ആഗോളതാപനവും കാലാവസ്ഥാ വ്യതിയാനവും സൃഷ്ടിക്കുന്ന ഭീഷണികൾ നാം കേട്ടുപഴകിയതാണെങ്കിലും, ഐക്യരാഷ്ട്രസഭ (യുഎൻ) അടുത്തിടെ പുറത്തുവിട്ട റിപ്പോർട്ട് നൽകുന്ന മുന്നറിയിപ്പ് കേവലം ഒരു ആകുലതയല്ല, മറിച്ച് നമ്മുടെ തൊട്ടുമുന്നിൽ നിൽക്കുന്ന ദുരന്തത്തിന്റെ വെളിപ്പെടുത്തലാണ്. കൊൽക്കത്ത, മുംബൈ, ബംഗ്ലദേശിലെ ധാക്ക തുടങ്ങി ദക്ഷിണേഷ്യൻ നഗരങ്ങളിലെ ദശലക്ഷക്കണക്കിന് മനുഷ്യർ തങ്ങളുടെ വീടും കിടപ്പാടവും എന്നെന്നേക്കുമായി സമുദ്രത്തിന് അടിയറവ് വയ്ക്കേണ്ടി വരുമെന്ന ഘട്ടത്തിലാണ്.

'സമുദ്രനിരപ്പ് ഉയർച്ചയുടെ വെല്ലുവിളികളും അവയെ നേരിടാനുള്ള വഴികളും' എന്ന പേരിൽ യുഎൻ സെക്രട്ടറി ജനറൽ സമർപ്പിച്ച റിപ്പോർട്ട് പ്രകാരം, ദക്ഷിണേഷ്യൻ ഡെൽറ്റകളിൽ മാത്രം 1.4 കോടിയിലധികം ആളുകൾ പെട്ടെന്നുള്ള പ്രളയവും തീരങ്ങൾ സമുദ്രത്തിനടിയിലാകുന്നതും മൂലം ആവാസവ്യവസ്ഥയിൽ നിന്ന് എന്നെന്നേക്കുമായി മാറ്റിസ്ഥാപിക്കാൻ സാധ്യതയുണ്ട്.

സമുദ്രനിരപ്പിൽ കുതിപ്പ്, ഇന്ത്യയിലെ ഉൾപ്പെടെ 3 നഗരങ്ങൾ മുങ്ങും, 1.4 കോടി മനുഷ്യർ ഭീതിയിൽ; മുന്നറിയിപ്പുമായി യുഎൻ

∙ മുന്നിലുള്ളത് മഹാദുരന്തംആഗോളതലത്തിൽ സമുദ്രനിരപ്പ് ഉയരുന്നത് ഏത് കാലഘട്ടത്തെക്കാളും വേഗത്തിലാണ്. 2014നും 2023നും ഇടയിൽ പ്രതിവർഷം ശരാശരി 4.7 മില്ലീമീറ്റർ എന്ന നിരക്കിലാണ് കടൽനിരപ്പ് ഉയർന്നതെങ്കിൽ, 2024ൽ അത് റെക്കോർഡ് വേഗമായ 5.9 മില്ലീമീറ്ററിലെത്തി. സമുദ്രജലത്തിന്റെ അസാധാരണമായ ചൂടുപിടിക്കലും ധ്രുവപ്രദേശങ്ങളിലെയും പർവതങ്ങളിലെയും മഞ്ഞുമലകളുടെ ദ്രുതഗതിയിലുള്ള ഉരുകലുമാണ് ഈ പ്രതിഭാസത്തിന് കാരണം.

ആഗോള ജനസംഖ്യയുടെ 10 ശതമാനത്തോളം, അതായത് ഏകദേശം 77 കോടി ആളുകൾ, ഉയർന്ന വേലിയേറ്റ രേഖയിൽ നിന്ന് അഞ്ച് മീറ്ററിൽ താഴെ മാത്രം ഉയരമുള്ള തീരദേശ മേഖലകളിലാണ് ജീവിക്കുന്നത്. കാലാവസ്ഥാ വ്യതിയാനം ഇതിനകം തന്നെ ഭൂമിയിൽ വരുത്തിവച്ച മാറ്റങ്ങൾ കാരണം 2050 വരെ സമുദ്രനിരപ്പ് ഉയരുന്നതിന്റെ വേഗം തുടരുമെന്ന് റിപ്പോർട്ട് അടിവരയിടുന്നു.

രക്ഷാപ്രവർത്തനത്തിന് ഇനി പാറ്റകളും; ക്യാമറയും മരുന്നുകളുമായി സൈബോർഗ് പ്രാണികൾ

∙ വ്യത്യസ്ത ലോകങ്ങൾ, വ്യത്യസ്ത ഭീഷണികൾകടൽ കയറ്റത്തിന്റെ പ്രഹരം ലോകത്തിന്റെ വിവിധ ഭാഗങ്ങളിൽ വ്യത്യസ്ത രീതിയിലാണ് അനുഭവപ്പെടുന്നത്. മയാമി, ന്യൂയോർക്ക്, ചൈനയിലെ ഗുവാങ്ഷൂ തുടങ്ങിയ സമ്പന്ന നഗരങ്ങളിൽ കടലെടുക്കുന്നത് അടിസ്ഥാന സൗകര്യങ്ങളെയും ശതകോടികളുടെ ആസ്തികളെയുമാണ്. 2 ട്രില്യൻ മുതൽ 3.5 ട്രില്യൻ ഡോളർ വരെയുള്ള സാമ്പത്തിക നഷ്ടമാണ് ഈ മേഖലകളിൽ പ്രവചിക്കപ്പെടുന്നത്. എന്നാൽ കൊൽക്കത്തയും മുംബൈയും ധാക്കയും ഉൾപ്പെടുന്ന ദക്ഷിണേഷ്യൻ മേഖലകളിൽ ഭീഷണി പണത്തിനപ്പുറം മനുഷ്യജീവനുകളെ തന്നെയാണ് ബാധിക്കുന്നത്. കോടിക്കണക്കിന് മനുഷ്യരുടെ തദ്ദേശീയമായ കുടിയൊഴിപ്പിക്കലാണ് ഇവിടെ സംഭവിക്കാൻ പോകുന്നത്.

