ഗെയിംസ് നടത്തിപ്പിനെക്കുറിച്ച് ഉയര്‍ന്നുവന്ന അഴിമതി ആരോപണങ്ങള്‍ സിബിഐയെ കൊണ്ട് അന്വേഷിക്കണമെന്ന് മുന്‍കായികമന്ത്രി കെ.ബി ഗണേഷ്‌കുമാര്‍ ആവശ്യപ്പെട്ടു. കായികമന്ത്രി തിരുവഞ്ചൂര്‍ രാധാകൃഷ്ണനും മുഖ്യമന്ത്രി ഉമ്മന്‍ചാണ്ടിയും അതിന് തയാറാണോ എന്ന് ഗണേഷ് കുമാര്‍ വെല്ലുവിളിച്ചു.
എം.വിജയകുമാര്‍ കായികമന്ത്രിയായിരുന്ന കാലത്തെയും താന്‍ മന്ത്രിയായിരുന്ന കാലത്തെയും ഇപ്പോഴത്തെയും എല്ലാ കാര്യങ്ങളും അന്വേഷിക്കട്ടെ. താനതിന് തയാറാണ്. മുഖ്യമന്ത്രി അതിന് തയാറാണോ? അന്വേഷണം വരട്ടെ, തനിക്ക് പലകാര്യങ്ങളും പറയാനുണ്ടെന്നും ഗണേഷ് പറഞ്ഞു.
ലാലിസത്തെ മറയാക്കി പല അഴമതിക്കാരും രക്ഷപ്പെടാന്‍ ശ്രമിക്കുകയാണ്. ലാലിനെ വെറുതെവിടുക. ലാല്‍ വാങ്ങിയ പണം തിരിച്ചുകൊടുത്തു. അദ്ദേഹത്തെ വിട്ടേക്കൂ, എന്നാല്‍ ലാലിസത്തെ അഴിമതിയുടെ മറയാക്കരുതെന്നും ഗണേഷ്‌കുമാര്‍ പറഞ്ഞു.
ഗണേഷ്‌കുമാര്‍ ഈ മന്ത്രിസഭയുടെ തന്നെ മുന്‍കായികമന്ത്രിയായതു കൊണ്ട് അദ്ദേഹത്തിന്റെ അരോപണങ്ങളെ കുറിച്ച് അന്വേഷിക്കണമെന്ന് മുന്‍കായികമന്ത്രി എം.വിജയകുമാര്‍ പറഞ്ഞു. ഗണേഷിനും തനിക്കും പലകാര്യങ്ങളും അറിയാം. സിബിഐ അന്വേഷണം ആവശ്യമാണന്നും വിജയകുമാര്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha