കേന്ദ്ര പ്രതിരോധ മന്ത്രി രാജ്നാഥ് സിംഗിന്റെ പരാമര്ശം കുറിക്കുകൊണ്ടു; ഇന്ത്യയെ പേടിയാണെന്നകാര്യം പറയാതെ പറഞ്ഞ് ഇമ്രാന്ഖാന്;
ആണവായുധം ആദ്യം ഉപയോഗിക്കില്ലെന്ന നയത്തില് മാറ്റമുണ്ടായേക്കാമെന്ന ഇന്ത്യയുടെ പ്രസ്താവനയില് പേടിയുണ്ടെന്ന് തുറന്ന് സമ്മതിച്ച് പാകിസ്ഥാന് പ്രധാനമന്ത്രി ഇമ്രാന് ഖാന്. ട്വിറ്ററിലൂടെയാണ് ഇമ്രാന് ഖാന് ഇക്കാര്യം വ്യക്തമാക്കിയത്. ആണവായുധങ്ങള് സംബന്ധിച്ച ഇന്ത്യയുടെ നയത്തില് മാറ്റമുണ്ടാകാന് സാധ്യതയുണ്ടെന്ന് കേന്ദ്ര പ്രതിരോധ മന്ത്രി രാജ്നാഥ് സിംഗ് അടുത്തിടെ പാകിസ്ഥാന് മുന്നറിയിപ്പ് നല്കിയിരുന്നു. ഇതിനു പിന്നാലെയാണ് ഇമ്രാന് ഖാന് ആശങ്കയറിച്ചിരിക്കുന്നത്. ഇന്ത്യയുടെ കൈവശമുള്ള ആയുധ ശേഖരത്തിന്റെ സുരക്ഷ ലോകം ഗൗരമായി പരിഗണിക്കണം. മോദി സര്ക്കാരിന്റെ പക്കലുള്ള ആണവായുധ ശേഖരത്തിന്റെ സുരക്ഷയും ലോകം ഗൗരവമായി കാണേണ്ടതുണ്ട്. കാരണം അത് ഒരു പ്രദേശത്തെ മാത്രമല്ല, ലോകത്തെ മുഴുവന് ബാധിക്കുന്ന പ്രശ്നമാണ്. ഇമ്രാന് ഖാന് ട്വിറ്ററിലൂടെ അഭ്യര്ത്ഥിച്ചു.
ആണവായുധം ആദ്യം ഉപയോഗിക്കില്ലെന്ന നിലപാടില് മാറ്റമുണ്ടാകാന് സാദ്ധ്യതയുണ്ടെന്ന് കേന്ദ്ര പ്രതിരോധമന്ത്രി രാജ്നാഥ് സിംഗ് അടുത്തിടെ പാകിസ്ഥാന് മുന്നറിയിപ്പ് നല്കിയിരുന്നു. സംഘര്ഷമുണ്ടായാല് ഇന്ത്യ ആദ്യം ആണവായുധം ഉപയോഗിക്കില്ലെന്ന നയത്തിനാണ് മാറ്റം വരിക. പൊഖ്റാനില് ഒരു ചടങ്ങില് പങ്കെടുക്കവെയാണ് രാജ്നാഥ് സിംഗ് ഇന്ത്യ നീക്കങ്ങള് കടുപ്പിക്കുകയാണെന്ന സൂചന നല്കിയത്. അതേസമയം പാകിസ്താന് വീണ്ടും ശക്തമായ സന്ദേശം നില്കി പ്രതിരോധ മന്ത്രി രാജ്നാഥ് സിങ്. ഭാവിയില് പാകിസ്താനുമായി ഇന്ത്യ ഏതെങ്കിലും തരത്തില് ചര്ച്ച നടത്തുകയാണെങ്കില് അത് പാക് അധീന കശ്മീരിനെ കുറിച്ച് മാത്രമായിരിക്കുമെന്ന് രാജ്നാഥ് പറഞ്ഞു. ഹരിയാനയിലെ പഞ്ച്കുളയില് ഒരു പൊതുപരിപാടിയില് സംസാരിക്കുകയായിരുന്നു അദ്ദേഹം. ജമ്മു കശ്മീരിന്റെ വികസനത്തിന് വേണ്ടിയിട്ടാണ് പ്രത്യേക പദവി എടുത്ത് കളഞ്ഞത്. ഇന്ത്യ തെറ്റ് ചെയ്തുവെന്ന് പറഞ്ഞ് നമ്മുടെ അയല്ക്കാര് അന്താരാഷ്ട്ര വാതിലുകളില് ചെന്ന് മുട്ടുകയാണ്. ഭീകരവാദത്തെ പിന്തുണക്കുന്നത് അവസാനിപ്പിച്ചാല് മാത്രമേ പാകിസ്താനുമായി ചര്ച്ചക്ക് പോലുമുള്ളൂവെന്നും അങ്ങനെ ചര്ച്ച ചെയ്യുകയാണെങ്കില് അത് പാക് അധീന കശ്മീരിനെ കുറിച്ചായിരിക്കുമെന്നും അദ്ദേഹം വ്യക്തമാക്കി. ബാലാക്കോട്ടിനേക്കാള് വലിയ പദ്ധതി ഇന്ത്യ നടപ്പാക്കാന് പോകുന്നുവെന്നാണ് കുറച്ച് ദിവസങ്ങള്ക്ക് മുമ്പ് പാക് പ്രധാനമന്ത്രി ഇമ്രാന് ഖാന് പറഞ്ഞത്. ഇതിനര്ത്ഥം ഇന്ത്യയുടെ ബാലാക്കോട്ട് നടപടി പാകിസ്താന് അംഗീകരിക്കുന്നുവെന്നാണെന്നും രാജ്നാഥ് സിങ് പറഞ്ഞു. ആദ്യം ആണവായുധം ഉപയോഗിക്കില്ലെന്ന നയം ഇന്ത്യ മാറ്റുമെന്ന് കഴിഞ്ഞ ദിവസം രാജ്നാഥ് സിങ് പറഞ്ഞിരുന്നു. നിരുത്തരവാപരമായ പ്രസ്താവനയാണ് രാജ്നാഥ് നടത്തിയതെന്നായിരുന്നു പാകിസ്താന് ഇതിനോട് പ്രതികരിച്ചത്.
കശ്മീര് വിഷയം പാകിസ്താന് ആദികൂട്ടുന്നത് ശത്രുരാജ്യമായതിനാലാണ് എന്നു പറയാം എന്നാല് ഇന്ത്യയില് തന്നെയുള്ള പ്രതിപക്ഷ പാര്ട്ടിയിലെ ഉന്നത നേതാക്കളും കശ്മീര് വിഷയത്തില് വിമര്ശനം ഉന്നയിക്കപ്പെടുന്നുണ്ട്. ഈ സാഹചര്യത്തില്. ആര്ട്ടിക്കിള് 370 റദ്ദാക്കുകയും ജമ്മു കശ്മീരിനെ രണ്ടായി വിഭജിക്കുകയും ചെയ്ത മോദി സര്ക്കാരിന്റെ തീരുമാനത്തെ പിന്തുണച്ച് കോണ്ഗ്രസിലെതന്നെ നേതാവും ഹരിയാന മുന് മുഖ്യമന്ത്രിയുമായ ഭൂപീന്ദര് സിംഗ് ഹൂഡ രംഗത്തവരികയുണ്ടായി. കോണ്ഗ്രസ്സ് തനത് ശൈലിയില് നിന്ന് പിന്മാറിയാതായും ഹൂഡ പറഞ്ഞു. കോണ്ഗ്രസ്സ് വിട്ടേക്കുമെന്ന അഭ്യൂഹങ്ങള്ക്കിടെയാണ് പരിവര്ത്തന് റാലിയിലെ ഹൂഡയുടെ പ്രസ്താവന.
കടുത്ത രാഷ്ട്രീയ തീരുമാനങ്ങളൊന്നും പ്രഖ്യാപിക്കാതെയാണ് ഭൂപീന്ദര് സിംഗ് ഹൂഡയുടെ പരിവര്ത്തന് റാലി സമാപിച്ചത്. 'ആര്ട്ടിക്കിള് 370 റദ്ദാക്കിയ തീരുമാനത്തെ ഞാന് പിന്തുണയ്ക്കുന്നു. പക്ഷേ, ഹരിയാനയിലെ ബിജെപി സര്ക്കാരിനോട് എനിക്കു ചോദിക്കാനുള്ളത് കഴിഞ്ഞ അഞ്ച് വര്ഷവും എന്തു ചെയ്തു എന്നാണ്. കേന്ദ്രസര്ക്കാരിന്റെ കശ്മീര് തീരുമാനത്തിന് പിന്നില് ഒളിച്ചിരിക്കരുത്. ഹരിയാനയില് നിന്നുള്ള സഹോദരന്മാര് കശ്മീരില് സൈനികരായുണ്ട്. അതുകൊണ്ടാണ് ഞാന് ആ തീരുമാനത്തെ പിന്തുണച്ചത്.' ഹൂഡ പറഞ്ഞു.
https://www.facebook.com/Malayalivartha