ആലഞ്ചേരി സിനിമാസിന്റെയും ആക്ടേഴ്സ് ഫാക്ടറി പ്രൊഡക്ഷൻസിന്റെയും ബാനറിൽ സിറിയക് ആലഞ്ചേരി നിർമ്മിച്ച്, സന്തോഷ് ഇടുക്കി രചനയും സംവിധാനവും നിർവഹിക്കുന്ന പുതിയ ചിത്രമാണ് 'പൈറേറ്റ്സ് ഓഫ് ഇടുക്കി'. ചിത്രം വരുന്ന സെപ്റ്റംബർ നാലിന് തിയേറ്ററുകളിലെത്തും. റിലീസിംഗ് ഡേറ്റ് ഔദ്യോഗികമായി പ്രഖ്യാപിച്ചുകൊണ്ടുള്ള പുതിയ പോസ്റ്റർ അണിയറപ്രവർത്തകർ പുറത്തിറക്കിയിട്ടുണ്ട്.

ഇടുക്കിയുടെ പശ്ചാത്തലത്തിൽ ഒരു സമ്പന്ന കുടുംബത്തിലെ ദുരൂഹതകളാണ് ഈ ചിത്രത്തിലൂടെ സന്തോഷ് ഇടുക്കി പ്രേക്ഷകർക്ക് മുന്നിൽ അവതരിപ്പിക്കുന്നത്. ഏറെ ശ്രദ്ധ നേടിയ 'കൂടോത്രത്തിനു' ശേഷം സന്തോഷ് ഇടുക്കി തിരക്കഥയെഴുതി സംവിധാനം ചെയ്യുന്ന ചിത്രം എന്ന നിലയിലും 'പൈറേറ്റ്സ് ഓഫ് ഇടുക്കി'ക്ക് ഏറെ പ്രത്യേകതകളുണ്ട്.

ശ്രീജിത്ത് രവി, സിറിയക് ആലഞ്ചേരി, രവീന്ദ്രൻ കീരിത്തോട്, അനുരാജ് ശിവഗിരി, ജോബി കുന്നത്തുംപാറ, ബിജു തോപ്പൻ, അഭിലാഷ് വിദ്യാസാഗർ, അനീഷ് അബ്രഹാം, സാരംഗ് മാത്യു, ബിജു വൈദ്യൻ, അനിൽ കാളിദാസൻ, കെ.വി. രാജു, സജി, ജോമോൻ പാറയിൽ, അജീഷ് ചില്ലിസ്, ജോമി വെൺമണി, സി.കെ. രാജു, സണ്ണി പനയ്ക്കൽ, ലിബിയ ഷോജൻ, ജിൻസി ജിസ്ബിൻ, ജയ, ഫ്രാൻസിൽ നിന്നുള്ള വാലന്റീന തുടങ്ങി ഒട്ടനവധി താരങ്ങൾ ചിത്രത്തിൽ അണിനിരക്കുന്നുണ്ട്.

കിങ്ങൻ ജിതിൻ ക്യാമറ ചലിപ്പിക്കുന്ന ചിത്രത്തിന്റെ പശ്ചാത്തല സംഗീതം ഒരുക്കിയിരിക്കുന്നത് റോണി റാഫേലാണ്. ജ്യോതിഷ് കുമാർ എഡിറ്റിങ്ങും, ജയ്സൺ ജോൺ സംഗീതവും സൗണ്ട് ഡിസൈനും നിർവഹിക്കുന്നു. ഷിബു അടിമാലി, അജയ് കീഴില്ലം എന്നിവരാണ് കലാസംവിധാനം. സേതു അടൂർ പ്രൊഡക്ഷൻ കൺട്രോളറും, പൗലോസ് കുറുമറ്റം പ്രൊഡക്ഷൻ എക്സിക്യൂട്ടീവുമായ ചിത്രത്തിന്റെ മേക്കപ്പ് പട്ടണം ഷാ, അരവിന്ദ് ഇടുക്കി എന്നിവരും കോസ്റ്റ്യൂംസ് ബിനുവും കൈകാര്യം ചെയ്യുന്നു.

ചീഫ് അസോസിയേറ്റ് ഡയറക്ടർ: സാജൻ കല്ലായി, അസോസിയേറ്റ് ഡയറക്ടർ: ജിഷ്ണു രാധാകൃഷ്ണൻ, സ്റ്റിൽസ്: രാജീവ് അഴിയൂർ, പബ്ലിസിറ്റി ഡിസൈൻ: ഷിനോജ് സൈൻ. ശുഭശ്രീ സ്റ്റുഡിയോസ് തിയേറ്ററുകളിൽ എത്തിക്കുന്ന ഈ ചിത്രത്തിന്റെ പി.ആർ.ഒ വാഴൂർ ജോസാണ്.