കാരക്കുടിയില് പുതിയ ലുക്കിലെത്തി മമ്മൂട്ടി
നിതീഷ് സഹദേവ് സംവിധാനം ചെയ്യുന്ന മമ്മൂട്ടി കമ്പനി പ്രൊഡക്ഷന്റെ ഒന്പതാം ചിത്രത്തില് ജോയിന് ചെയ്ത് നടന് മമ്മൂട്ടി. താരം തന്നെയാണ് ചിത്രങ്ങള് പങ്കുവച്ച് സമൂഹമാദ്ധ്യമത്തിലൂടെ ഇക്കാര്യം അറിയിച്ചത്. കാരക്കുടിയില് ചിത്രീകരണം പുരോഗമിക്കുന്ന ചിത്രം ജൂലായ് 28നാണ് ആരംഭിച്ചത്.
ധനുഷിനൊപ്പം തുല്യ പ്രാധാന്യമുള്ള വേഷം അവതരിപ്പിക്കുന്ന ഓം പൂര്ത്തിയാക്കിയശേഷമാണ് മമ്മൂട്ടി എത്തിയത്. 50 ദിവസത്തെ ചിത്രീകരണം ആണ് കാരക്കുടിയില് നടക്കുന്നത്. സെപ്തംബര് പകുതി വരെ കാരക്കുടിയില് ചിത്രീകരണം തുടരും. ജീന് പോള് ലാല്, സിദ്ധാര്ത്ഥ് ഭരതന് എന്നിവരും നിരവധി പുതുമുഖങ്ങളും ചിത്രത്തില് അണിനിരക്കുന്നു.
100 ദിവസത്തെ ചിത്രീകരണം പ്ളാന് ചെയ്യുന്ന ചിത്രത്തിന് എറണാകുളത്തും ചിത്രീകരണമുണ്ട്. കോമഡി എന്റര്ടെയ്നറാണ്. നിതീഷ് സഹദേവും അനുരാജ് ഒ.ബിയും ചേര്ന്നാണ് രചന. ജിംഷി ഖാലിദ് ഛായാഗ്രഹണം നിര്വഹിക്കുന്നു. വിഷ്ണു വിജയ് ആണ് സംഗീതം. പ്രൊഡക്ഷന് കണ്ട്രോളര് അരോമ മോഹന്. കളങ്കാവല് എന്ന ബ്ളോക് ബസ്റ്റര് ചിത്രത്തിനുശേഷം മമ്മൂട്ടി കമ്പനി നിര്മ്മിക്കുന്ന ചിത്രം മാസ് എന്റര്ടെയ്നറാണ്. മമ്മൂട്ടി കമ്പനി നിര്മ്മിക്കുന്ന ഏറ്റവും ചെലവേറിയ ചിത്രംകൂടിയാണിത്.
https://www.facebook.com/Malayalivartha
