മിസ്ഡ് കോള് പരിചയം അവസാനിച്ചത് കൊലപാതകത്തില്.... കരസേനാ ജവാന് കാമുകിയെ കൊന്ന് കുഴിച്ചുമൂടി
തിരുവനന്തപുരം അമ്പൂരിയില് കരസേനാ ജവാന് കാമുകിയെ കൊന്നത് മറ്റൊരു വിവാഹം കഴിക്കാനാണെന്ന് പൊലീസ് നല്കുന്ന സൂചന. നെയ്യാറ്റിന്കര പൂവാര് പുത്തന്കടയില് രാജന്റ മകള് രാഖി മോളെ(25) കൊന്നാണ് തട്ടാമുക്ക് സ്വദേശിയും കരസേന ജീവനക്കാരനുമായ അഖിലിന്റെ നേതൃത്വത്തില് കൊന്നാണ് വീടിനു പുറകിലെ പുരയിടത്തില് കുഴിച്ചിട്ടതെന്ന് സംശയിക്കുന്നത്. ആര് ഡി ഒയുടെ സാന്നിധ്യത്തില് മൃതദേഹം പുറത്തെടുത്തു. അഖിലും രാഖിമോളും തമ്മില് പരിചയപ്പെടുന്നത് മിസ്ഡ് കോളിലാണ്. ആ പരിചയം പിന്നീട് പ്രണയത്തിന് വഴിമാറുകയായിരുന്നു.
എറണാകുളത്തെ ഒരു സ്വകാര്യ കമ്പനിയിലെ ജീവനക്കാരനായിരുന്ന രാഖി മോള്. അന്യമതസ്ഥരായ ഇവര് പ്രണയത്തില് ആയെങ്കിലും. കാട്ടാക്കട അന്തിയൂര്ക്കോണം സ്വദേശിനിയുമായി അഖിലിന്റെ വിവാഹമുറപ്പിച്ചതോടെ രാഖി ഇടഞ്ഞു. വിവാഹത്തെ എതിര്ത്ത രാഖി മോള് അഖിലിനെ നിരന്തരം ശല്യം ചെയ്യുമായിരുന്നെന്നാണ് അറിയാന് കഴിയുന്നത്. ഈ വിവരം അഖിലിന്റ വീട്ടുകാര് അറിഞ്ഞതോകൂടി പെണ്കുട്ടിയെ വകവരുത്താന് നിശ്ചയിക്കുകയായിരുന്നു എന്നാണ് സൂചന. കഴിഞ്ഞ 21ന് രാഖിമോളെ കാറില് കൂട്ടിക്കൊണ്ടുവന്ന ശേഷം കൊലപ്പെടുത്തുകയായിരുന്നു. അഖില് പുതുതായി വയ്ക്കുന്ന വീടിന് പുറകില് മൃതദേഹം കുഴിച്ചിട്ടു . തുടര്ന്ന് അഖില് ജോലിക്ക് പോയി. സംഭവത്തിന് പിന്നില് അഖിലിന്റ സഹോദരന് രാഹുല് അയല്വാസിയും സുഹൃത്തുമായ ആദര്ശ് എന്നിവരെ കേന്ദ്രീകരിച്ച് നടത്തിയ അന്വേഷണത്തിലാണ് മൃതദേഹം കണ്ടെടുത്തത്. ഇവരുടെ പങ്കിനെക്കുറിച്ച് വരും നാളുകളിലേ അറിയാന് കഴിയൂ എന്ന് പൊലീസ് പറഞ്ഞു.
ജോലിസ്ഥലത്തുനിന്ന് വീട്ടിലെത്തിയ രാഖി ഇരുപത്തി ഒന്നാം തീയതി തിരികെ പോയെന്ന് വീട്ടുകാര് പറയുന്നു. സുഹൃത്തുക്കള്ക്ക് വേണ്ടി അച്ഛന്റെ ചായക്കടയില് നിന്ന് പലഹാരങ്ങളുമായിട്ടാണ് രാഖി പോയത്. ജോലിസ്ഥലത്ത് എത്തിയിട്ടും വിളിക്കാത്തതിനെ തുടര്ന്ന് ബന്ധുക്കളുടെ വീടുകളില് അന്വേഷിച്ചു. തുടര്ന്ന് പൂവാര് പൊലീസില് പരാതി നല്കുകയും ചെയ്തു. നെയ്യാറ്റിന്കര ഡി വൈ എസ ്പി അനില്കുമാറിനെ നേതൃത്വത്തില്. മൊബൈല് ഫോണ് കേന്ദ്രീകരിച്ച് നടത്തിയ അന്വേഷണത്തിലാണ് ഈ അരുംകൊല പുറംലോകം അറിഞ്ഞത്. ഫോറന്സിക് പരിശോധനകള് പൂര്ത്തിയായി കിട്ടിയാല് മാത്രമേ കൊലപാതകത്തെക്കുറിച്ച് പൂര്ണ്ണവിവരം ലഭിക്കുകയുള്ളുവെന്നും പ്രതികളെ അറസ്റ്റ് ചെയ്യുന്നതിനുള്ള നടപടികള് ഉടന് പൂര്ത്തിയാക്കുമെന്നും ഡി വൈ എസ് പി അനില്കുമാര് പറഞ്ഞു.
ഇന്ക്വസ്റ്റ് നടപടികള്ക്ക് സര്ക്കിള് ഇന്സ്പക്ടര് മാരായ ബിജു, രാജീവ് തുടങ്ങിയവര് നേതൃത്വം നല്കി. കൊലപാതകത്തിന് സഹായി യായിരുന്ന അനില്കുമാര് എന്നയാള് പൊലീസ്സ് കസ്റ്റഡിയിലാണ്. സ്ഥലം എം എല് എ സി കെ ഹരീന്ദ്രന് എംഎല്എ ഉള്പ്പെടെ ഉള്ള ജനപ്രതിനിധികള് വിവരമറിഞ്ഞ് സംഭവസ്ഥലത്ത് എത്തി. തിരുവനന്തപുരം മെഡിക്കല് കോളേജിലേക്ക് മാറ്റിയ മൃതദേഹം നടപടികള് പൂര്ത്തിയാക്കി ബന്ധുക്കള്ക്ക് വിട്ടു നല്കും.
https://www.facebook.com/Malayalivartha