അതുകൊണ്ടുതന്നെ, തീരദേശ ഭീഷണികളെ വെറും സാമ്പത്തിക നഷ്ടത്തിന്റെ കണക്കുകളിൽ മാത്രം അളക്കാതെ, വീട് നഷ്ടപ്പെടുന്ന മനുഷ്യരുടെ എണ്ണത്തിന് മുൻഗണന നൽകി വേണം വിലയിരുത്തലുകൾ നടത്താൻ എന്ന് യുഎൻ നിർദേശിക്കുന്നു.

കിലോയ്ക്ക് 20 ലക്ഷം, സ്വര്‍ണത്തേക്കാൾ വില, കിട്ടാനില്ല; ചൈനീസ് ലൈംഗിക ഉത്തേജക മരുന്നിലെ രഹസ്യക്കൂട്ട്!

∙ കുടിവെള്ളത്തിനും ആരോഗ്യത്തിനും മേലുള്ള കടന്നുകയറ്റംകടൽ കയറുന്നത് നഗരങ്ങളെ മുക്കുക മാത്രമല്ല ചെയ്യുന്നത്, അത് ഒരു പ്രദേശത്തിന്റെ ആവാസവ്യവസ്ഥയെ ഒന്നാകെ വിഷമയമാക്കുന്നു. സമുദ്രത്തിലെ ഉപ്പുവെള്ളം കരയിലേക്ക് കയറുന്നതോടെ ശുദ്ധജല സ്രോതസ്സുകളും ഭൂഗർഭ ജലശേഖരങ്ങളും ഉപ്പുമയമായി മാറുന്നു. പ്രകൃതി ദുരന്തങ്ങൾ ഉണ്ടാകുമ്പോൾ ഉയരുന്ന കൂറ്റൻ തിരമാലകൾ കാർഷിക ആവശ്യങ്ങൾക്കും കുടിവെള്ളത്തിനുമുള്ള സ്രോതസ്സുകളെ ദീർഘകാലത്തേക്ക് ഉപയോഗശൂന്യമാക്കുന്നു.

തീരദേശങ്ങളിലെ ശുചിത്വ-ആരോഗ്യ സംവിധാനങ്ങൾ തകരുന്നതോടെ ജലജന്യ രോഗങ്ങൾ പടർന്നുപിടിക്കാനുള്ള സാധ്യത വളരെ കൂടുതലാണ്. കൂടാതെ, വീടും ഉപജീവനവും നഷ്ടപ്പെടുന്ന ജനത നേരിടേണ്ടി വരുന്ന മാനസിക സമ്മർദം ചെറുതല്ല. ചെറുകിട മത്സ്യത്തൊഴിലാളികൾ, ടൂറിസം മേഖലയെ ആശ്രയിക്കുന്നവർ, തുറമുഖ തൊഴിലാളികൾ എന്നിവരാണ് ഇതിന്റെ ആദ്യ ഇരകൾ.

∙ നാളെക്കായി എന്ത് ചെയ്യണം?കടൽനിരപ്പ് ഉയരുന്നത് പെട്ടെന്ന് തടഞ്ഞുനിർത്താൻ കഴിയുന്ന ഒന്നല്ല. അത് ദശാബ്ദങ്ങളോളം നീണ്ടുനിൽക്കുന്ന ഒന്നായതിനാൽ, ഉടനടിയുള്ളതും ദീർഘകാല അടിസ്ഥാനത്തിലുള്ളതുമായ അതിജീവന പദ്ധതികൾ രൂപീകരിക്കേണ്ടതുണ്ട്.

1. നദി-സമുദ്ര നിയന്ത്രണ നയങ്ങൾ: നദീതടങ്ങൾ, ശുദ്ധജല സ്രോതസ്സുകൾ, തീരദേശങ്ങൾ എന്നിവയെ കോർത്തിണക്കിക്കൊണ്ടുള്ള ശാസ്ത്രീയമായ ഭൂവിനിയോഗ ആസൂത്രണം ഉണ്ടാകണം.

2. ആഗോള സഹായവും സാമ്പത്തിക പിന്തുണയും: വികസ്വര രാജ്യങ്ങൾക്കും ദുർബലമായ തീരദേശ സമൂഹങ്ങൾക്കും ആവശ്യമായ സാങ്കേതിക വിദ്യയും കൃത്യമായ ധനസഹായവും ലഭ്യമാക്കാൻ രാജ്യാന്തര സമൂഹം മുന്നോട്ട് വരണം.

3. മുൻകൂട്ടിയുള്ള ദുരന്തനിവാരണം: തീര സംരക്ഷണ ഭിത്തികൾ, കണ്ടൽക്കാടുകളുടെ പുനഃസൃഷ്ടി, ശാസ്ത്രീയമായ പ്രളയ പ്രതിരോധ സംവിധാനങ്ങൾ എന്നിവ അടിയന്തരമായി നടപ്പിലാക്കണം.