വേദനയോടെ രാജസേനന്... ആളുകള് കൂവുന്ന അവസ്ഥയില് നിന്നാണ് ഞാന് 16 സിനിമകളിലൂടെ ഇവിടെ പ്രതിഷ്ഠിച്ചത്; ഞങ്ങള് തമ്മില് മാനസികമായി ചില പ്രശ്നങ്ങള് ഉണ്ടായി; ജയറാമുമായി അടിച്ച് പിരിഞ്ഞതിന്റെ കാരണം വ്യക്തമാക്കി ജനപ്രിയ സംവിധായകന് രാജസേനന്
മലയാള സിനിമാ പ്രേമികള് എക്കാലവും ഓര്ക്കുന്ന ഹിറ്റ് സിനിമകള് സംഭാവന ചെയ്ത കൂട്ടുകെട്ടാണ് ജയറാം രാജസേനന് സിനിമകള്. കുടുംബ പ്രേക്ഷകരെ കുടുകുടെ ചിരിപ്പിച്ച് അല്പം കണ്ണീരൊക്കെയായി സംതൃപ്തിയോടെ തീയറ്റര് വിടാന് പറ്റുന്ന അവസ്ഥ.
ആ കൂട്ടുകെട്ടില് ഉണ്ടായ മേലേപ്പറമ്പില് ആണ്വീട്, സി.ഐ.ഡി ഉണ്ണികൃഷ്ണന്, കടിഞ്ഞൂല് കല്യാണം, അനിയന്ബാവ ചേട്ടന്ബാവ, ആദ്യത്തെ കണ്മണി തുടങ്ങിയ ചിത്രങ്ങള്ക്കെല്ലാം തന്നെ ഇന്നും പ്രേക്ഷക മനസില് സ്ഥാനമുണ്ട്. ജയറാം എന്ന നടന് മലയാളസിനിമയില് സൂപ്പര്താര പരിവേഷം നേടികൊടുത്ത ചിത്രങ്ങളായിരുന്നു ഇവയെല്ലാം തന്നെ. എന്നാല് പിന്നീട് ഇരുവരും അകലുന്ന കാഴ്ചയ്ക്കും മലയാള സിനിമ സാക്ഷ്യം വഹിച്ചു. അതിനു പിന്നിലെ കാരണമെന്തെന്ന് രാജസേനന് തന്നെ വ്യക്തമാക്കുകയുണ്ടായി. ഒരു ചാനലിന് നല്കിയ അഭിമുഖത്തിലവായിരുന്നു രാജസേനന് മനസു തുറന്നത്.
എവിടെയൊക്കെയോ ഞങ്ങള് തമ്മില് മാനസികമായി ചില പ്രശ്നങ്ങള് ഉണ്ടായി. ചില പിന്തിരിപ്പന് ശക്തികള് പ്രവര്ത്തിച്ചു തുടങ്ങി എന്നു പറയണം. ജയറാമിനാണത്. എന്നെ സംബന്ധിച്ചിടത്തോളം അത്തരം പ്രശ്നങ്ങള് ഒന്നുമില്ല. ജയറാമിനെന്തൊക്കെയോ തെറ്റായ ധാരണകളുണ്ടായിരുന്നു. ഫോണില് കൂടി കഥ പറഞ്ഞ്, ആ കഥകേട്ട് മാത്രം വന്ന് അഭിനയിച്ച സിനിമകളായിരുന്നു ഈ പതിനാറും. ഇപ്പോള് അങ്ങനെയല്ല, മറ്റു പലരും ചെയ്യുന്ന പോലെയൊക്കെ ജയറാമും ആവശ്യമില്ലാത്ത ഇടപെടലുകള് തുടങ്ങി.
എന്റെ കൈയിലേക്ക് ഒരു സ്റ്റാറിനെ കിട്ടിയാല് അയാള് എങ്ങനെ ആകുമെന്നത് ജയറാമിനെ കണ്ടാല് മാത്രം മനസിലാകും. ജയറാമിന്റെ ഏറ്റവും മോശം അവസ്ഥയില്, ജയറാമിനെ വച്ച് കടിഞ്ഞൂല് കല്യാണം ചെയ്യുമ്പോള് തിയേറ്ററില് പുള്ളിയെ കണ്ടാല് കൂവും, പുള്ളിക്ക് സിനിമകളില്ല, സിനിമാ ഇന്ഡസ്ട്രി മുഴുവന് ശത്രുക്കളാണ് ആ സമയത്ത്. ആ ആളിനെയാണ് ഞാന് ഇത്രയും വര്ഷം 16 സിനിമകളി കൂടി ഇവിടെ പ്രതിഷ്ഠിച്ചതെന്നും ജയറാം പറഞ്ഞു.
അതേസമയം ജയറാം എന്ന നായകനെ വിജയിപ്പിച്ചത് രാജസേനനാണോ, രാജസേനന് എന്ന സംവിധായകനെ വിജയിപ്പിച്ചത് ജയറാമാണോ എന്ന് ചോദിച്ചാല് ഉത്തരം പറയാന് ബുദ്ധിമുട്ടാണ്. എങ്ങനെയായാലും രണ്ട് പേരും വിജയിച്ചു. പക്ഷെ മധു ചന്ദ്രലേഖ, കനക സിംഹാസനം എന്നീ ചിത്രങ്ങളുടെ പരാജയം വരെ മാത്രമേ ആ സൗഹൃദം ഉണ്ടായിരുന്നുള്ളു. പിന്നീട് ഇരുവരും പിരിയുകയായിരുന്നു.
ജയറാം തന്നെ അവഗണിക്കുന്നു എന്നാണ് ഇതേ കുറിച്ച രാജസേനന് പറയുന്നത്. താന് വിളിച്ചാല് ഫോണ് എടുക്കാന് പോലും ജയറാം തയ്യാറാകുന്നില്ലെന്നും രാജസേനന് മുമ്പ് പറഞ്ഞു. ജയറാമിനെ നായകനാക്കി ഒരുക്കാന് അഞ്ച് കഥയുമായി രാജസേനന് കാത്തിരുന്നു. പക്ഷെ കഥ കേള്ക്കാന് പോയിട്ട് വിളിച്ചാല് ഫോണ് എടുക്കാന് പോലും ജയറാം തയ്യാറായില്ല. തന്നെ കാണുമ്പോള് ജയറാം ഒഴിഞ്ഞു മാറുകയായിരുന്നു എന്ന് രാജസേനന് പറയുന്നു.
പണ്ടൊക്കെ രാജസേനന് വിളിച്ചാല് കഥപോലും കേള്ക്കാതെയാണ് ജയറാം അഭിനയിക്കാന് തയ്യാറായത്. സെറ്റിലിരിക്കുമ്പോള് ത്രഡുമാത്രം കേള്ക്കും. അപ്പോള് തന്നെ ജയറാം ഓകെ പറയും. എന്നാല് കഥ കേള്ക്കാന് ജയറാം നിര്ബന്ധം പിടിച്ചതോടെയാണ് തങ്ങള്ക്കിടയിലെ ബന്ധം താളം തെറ്റിയതെന്ന് രാജസേനന് പറഞ്ഞു. എന്തായാലും ജയറാം വിട്ടതോടെ രാജസേനന് പരാജയപ്പെട്ടു. ജയറാമിന്റെ അവസ്ഥയും ഏറെ കുറേ അങ്ങനെ തന്നെ.
https://www.facebook.com/Malayalivartha
