ക്യാംപുകള് തോറും ഓടി നടന്ന് കാര്യങ്ങള് അന്വേഷിക്കാന് 'സ്നേഹോര്ജ്ജം' പകര്ന്ന് ക്യാപിലെ അമ്മമാര്!
ദുരിതാശ്വാസ ക്യാംപുകളിലെ സൗകര്യങ്ങളും സേവനങ്ങളും വിലയിരുത്താനെത്തിയതാണ് എറണാകുളും ജില്ലാ കലക്ടര്. ഔദ്യോഗിക സന്ദര്ശനത്തിനെത്തിയ തനിക്കു സ്നേഹം കൊണ്ട് വിരുന്നൂട്ടിയ അമ്മമാരെ കുറിച്ച് കലക്ടര് എസ്. സുഹാസ് വികാരനിര്ഭരമായ കുറിപ്പിട്ടു.
മൂന്നുമണിയോടെയാണ് ക്യാംപിന്റെ പ്രവര്ത്തനങ്ങള് വിലയിരുത്താന് ഏലൂരിലെ ഫാക്ട് ടൗണ്ഷിപ് സ്കൂളില് എത്തിയത്. വിഷമങ്ങള്ക്കിടയിലും ഞാന് ഭക്ഷണം കഴിച്ചോ എന്ന് അന്വേഷിക്കുകയായിരുന്നു ഒരമ്മ. ഇല്ല എന്ന് സ്റ്റാഫ് പറഞ്ഞതും ഭക്ഷണം കഴിച്ചിട്ട് പോയാല് മതിയെന്നായി അവര്.
ആ സമയം കൊണ്ട് ഒരു ക്യാംപ് കൂടി സന്ദര്ശിക്കാമെന്ന് പറഞ്ഞപ്പോള് ഇങ്ങനെ ഓടി നടക്കാന് ഭക്ഷണം വേണം എന്ന് പറഞ്ഞു ഒരു ചേച്ചി ഭക്ഷണവുമായി എത്തി. ഈ സ്നേഹത്തിനു മുന്പിലാണ് നമ്മള് തോറ്റുപോകുന്നത്, ഈ സ്നേഹമാണെന്റെ ഊര്ജം . ഈ സ്നേഹം നിങ്ങളോടു പങ്കുവച്ചില്ലെങ്കില് മര്യാദ അല്ല എന്ന് തോന്നി, കലക്ടര് ഫെയ്സ്ബുക്കില് കുറിച്ചു.
മഴയൊന്നു മാറി ഇവര് സ്വന്തം വീടുകളില് എത്തി സമാധാനമായി ഉറങ്ങുന്ന ദിവസത്തിനായി ഞാനും കാത്തിരിക്കുന്നുവെന്ന് കലക്ടര് പറയുന്നു.
https://www.facebook.com/Malayalivartha
