ടാതെ പല കുട്ടികളും നിരാശരായി മടങ്ങി.
https://www.facebook.com/Malayalivartha
