കൊച്ചി കടവന്ത്രയിലെ ഫ്‌ലാറ്റില്‍ നിന്നും നാല് ദിവസങ്ങള്‍ക്ക് മുമ്പാണ് നടനായ ഷൈന്‍ ടോം ചാക്കോയെയും മറ്റ് അഞ്ച് പ്രതികളെയും അറസ്റ്റ് ചെയ്തത്. കൊക്കെയ്‌നുമായി പിടിയിലായ ഇവരെ കൂടുതല്‍ ചോദ്യം ചെയ്യുന്നതിനായി പോലീസ് കസ്റ്റഡിയില്‍ വാങ്ങി. എറണാകുളം പ്രിന്‍സിപ്പല്‍ സെഷന്‍സ് കോടതിയില്‍ ഇന്നലെ രാവിലെയാണ് പ്രതികളെ ഹാജരാക്കിയത്. തുടര്‍ന്ന്, പോലീസ് കസ്റ്റഡിയില്‍ ദേഹോപദ്രവം ഏല്‍പിക്കില്ലെന്ന് കസ്റ്റഡി അപേക്ഷ രണ്ടാംവട്ടം പോലീസ് എഴുതി സമര്‍പ്പിച്ചതോടെയാണ് കസ്റ്റഡിയില്‍ വിട്ടുനില്‍കിയത്.
അപ്രതീക്ഷിതമായാണ് ഷൈന്‍ ടോം ചക്കോയെയും സംഘത്തെയും പോലീസ് ഫ്‌ലറ്റില്‍ നിന്നും പിടികൂടിയത്. കേസിലെ ഒന്നാം പ്രതി രേഷ്മ രംഗസ്വാമി, രണ്ടാം പ്രതി ബ്ലെസ്സി സില്‍വസ്റ്റര്‍, മൂന്നാം പ്രതിയും നടനുമായ ഷൈന്‍ ടോം ചാക്കോ, നാലും അഞ്ചും പ്രതികളായ ടിന്‍സി ബാബു, സ്‌നേഹ ബാബു തുടങ്ങിയവരെയാണ് അഞ്ച് ദിവസത്തേക്ക് റിമാന്‍ഡ് ചെയ്തിരിക്കുന്നത്. ഇവരെ പ്രത്യേകം തയ്യാറാക്കിയ ചോദ്യാവലിയുടെ അടിസ്ഥാനത്തില്‍ അസി. കമ്മീഷണര്‍ സുരേഷ്‌കുമാര്‍, സി.ഐ. ഫ്രാന്‍സിസ് ഷെല്‍ബി എന്നിവരുള്‍പ്പെട്ട സംഘം ചോദ്യംചെയ്യുമെന്നാണ് അറിയുന്നത്.  കടവന്ത്രയിലെ ഈ ഫ്‌ലാറ്റില്‍ ഇതിനു മുമ്പും സ്‌മോക്ക് പാര്‍ട്ടികള്‍ നടന്നതായി പോലീസിന് സൂചനയുണ്ട്. കൂടാതെ നെടുമ്പാശ്ശേരി ഉള്‍പ്പെടെയുള്ള വിവിധ സ്ഥലങ്ങളിലെ ഹോട്ടലുകളില്‍ എവിടെയൊക്കെ സ്‌മോക്ക് പാര്‍ട്ടികള്‍ നടക്കുന്നുണ്ടെന്നും ഇവരെ ചോദ്യം ചെയ്യുന്നതിലൂടെ ലഭിക്കുന്ന വിവരങ്ങളുടെ അടിസ്ഥാനത്തില്‍ അന്വേഷിക്കും. പ്രതികള്‍ പിടിയിലായ ദിവസം ആരൊക്കെ ഫ്‌ലാറ്റിലെത്തിയെന്നറിയാന്‍ സിസിടിവി ദൃശ്യവും പോലീസ് പരിശോധിച്ചുവരികയാണ്. ഷൈന്‍ അടക്കമുള്ള അഞ്ചുപേരെ ചോദ്യം ചെയ്യുന്നതിലൂടെ കേസില്‍ നിര്‍ണ്ണായക വഴിതിരിവുണ്ടാകുമെന്നാണ് പോലീസ് പ്രതീക്ഷിക്കുന്നത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha