മുന്നറിയിപ്പ് അവഗണിച്ച് നീങ്ങിയ മത്സ്യബന്ധന ബോട്ടിലേക്ക് കോസ്റ്റ് ഗാര്ഡ് വെടിവെച്ചു, രണ്ട് പേര്ക്ക് പരുക്ക്
നിര്ത്താനുള്ള മുന്നറിയിപ്പ് അവഗണിച്ച് നീങ്ങിയ മത്സ്യബന്ധന ബോട്ടിലേക്ക് കോസ്റ്റ് ഗാര്ഡ് വെടിവെച്ചു. വെടിവെപ്പില് രണ്ട് മത്സ്യത്തൊഴിലാളികള്ക്ക് പരിക്കേറ്റു. തമിഴ്നാട് സ്വദേശികളായ സുബിന് ജഗദീഷ്കുമാര് (30), ക്ളിന്റണ് (30) എന്നിവര്ക്കാണ് പരിക്ക്. തിങ്കളാഴ്ച വൈകീട്ട് വിഴിഞ്ഞം ബീമാപള്ളിയില്നിന്ന് എട്ട് നോട്ടിക്കല് മൈല് അകലെയാണ് സംഭവം. പരിക്കേറ്റവരെ മെഡിക്കല് കോളജ് ആശുപത്രിയിലത്തെിച്ചു.
സുബിന് വലതുകാലിലും ക്ളിന്റണ് വലതുകൈയിലുമാണ് വെടിയേറ്റത്.
സംഭവത്തെ തുടര്ന്ന് ബോട്ടും അതിലുള്ളവരെയും കോസ്റ്റ് ഗാര്ഡ് കസ്റ്റഡിയിലെടുത്ത് വിഴിഞ്ഞം പുതിയ വാര്ഫിലത്തെിച്ചു ചോദ്യം ചെയ്തു. കന്യാകുമാരിക്ക് സമീപം മണല്ക്കരയില്നിന്ന് മടങ്ങിയ \'ഋഷിക\' എന്ന ബോട്ടിന് നേര്ക്കാണ് വെടിയുതിര്ത്തത്. കുളച്ചല് ഭാഗത്തുനിന്ന് മത്സ്യബന്ധനം നടത്തി പിടിച്ച ലക്ഷങ്ങള് വിലവരുന്ന മത്സ്യം കൊല്ലത്ത് വില്പനക്കായി കൊണ്ടുവരുകയായിരുന്നുവെന്ന് ബോട്ടുമായി ബന്ധപ്പെട്ടവര് പറഞ്ഞു. തീവ്രവാദ ആക്രമണഭീഷണിയുടെ പശ്ചാത്തലത്തില് കഴിഞ്ഞ ഏതാനും ദിവസങ്ങളായി ശക്തമായ പട്രോളിങ് നടത്തുന്നുണ്ട്. സി 134 എന്ന ബോട്ടില് കോസ്റ്റ് ഗാര്ഡ് പട്രോളിങ് നടത്തുന്നതിനിടെയാണ് ബോട്ട് പരിശോധനക്കായി നിര്ത്താനാവശ്യപ്പെട്ടതെന്ന് കോസ്റ്റല് പൊലീസ് പറഞ്ഞു. നിര്ത്താതെ പോയതോടെ ബോട്ടിനെക്കുറിച്ച് സംശയമുയര്ന്നു. തുടര്ന്ന് പട്രോള് ബോട്ട് പിന്തുടരുകയായിരുന്നു. കുറേ നേരത്തെ പിന്തുടരലിനുശേഷം കോസ്റ്റ് ഗാര്ഡ് ബോട്ടില്നിന്ന് മുന്നറിയിപ്പ് സൈറണും അനൗണ്സ്മെന്റും നല്കി. തുടര്ന്ന് മുന്നറിയിപ്പ് സൂചിപ്പിച്ച് ആകാശത്തേക്ക് വെടിയുതിര്ത്തുവെന്ന് പൊലീസ് അധികൃതര് പറഞ്ഞു. ഇതിനുശേഷവും നിര്ത്താതെ പോയതോടെയാണ് ബോട്ടിന് നേര്ക്ക് വെടിവെച്ചതെന്നാണ് കോസ്റ്റല് പൊലീസ് അധികൃതര് വിശദീകരിക്കുന്നത്. സംഭവം നടക്കുമ്പോള് രണ്ടു പേരൊഴികെ മറ്റെല്ലാവരും ഉറങ്ങുകയായിരുന്നു. ബോട്ടിന്റെ കാബിനിലും മറ്റും വെടിയേറ്റതിന് സമാനമായ പാടുകളുണ്ട്. ബോട്ടിന്റെ അടിഭാഗത്തും വെടിയേറ്റ പാടുകളുള്ളതായി സംശയിക്കുന്നതായി കോസ്റ്റല് പൊലീസ് അധികൃതര് പറഞ്ഞു. 10 റൗണ്ട് വെടിയുതിര്ത്തതായാണ് വിവരം. മതിയായ രേഖകള് ഇല്ലാത്തതിനാല് ഭീതി മൂലമാണ് ഇവര് ബോട്ട് നിര്ത്താതെ പോയതെന്നാണ് അധികൃതരുടെ വിശദീകരണം. ഈ ബോട്ട് ഏതാനും മാസം മുമ്പ് പിടികൂടി പിഴ ഈടാക്കിയിരുന്നെന്ന് പൊലീസ് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
