ഇത്രയ്ക്ക് പ്രതീക്ഷിച്ചില്ല... ലോക്സഭാ തെരഞ്ഞെടുപ്പില് നഷ്ടപ്പെട്ടുപോയ അയ്യപ്പ ഭക്തരെ തിരിച്ച് പിടിക്കാന് പോയ കോടിയേരി ബാലകൃഷ്ണനും നേതാക്കള്ക്കും കയ്പ്പേറിയ അനുഭം; ജനങ്ങളുടെ തെറ്റിദ്ധാരണ മാറ്റിയെന്ന് പറയുമ്പോള് ആദ്യം തെറ്റ് തിരുത്താന് ഉപദേശിച്ച് ഭക്തര്
ശബരിമല യുവതീ പ്രവേശന വിഷയത്തില് പാര്ട്ടിയും പോലീസും എടുത്ത നിലപാടില് ഇപ്പോള് പാര്ട്ടി ശരിക്കും വെള്ളം കുടിക്കുകയാണ്. സുപ്രീം കോടതി വിധി നടപ്പിലാക്കാനെന്നും പറഞ്ഞ് യുവതികളെ ഇരുട്ടിന്റെ മറവില് കയറ്റിയപ്പോള് ഈ തിരിച്ചടി ഒട്ടും പ്രതീക്ഷിച്ചില്ല. പള്ളികളിലും ഫ്ളാറ്റ് വിഷയത്തിലും ഇതേ സുപ്രീം കോടതിവിധി പലപ്രാവശ്യം വന്നിട്ടും സര്ക്കാര് സമവായത്തിനാണ് ശ്രമിച്ചത്. അയ്യപ്പ വിശ്വാസികളുടെ മേല് എന്തും ആകാമെന്ന വികാരം ഇതോടെ ഉയര്ന്നു വന്നു. ഇതോടെ ജനങ്ങള് തെറ്റിദ്ധരിച്ചെന്നാണ് പാര്ട്ടി നേതൃത്വം പറയുന്നത്. എന്നാല് ശരിയായ ധാരണയാണ് തങ്ങള്ക്കുള്ളതെന്ന് ജനങ്ങള് നേരിട്ട് പാര്ട്ടി സംസ്ഥാന സെക്രട്ടറി കോടിയേരി ബാലകൃഷ്ണന് ബാധ്യപ്പെടുത്തിക്കൊടുത്തു.
ലോക്സഭാ തെരഞ്ഞെടുപ്പിലെ കനത്ത തിരിച്ചടിക്കു പരിഹാരം തേടി സിപിഎം നടത്തുന്ന ഗൃഹസന്ദര്ശനത്തില് കോടിയേരി ബാലകൃഷ്ണനും മന്ത്രിമാരും അടക്കം നേതാക്കള് നേരിടുന്നത് ജനങ്ങളില് നിന്നുള്ള രൂക്ഷ വിമര്ശനം. ശബരിമലയില് വിശ്വാസികളുടെ മനസിനേറ്റ മുറിവ് അത്ര വേഗം ഉണങ്ങില്ലെന്ന പലരും ഇടതുനേതാക്കളോട് നേരിട്ട് അറിയിച്ചു. ഇതോടെ, ശബരിമല വിഷയത്തില് ജനവികാരം തിരിച്ചറിയാന് ഇടതുപക്ഷത്തിന് സാധിച്ചില്ലെന്ന കുറ്റസമ്മതവുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് രംഗത്തെത്തി. ശബരിമല വിഷയത്തില് ജനങ്ങള്ക്ക് പല തെറ്റിദ്ധാരണകളുമുണ്ടായിട്ടുണ്ടെന്ന് സിപിഎം സംസ്ഥാന വ്യാപകമായി നടത്തുന്ന ഭവന സന്ദര്ശനത്തില് നിന്നും ബോധ്യപ്പെട്ടിട്ടുണ്ടെന്നും ശബരിമല വിഷയത്തില് ജനവികാരം തിരിച്ചറിഞ്ഞുള്ള നടപടികള് ഇടതുപക്ഷത്തില് നിന്നുമുണ്ടായില്ലെന്ന് കോടിയേരി മാധ്യമങ്ങളോട് പറഞ്ഞു.
ശബരിമലയില് യുവതീ പ്രവേശനം അനുവദിച്ചു കൊണ്ടുള്ള സുപ്രീംകോടതി വിധി വന്നപ്പോള് എല്ലാ കക്ഷികളും അതിനെ സ്വാഗതം ചെയ്തിരുന്നു. എന്നാല് പിന്നീട് കക്ഷികളും നിലപാട് മാറ്റി. ശബരിമല വിഷയത്തില് പൊതുവിലുണ്ടായ ഈ മാറ്റത്തിന് അനുസരിച്ച് സര്ക്കാര് നിലപാട് എടുത്തില്ല എന്ന വിമര്ശനം പല കേന്ദ്രങ്ങളില് നിന്നും ഉണ്ടായി. ജനങ്ങളെ ഇക്കാര്യത്തില് സര്ക്കാരിനെ തെറ്റിദ്ധരിച്ചു. ഇതെല്ലാം തിരുത്താനുള്ള നടപടികള് പാര്ട്ടി ഇനി സ്വീകരിക്കും.
ശബരിമലയിലേത് സുപ്രീംകോടതി വിധിയായതിനാല് സംസ്ഥാന സര്ക്കാരിന് വിരുദ്ധ നിലപാട് സ്വീകരിക്കാന് പരിമിതിയുണ്ട്. കോടതി വിധി നടപ്പാക്കാന് മാത്രമേ പ്രായോഗികമായി സാധിക്കൂ. ഇടതുപക്ഷ സര്ക്കാര് ശബരിമല ഭക്തര്ക്കോ വിശ്വാസികള്ക്കോ എതിരല്ലെന്നും കോടിയേരി വ്യക്തമാക്കി. ലോക്സഭാ തെരഞ്ഞെടുപ്പിലേറ്റ കനത്ത പരാജയത്തിന് പിന്നാലെ സിപിഎം സംസ്ഥാന തലത്തില് ഗൃഹസന്ദര്ശനം നടത്തി വരികയാണ്. ശബരിമല അടക്കമുള്ള വിവാദ വിഷയങ്ങളിലെ പാര്ട്ടി നിലപാട് ജനങ്ങളെ ബോധ്യപ്പെടുത്തുക എന്ന ലക്ഷ്യത്തോടെയാണ് സിപിഎം പ്രവര്ത്തകര് ഭവനങ്ങളിലെത്തുന്നത്. എന്നാല്, നേതാക്കള്ക്കെല്ലാം നേരിടേണ്ടി വരുന്നത് സ്ത്രീകള് അടക്കമുള്ള വിശ്വാസികളുടെ അതിരൂക്ഷമായ രോഷ പ്രകടനമാണ്.
ലോക്സഭാ തിരഞ്ഞെടുപ്പിലെ കനത്ത പരാജയത്തിന് പിന്നാലെയാണ് സംസ്ഥാനത്ത് വീടുകള് കയറി നിലപാട് വിശദീകരിക്കാനും പരാതികള് കേള്ക്കാനും സി.പി.എം. തീരുമാനിച്ചത്. കഴിഞ്ഞദിവസം മുതല് സംസ്ഥാനത്ത് ഭവനസന്ദര്ശന പരിപാടി ആരംഭിക്കുകയും ചെയ്തിരുന്നു.
അതേസമയം ഇടതുപക്ഷത്തെ പിന്തുണച്ചിരുന്ന ഒരു വിഭാഗം ശബരിമലയിലെ സര്ക്കാര് നിലപാടിന്റെ പേരില് ഇത്തവണ മുന്നണിക്കു വോട്ടു ചെയ്തില്ലെന്നു തുറന്നു പറഞ്ഞു സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. വനിതാ മതിലിനു ശേഷം രണ്ടു യുവതികളെ ശബരിമലയില് കയറ്റിയതു സര്ക്കാരാണെന്ന തോന്നല് ചിലര്ക്കുണ്ടെന്നും അതു ശരിയല്ലെന്നും സിപിഎമ്മിന്റെ 'ഫെയ്സ് ബുക് ലൈവി'ല് പങ്കെടുത്തു കോടിയേരി പറഞ്ഞു. താനടക്കം പാര്ട്ടി നേതൃത്വത്തിലുളളവര് നടത്തിയ ഗൃഹസന്ദര്ശന പരിപാടി അവലോകനം ചെയ്യുകയായിരുന്നു അദ്ദേഹം.
https://www.facebook.com/Malayalivartha
