ശബരിമല വിഷയം ഒരിക്കല്‍ കൂടി ചാര്‍ച്ചയാകുകയായിരുന്നു കോതമംഗലം മാര്‍ അത്തനേഷ്യസ് കോളേജ് മാഗസിനിലൂടെ. ഹൈന്ദവ വിശ്വാസങ്ങളെ വെല്ലുവിളിക്കുന്നവരെ നവോത്ഥാന നായകരായി പ്രഖ്യാപിക്കുന്ന വിധത്തില്‍ കോതമംഗലം മാര്‍ അത്തനേഷ്യസ് കോളേജ് പുറത്തിറക്കിയ മാഗസിന്‍ ശക്തമായ പ്രതിഷേധത്തിനൊടുവിലാണ് പിന്‍വലിച്ചത്. കോളേജിന്റെ ആശയങ്ങള്‍ക്കും കാഴ്ച്ചപ്പാടുകള്‍ക്കും നിരക്കാത്തതായതിനാലാണ് മാഗസിന്‍ പിന്‍വലിക്കുന്നതെന്ന് പ്രിന്‍സിപ്പാള്‍ അറിയിച്ചു.

മാഗസിന്‍ പുറത്തിറങ്ങിയതോടെ ഇതിലെ പരാമര്‍ശങ്ങള്‍ക്കെതിരെ ഹിന്ദു സംഘടനകള്‍ രംഗതെത്തിയിരുന്നു. ഹിന്ദു ഐക്യവേദിയുടെ നേതൃത്വത്തില്‍ ഹൈന്ദവ സംഘടനകള്‍ കോളേജിലേക്ക് പ്രതിഷേധ പ്രകടനം നടത്തിയതിനെ തുടര്‍ന്നാണ് മാഗസിന്‍ പിന്‍വലിക്കുന്ന പ്രഖ്യാപനമുണ്ടായത്. 

വിവാദമായ സാഹചര്യത്തില്‍ ഇത് പിന്‍വലിച്ച്, ഇത്തരം പ്രവര്‍ത്തിക്ക് പ്രിന്‍സിപ്പല്‍ മറുപടി നല്‍കണമെന്നും ഹിന്ദു ഐക്യവേദി ആവശ്യപ്പെട്ടിരുന്നു. അതേസമയം മാഗസിന്‍ പുറത്തിറങ്ങിയതില്‍ ഉത്തരവാദിത്തം ഏറ്റെടുക്കുന്നതായി പ്രിന്‍സിപ്പാള്‍ നേരത്തെ പ്രസ്താവന നടത്തിയിരുന്നു. 

'ആന കേറാമല ആടു കേറാമല ആയിരം കാന്താരി പൂത്തിറങ്ങി' എന്ന പേരില്‍ പുറത്തിറങ്ങിയ മാഗസിനില്‍ ഹൈന്ദവ വിശ്വസത്തെയും ശബരിമല ആചാരങ്ങളെയും അപഹസിച്ചുകൊണ്ടുള്ള നിരവധി ലേഖനങ്ങള്‍ മാഗസീനില്‍ ഉണ്ടായിരുന്നു. പിന്നില്‍ മലകേറി വരുന്നവര്‍ക്ക് ഒരു കൈ കൊടുത്ത് ഊര്‍ജ്ജം നല്‍കാനും മാഗസിനിലൂടെ ആഹ്വാനം ചെയ്യുന്നു. വിശ്വാസങ്ങളെ വെല്ലുവിളിക്കുന്നവരെ നവോത്ഥാന നായകര്‍ എന്ന വിധത്തിലും ഇതില്‍ ചിത്രികരിച്ചിരുന്നു. 

ശബരിമല വിധി തുറന്നിടുന്നത് എന്ന ലേഖനത്തില്‍ വിശ്വാസ സംരക്ഷണത്തിന്റെ പേരില്‍ അവിടെ ദുരാചാങ്ങളാണ് നടക്കുന്നതെന്നും ഇത്തരം അനാചാരങ്ങളെ തകര്‍ത്തെറിയുന്നതാണ് സുപ്രീം കോടതി വിധിയെന്നും പ്രതിപാദിക്കുന്നുണ്ട്.

അതേസമയം ശ്രീനാരായണഗുരുദേവനും അയ്യങ്കാളിയുമൊന്നുമല്ല ആധുനിക നവോത്ഥാന നായകരെന്ന് വ്യക്തമാക്കുന്ന മാഗസിനില്‍ ശബരിമലയില്‍ ഒളിച്ചു കയറിയ ബിന്ദുവും കനകദുര്‍ഗ്ഗയുമാണ് ആ സ്ഥാനത്ത് അവരോധിക്കപ്പെട്ടിരിക്കുന്നത്. ഇടതുപക്ഷ രാഷ്ട്രീയ വക്താവായ ഡോ. വിനു പ്രകാശ് ആണ് മാഗസിന്‍ സ്റ്റാഫ് എഡിറ്റര്‍. 

ശബരിമലയ്‌ക്കെതിരെ വിഷം തുപ്പിയും ഹൈന്ദവ വിശ്വാസങ്ങളെ വ്രണപ്പെടുത്തുന്നതുമായ കാര്യങ്ങളാണ് മാര്‍ അത്തനേഷ്യസ് കോളേജ് കഴിഞ്ഞ ദിവസം പുറത്തുവിട്ട മാഗസിനിലൂടെ പ്രതിപാദിച്ചിരുന്നതെന്ന് ഹിന്ദു ഐക്യവേദി സംസ്ഥാന അധ്യക്ഷ കെ.പി. ശശികല ടീച്ചര്‍ വ്യക്തമാക്കിയിരുന്നു.

ശബരിമലയില്‍ ആചാര ലംഘനം നടത്തിയ കനക ദുര്‍ഗ്ഗയേയും ബിന്ദു അമ്മിണിയേയും ആധുനിക നവോത്ഥാന നായികമാര്‍ എന്ന് ചിത്രീകരിക്കുന്ന മാഗസിന്‍ ഹൈന്ദവ വിശ്വാസങ്ങള്‍ക്കെതിരെ വിഷം തുപ്പുകയാണ്. മാസിക പിന്‍വലിക്കുക, കാരണക്കാരായവരെ അറസ്റ്റ് ചെയ്യുക എന്നീ ആവശ്യങ്ങള്‍ ഉന്നയിച്ച് ഹിന്ദു ഐക്യവേദി നാളെ കോളേജിലേയ്ക്ക് പ്രതിഷേധ മാര്‍ച്ച് നടത്താന്‍ തീരുമാനിച്ചിട്ടുണ്ട്. മാഗസിന്റെ പകര്‍പ്പ് ലഭിച്ചശേഷം പോലീസില്‍ പരാതി നല്‍കുന്നത് ഉള്‍പ്പടെയുള്ള നടപടികള്‍ സ്വീകരിക്കുമെന്നും ശശികല ടീച്ചര്‍ അറിയിച്ചു.

ശബരിമലയില്‍ ഒളിച്ചു കയറിയ ബിന്ദുവും കനകദുര്‍ഗ്ഗയുമാണ് ആ സ്ഥാനത്ത് അവരോധിക്കപ്പെട്ടിരിക്കുന്നത്. ഇതിലൂടെ വ്യക്തമാകുന്നത് കോളേജ് മാഗസിന്‍ പുറത്തിറക്കിയവരുടെ ഹിന്ദുവിരുദ്ധ അജണ്ടയാണ്.കോളേജ് പുറത്തിറക്കിയ 'ആനകേറാമല ആടു കേറാമല ആയിരം കാന്താരി പൂത്തിറങ്ങി' എന്ന മാഗസിനിലാണ് ബിന്ദുവിനെയും കനകദുര്‍ഗ്ഗയെയും 'നവോഥാന നായികമാര്‍' ആയി വിശേഷിപ്പിച്ചിരിക്കുന്നത്. മാഗസിനില്‍ ഹൈന്ദവ മതവികാരത്തെ വ്രണപ്പെടുത്തിയ 'മീശ' എന്ന നോവലിനും ആര്‍പ്പോ ആര്‍ത്തവത്തിനും ഐക്യദാര്‍ഢ്യവും പ്രഖ്യാപിക്കുന്നുണ്ട്. 

എന്നാല്‍, ഇതൊന്നും തങ്ങള്‍ അറിഞ്ഞിട്ടില്ലെന്ന തൊടുന്യായമാണ് െ്രെകസ്തവ സഭാ മാനേജ്‌മെന്റിന് കീഴിലുള്ള കോളേജ് സ്വീകരിച്ചത്. അതിന് പിന്നാലെ ശക്തമായ പ്രതിഷേധം വന്നതോടെയാണ് മാഗസിന്‍ പിന്‍വലിച്ചത്.