ഭാര്യയോടുള്ള ദേഷ്യം തീർത്തത് മക്കളോടും... ഉറങ്ങിക്കിടന്ന തക്കം നോക്കി ഭാര്യയുടെയും പതിനേഴുകാരിയായ മകളുടെയും ദേഹത്ത് ആസിഡൊഴിച്ച് പൊള്ളിച്ചു!! ഭര്ത്താവിനെതിരെ വധശ്രമത്തിന് കേസ്; നാടിനെ ഞെട്ടിച്ച സംഭവം പാലക്കാട്
വെള്ളിയാഴ്ച പുലര്ച്ച രണ്ടരയോടെയാണ് സംഭവം. ഭര്ത്താവ് ഷിഹാബുദ്ദീന് ഇതിനിടെ സ്ഥലം വിട്ടിരുന്നു. ഗുരുതര പൊള്ളലേറ്റ റാബിനിഷ തൃശൂര് മെഡിക്കല് കോളജ് ആശുപത്രിയില് ചികിത്സയിലാണ്. മകള്ക്ക് പ്രാഥമിക ചികിത്സ നല്കി. ഉറങ്ങിക്കിടന്ന ഭാര്യയുടെയും മകളുടെയും ദേഹത്ത് ഭര്ത്താവ് ആസിഡൊഴിച്ചു. പാലക്കാട് വടക്കന്തറയിലാണ് സംഭവം. ജൈനിമേട് നൂര്ജഹാന്സില് ഷഹാബുദ്ദീന്റെ ഭാര്യ റാബിനിഷ (36) പതിനേഴുകാരിയായ മകള് എന്നിവര്ക്ക് നേരെയാണ് ആസിഡാക്രമണമുണ്ടായത്. സംഭവത്തില് മകളുടെ മൊഴി രേഖപ്പെടുത്തിയ ടൗണ് നോര്ത്ത് പൊലീസ് ഷിഹാബുദ്ദീന്(46) എതിരെ വധശ്രമത്തിന് കേസെടുത്തു. കുടുംബപ്രശ്നത്തിന്റെ പേരിലാണ് ആക്രമണം നടത്തിയതെന്ന് പോലീസില് നല്കിയ പരാതിയില് പറയുന്നു. റാബിനിഷയും മകളും ഒരു മുറിയിലും ഷിഹാബുദ്ദീനും ഇളയ കുട്ടിയും മറ്റൊരു മുറിയിലുമാണ് കിടന്നിരുന്നത്. സമീപത്ത് താമസിക്കുന്ന ബന്ധുക്കള് ബഹളം കേട്ട് എത്തുമ്ബോഴേക്കും പൊള്ളലേറ്റ് പിടയുകയായിരുന്നു റാബിനിഷ..
https://www.facebook.com/Malayalivartha
