അവധികഴിഞ്ഞു മടങ്ങവേ സൈനികന് ട്രെയിനില് നിന്നു വീണ് മരിച്ചു
ജമ്മു കശ്മീരില് 166 ബറ്റാലിയനില് ഹവില്ദാര് ആയ കറ്റാനം ഭരണിക്കാവ് തെക്ക് വിളയില് പടീറ്റതില് ഗോപാലക്കുറുപ്പിന്റെ മകന് വി.ജി.ഹരികുമാര് (43) അവധികഴിഞ്ഞു മടങ്ങവേ ട്രെയിനില് നിന്നും വീണ് മരിച്ചു.
ഒരു മാസത്തെ അവധിക്കുശേഷം ശനിയാഴ്ചയാണ് ഹരികുമാര് കേരള എക്സ്പ്രസില് യാത്ര തിരിച്ചത്.
തിങ്കളാഴ്ച ഉച്ചയോടെ ഭോപ്പാല് റെയില്വേ സ്റ്റേഷന് അടുത്തു വെച്ച് ട്രെയിനില് നിന്നും വീണ് മരിച്ചു എന്നാണ് ഭോപ്പാലില് നിന്ന് റെയില്വേ പോലീസ് വള്ളികുന്നം പോലീസ് സ്റ്റേഷനില് അറിയിച്ചത്.
തിങ്കളാഴ്ച രാവിലെ വീടിനടുത്തുള്ള മധുസൂദനന് എന്ന സുഹൃത്തിനെ ട്രെയിനില് നിന്നും ഹരികുമാര് വിളിച്ചിരുന്നു.
ചൊവ്വാഴ്ച ജമ്മുവില് എത്തിയിട്ട് വീണ്ടും വിളിക്കാമെന്ന് പറഞ്ഞാണ് സംഭാഷണം അവസാനിപ്പിച്ചത്. എന്നാല് അല്പസമയത്തിനകം അപകടം സംഭവിക്കുകയായിരുന്നു.
സംസ്കാരം പിന്നീട്. മൃതദേഹം നാട്ടിലെത്തിക്കാനുള്ള ശ്രമങ്ങള് ആരംഭിച്ചു.
https://www.facebook.com/Malayalivartha
