കൊക്കെയ്ന്‍ കേസ്; ജയിലില്‍ ഒളികാമറ കണ്ടെത്തി
കൊക്കെയ്ന്‍ കേസിലെ പ്രതികളായ യുവതികളെ നിരീക്ഷിക്കാന്‍ ജയിലില്‍ സ്ഥാപിച്ച ഒളികാമറ പോലീസ് കണ്ടെത്തി. വിവാദമായ ബാര്‍ കോഴകേസുമായി ബന്ധപ്പെട്ടും ഇതേ ചാനല്‍ ഒളികാമറവച്ചു ദൃശ്യങ്ങള്‍ പകര്‍ത്തിയിരുന്നു. തീപ്പെട്ടിയുടെ വലിപ്പമുള്ള കാമറയാണ് ഇന്നലെ കണ്ടെത്തിയത്. ജയിലില്‍ യുവതികളുടെ നീക്കം നിരീക്ഷിക്കാനായി ഉദ്യോഗസ്ഥരുടെ സഹായത്തോടെ ഘടിപ്പിച്ചതാകാം കാമറെയെന്നാണു പോലീസിന്റെ നിഗമനം.
സിനിമാ താരം ഷൈന്‍ ടോം ചാക്കോ ഉള്‍പ്പെട്ട കൊക്കെയ്ന്‍ കേസിലെ പ്രതികളായ യുവതികള്‍ക്കു ജയിലില്‍ ഇളവുകളും സുഖസൗകര്യങ്ങളും നല്‍കാന്‍ ബി.ജെ.പി. നേതാവായ സിനിമ നിര്‍മാതാവ്. ജയില്‍ ജീവനക്കാരുടെ സഹായത്തോടെ പ്രതികള്‍ക്കു സുഖസൗകര്യങ്ങള്‍ ഒരുക്കി കേസിലെ തന്റെ പങ്കു മറയ്ക്കാനുള്ള ശ്രമത്തിന്റെ ഭാഗമാണിതെന്നു കരുതുന്നു. ഇതു മണത്തറിഞ്ഞ മലയാളത്തിലെ പ്രമുഖ ചാനലാണ് കാമറ കണ്ടെത്തിയത്. തൃക്കാക്കര എസ്. ഐയുടെ നേതൃത്വത്തിലുള്ള സംഘം സ്ഥലത്തെത്തി കാമറ പിടിച്ചെടുത്തു. സംഭവത്തില്‍ പോലീസ് എഫ്.ഐ.ആര്‍. രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്.
അതേസമയം കേസില്‍ അറസ്റ്റിലായ നടന്‍ ഷൈന്‍ ടോം ചാക്കോ ഉള്‍പ്പെട്ട കൊക്കെയ്ന്‍ കേസിലെ മുഴുവന്‍ പ്രതികളേയും പോലീസ് കസ്റ്റഡിയില്‍ വിട്ടു. അഞ്ചുപ്രതികളേയും ഇന്നലെ ഉച്ചകഴിഞ്ഞു മൂന്നോടെ കോടതിയില്‍ ഹാജരാക്കി. ജഡ്ജിക്കുമുന്നില്‍ പ്രതികളായ യുവതികള്‍ പൊട്ടിക്കരഞ്ഞു. ലഹരിമരുന്നിന്റെ ഉറവിടം എവിടെനിന്ന്, മറ്റാരൊക്കെ ഉള്‍പ്പെട്ടിട്ടുണ്ട് എന്നു കണ്ടെത്താനാണു അന്വേഷണസംഘത്തിന്റെ നീക്കം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
