സംവിധായകന്‍ ആഷിക് അബുവിനെതിരെ രൂക്ഷ വിമര്‍ശനവുമായി കോണ്‍ഗ്രസ് മുഖപത്രം വീക്ഷണം. \'ആഷിക് അബു പറയുന്നതു തന്നെ ശരി.. എല്ലാവരും കൈയടിക്കൂ..\' എന്ന തലക്കെട്ടോടെയാണ് ആഷിഖ് അബുവിനെതിരെയുള്ള ലേഖനം. കൊക്കൈന്‍ കേസുമായി ബന്ധപ്പെട്ട് മംഗളം നല്‍കിയ വാര്‍ത്തയ്‌ക്കെതിരെ ആഷിക് ഫെയ്‌സബുക്കില്‍ കുറിച്ചതിനാണ് വീക്ഷണത്തിന്റെ പരിഹാസം. ലേഖനത്തില്‍ ആഷിക് അബുവിനും ഭാര്യയുമായും നടിയുമായ റിമാ കല്ലിങ്കലിനെതിരെയും വിമര്‍ശനമുണ്ട്.
മറ്റ് ഫെയ്‌സ്ബുക്ക് ഉപയോക്താക്കളേയും പത്രം വെറുതെ വിടുന്നില്ല. പി.സജിത് കുമാറാണ് ലേഖനം എഴുതിയിരിക്കുന്നത്. പോകുന്നിടത്തെല്ലാം റിമയെ കൈപിടിച്ച് കൂടെ കൂട്ടുന്നത് ഭാര്യ വഴി തെറ്റിപോകാതിരിക്കാനാണ് ലേഖനത്തില്‍ പറയുന്നു. ഫെയ്‌സ്ബുക്ക് ഉപയോഗിക്കുന്നവരെ മന്ദബുദ്ധികളെന്ന് വിശേഷിപ്പിച്ചുകൊണ്ടാണ് ലേഖനം എഴുതിയിരിക്കുന്നത്.
മന്ത്രി മാണിക്കെതിരെ ഫേസ്ബുക്കില്‍ എന്റെ വക 500 എന്ന ക്യാമ്പയിനുമായി രംഗത്തെത്തിയ ഉപയോക്താക്കളെയാണ് മന്ദബുദ്ധികള്‍ എന്ന് വിളിച്ചിരിക്കുന്നത്.
ഇടുക്കി ഗോള്‍ഡ് എന്ന ചിത്രത്തിലൂടെ കേരളത്തിലെ കഞ്ചാവിന് ആദ്യമായി ബ്രാന്‍ഡ് നെയിം നല്‍കുന്നത് ആഷിക് അബുവാണെന്നും സിനിമകള്‍ പലതും പരാജയപ്പെട്ടപ്പോള്‍ സംവിധായകന്‍ എന്ന ലേബല്‍ പിടിച്ച് നിര്‍ത്താന്‍ വേണ്ടിയാണ് ഫെയ്‌സ്ബുക്കിലൂടെ ചില പൊടിക്കൈകളുമായി ആഷിഖ് അബു രംഗത്തിറങ്ങുന്നതെന്നും പത്രം ആക്ഷേപിക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha