ഗുരുവായൂര്‍ മലയാളികള്‍ക്ക് വലിയ അഭിമാനമാണ്. ആയിരക്കണക്കിന് ആളുകളാണ് ലോകത്തിന്റെ വിവിധ ഭാഗങ്ങളില്‍ നിന്നും ഗുരുവായൂരിലെത്തുന്നത്. ഇതില്‍ പലതരം ആള്‍ക്കാരുണ്ട്. ബഹുഭൂരിപക്ഷവും ഭക്ത്യാദരപൂര്‍വമാണ് എത്തുന്നത്. എന്നാല്‍ വിചിത്രമായ സംഭവമാണ് ഗുരുവായൂരിലെ ഒരു ലോഡ്ജില്‍ സംഭവിച്ചിരിക്കുന്നത്. ഗുരുവായൂരിലെ ലോഡ്ജില്‍ സുഹൃത്തിനൊപ്പം മുറിയെടുത്ത ഏഴുമാസം ഗര്‍ഭിണിയായ സ്ത്രീ പ്രസവിച്ചു. ഇരട്ടക്കുഞ്ഞുങ്ങളായിരുന്നു. രണ്ടുപേരും മരിച്ചു. കൂടെ താമസിച്ച യുവാവിന്റെ പേരില്‍ പോലീസ് കേസെടുത്തു.

എറണാകുളം സ്വദേശിയായ മനോജ്കൃഷ്ണനും (41) തൃശ്ശൂര്‍ കൊടകര സ്വദേശിനിയായ മുപ്പത്തിനാലുകാരിയുമാണ് ലോഡ്ജില്‍ മുറിയെടുത്തത്. കഴിഞ്ഞ 25ന് സുഹൃത്തിനൊപ്പമാണ് യുവതി ലോഡ്ജില്‍ മുറിയെടുത്തത്. ക്ഷേത്ത്രത്തില്‍ ഭജനമിരിക്കാനാണെന്ന് പറഞ്ഞാണ് മുറിയെടുത്തത്. കോട്ടപ്പടിയില്‍ വാടകയ്ക്ക് വീടെടുത്ത് താമസിക്കാന്‍ ശ്രമം നടത്തിയിരുന്നതായും ഒരുവര്‍ഷമായി ഇവര്‍ ഒരുമിച്ചാണ് താമസമെന്നും പൊലീസ് പറഞ്ഞു. 

തിങ്കളാഴ്ച രാത്രി സ്ത്രീയ്ക്ക് പ്രസവവേദന അനുഭവപ്പെട്ടു. ഇതോടെ എന്തു ചെയ്യണമെന്നറിയാതെ യുവാവ് അങ്കലാപ്പിലായി. എങ്കിലും സമചിത്തതയോടെ ലോഡ്ജ് അധികൃതരെ വിവരം അറിയിച്ചു. അവര്‍ ആംബുലന്‍സുകാരുമായി ബന്ധപ്പെടുകയും ചെയ്തു. ഉടന്‍ ആക്ട്‌സിന്റെ ആംബുലന്‍സില്‍ ആശുപത്രിയിലേക്ക് പുറപ്പെടുകയും ചെയ്തു. എന്നാല്‍ ഇതിനിടയില്‍ ഒരു കുഞ്ഞിനെ പ്രസവിച്ചു. രണ്ടാമത്തെ കുഞ്ഞിനെ അല്പനേരം കഴിഞ്ഞും. രണ്ടും പെണ്‍കുഞ്ഞുങ്ങളായിരുന്നു. മൃതദേഹം തൃശ്ശൂര്‍ മെഡിക്കല്‍ കോളേജ് ആശുപത്രി മോര്‍ച്ചറിയിലേക്ക് മാറ്റി. ഗര്‍ഭാവസ്ഥയിലിരിക്കെയാണ് കുഞ്ഞുങ്ങള്‍ മരിച്ചിട്ടുള്ളതെന്ന് പോസ്റ്റ് മോര്‍ട്ടത്തില്‍ തെളിഞ്ഞതായി പോലീസ് അറിയിച്ചു.

മനോജ് കൃഷ്ണനും യുവതിയും ഒരുമിച്ചാണത്രേ താമസം. ഇരുവര്‍ക്കും വേറെ പങ്കാളികളും കുട്ടികളുമുണ്ട്. എറണാകുളം സ്വദേശികളായ ഇരുവരുടെയും ആദ്യ വിവാഹബന്ധങ്ങള്‍ വേര്‍പ്പെടുത്താനുള്ള കേസുകള്‍ നടക്കുന്നുണ്ട്. മൃതദേഹങ്ങള്‍ മെഡിക്കല്‍ കോളജില്‍ പോസ്റ്റ് മോര്‍ട്ടം നടത്തിയ ശേഷം സംസ്‌കരിച്ചു. അസ്വാഭാവിക മരണത്തിന് പോലീസ് കേസെടുത്തു.

പ്രസവത്തില്‍ പെണ്‍കുഞ്ഞുങ്ങളായിരുന്നു. യുവതി ഗുരുവായൂരിലെ സ്വകാര്യ ആശുപത്രിയില്‍ ചികിത്സയിലാണ്. കഴിഞ്ഞ 25നാണ് യുവതിയും യുവാവും കൗസ്തുഭത്തില്‍ മുറിയെടുത്തത്. വടുതല മാണിക്കോത്ത് മനോജ് എന്നാണ് യുവാവ് റസ്റ്റ് ഹൗസില്‍ പേര് നല്‍കിയിട്ടുള്ളത്. എസ്‌ഐ എം എം വര്‍ഗീസിന്റെ നേതൃത്വത്തില്‍ പൊലീസെത്തി മേല്‍നടപടി സ്വീകരിച്ചു. ഗുരുവായൂരിലുണ്ടായ സംഭവം വലിയ ചര്‍ച്ചയായിട്ടുണ്ട്. ഇതോടെ കൂടുതല്‍ അന്വേഷണം നടത്താനാണ് പോലീസ് ശ്രമിക്കുന്നത്.