വിവിധ ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചു
കനത്ത മഴ തുടരുന്ന പശ്ചാത്തലത്തില് പത്തനംതിട്ട, മലപ്പുറം, ആലപ്പുഴ, കോഴിക്കോട്, തൃശൂര്, കോട്ടയം ജില്ലകളില് വിദ്യാഭ്യാസ സ്ഥാപനങ്ങള്ക്ക് നാളെ (ചൊവ്വാഴ്ച) അവധി പ്രഖ്യാപിച്ചു. കണ്ണൂരില് മൂന്നു താലൂക്കുകളിലും ഇടുക്കിയിലും വയനാട്ടിലും ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും നാളെ അവധിയായിരിക്കും. കനത്ത മഴയും പ്രളയ ബാധിത ക്യാമ്പുകള് സ്കൂളുകളില് പ്രവര്ത്തിക്കുന്നതിനാലുമാണ് പത്തനംതിട്ടയില് അവധി പ്രഖ്യാപിച്ചതെന്ന് ജില്ലാ കളക്ടര് അറിയിച്ചു.
പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും മദ്രസകള്, ട്യൂഷന് സെന്ററുകള്, അങ്കണവാടികള് എന്നിവയ്ക്കും അവധിയായിരിക്കും. എന്നാല് മുന്കൂട്ടി നിശ്ചയിച്ച യൂണിവേഴ്സിറ്റി , പി.എസ്.സി പരീക്ഷകള് എന്നിവയ്ക്ക് മാറ്റമില്ല. ഓണ്ലൈന് ക്ലാസുകള് നടത്തുന്നതിന് അവധി ബാധകമല്ല.
https://www.facebook.com/Malayalivartha
